بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

پورتۋگاليادا ورمانعا كەتكەن ورتتە قازا بولعاندار سانى 62 ادامعا جەتتى

ۇكىمەت شۇعىل كۇيگە ءوتۋ بۇيرىعىن جاريالادى

2017.06.19 13:43   كەلۋ قاينارى : حالىق تورابى



  شينحۋا اگەنتتىگى، 18 – ماۋسىم، ليسسابون (جاڭ يادۇڭ، جاڭ كى). پورتۋگاليانىڭ ىشكى ىستەرگە جاۋاپتى مەملەكەتتىك حاتشىسى جورج گومەزدىڭ 18 – ماۋسىمدا ايتۋىنشا، پورتۋگاليانىڭ ورتا بولەگىندەگى ورمانعا كەتكەن ورتتە قازا بولعاندار سانى 62 ادامعا جەتكەن، 54 ادام جارالانعان. پورتۋگاليا ۇكىمەتى مەملەكەت بويىنشا شۇعىل كۇيگە ءوتۋ ءارى 18 – ماۋسىمنان باستاپ ءۇش كۇن مەملەكەت بويىنشا ازا بىلدىرۋ تۋرالى بۇيرىق جاريالادى.

  گومەزدىڭ ايتۋىنشا، ەڭ سوڭعى قازا بولعان ەكى ادام ورتكە بايلانىستى قاتىناس شىرعالاڭىندا قازا بولعان، جارالانعانداردىڭ ىشىندە 4 ادامنىڭ جاراقاتى سالماقتى ەكەن.

  گومەزدىڭ وسىنىڭ الدىندا ايتۋىنشا، قازا بولعانداردىڭ ىشىندە 18 ادام ءوز اۆتوكولىكتەرىنىڭ ىشىندە قازا بولعان، ولار ءورت كەتكەن ورماننىڭ اراسىنداعى تاس جولدا كەتىپ بارا جاتقاندا باقىتسىزدىققا تاپ بولعان، تاعى 3 ادام تۇتىنگە تۇنشىعىپ قازا بولعان، جارالانعاندار سول ماڭداعى قالاداعى ەمحاناعا جوتكەلىپ ەمدەلۋدە.

  ءورت اپاتى پورتۋگاليانىڭ ورتا بولەگىندەگى ۇلكەن پەدروگاۋ وڭىرىندە تۋىلعان. ءورت جەرگىلىكتى ۋاقىت بويىنشا 17 ماۋسىم ساعات 15 اينالاسىندا كەتىپ، دەرەۋ جايىلىپ، اۋىر ءورت اپاتىنا اينالعان. ءورت ءوشىرۋشى قىزمەتكەرلەر ءالى دە ءورت ءوشىرۋدە.

  ساقشى جاقتىڭ ايتۋىنشا، اعاشقا نايزاعاي ءتۇسىپ، سوڭى ءورت اپاتىنا ۇلاسقان، ساقشى جاق نايزاعاي تۇسكەن اعاشتى دا تاپقان.

  كەلۋ قاينارى: حالىق تورابى


【1】 【2】 【3】 【4】 【5】 【6】 
جاۋاپتى رەداكتورى : نۇرعيسا قۇرمانجان ۇلى

 سۋرەت