برۋسسەلدىڭ ورتالىق پويەز بەكەتىندە جارىلىس تۋىلدى

2017.06.21 13:00   كەلۋ قاينارى : حالىق تورابى

　　شينحۋا اگەنتتىگى، 20 – ماۋسىم، برۋسسەل (پان گىپيڭ) بەلگيا فەدەراتسيالىق پروكۋراتۋراسى تورابىنىڭ 20 – ماۋسىم كۇنى كەشتە حابارلاۋىنشا، 30 نەشە جاستارداعى ەر ادام سول كۇنى كەشتە برۋسسەلدەگى ورتالىق پويەز بەكەتىندە جارىلعىش قۇرىلعىنى پارتىلاتقان، ءولىم – ءجىتىم بولماعان، ىلە – شالا كەلىپ جەتكەن اسكەرلەر ونى اتىپ ولتىرگەن.

　　بەلگيا فەدەراتسيالىق پروكۋراتۋراسىنىڭ مالىمدەمەشىسى ەريك فاندەر زيپۋتتىڭ سول كۇنگى تىلشىلەردى قابىلداۋ جيىنىندا ايتۋىنشا، سول كۇنى كەشتە ساعات 20دان 30 مينۋت اينالاسىندا برۋسسەلدىڭ ورتالىق پويەز بەكەتىندە تۋىلعان جارىلىس وقيعاسى لاڭكەستىك شابۋىلعا جاتادى.

　　زيپۋتتىڭ ايتۋىنشا، جارىلىس سەبەبىنەن ءولىم – ءجىتىم نەمەسە جارالانۋ جاعدايى تۋىلماعان، قازىر پروكۋرا جاق قىلمىس كۇماندىسىنىڭ سالاۋاتىن بىلمەيدى، ونىڭ سىبايلاستارىنىڭ بار – جوقتىعى دا انىق ەمەس.

　　بەلگيا ساقشى جاعى تۆيتتەردە جاريالاعان مالىمەتىندە، جاعدايدى بۇكىلدەي مەڭگەرگەنىن ايتقان. سويتسە دە، برۋسسەلدىڭ كوشەسىندە ساقشىلار مەن ساقشى اۆتوموبيلى بارلىق جەردە كوزگە شالىنادى، ساقشى تىك ۇشاقتارى دا قالا كوگىندە شارلاۋ جۇرگىزۋدە. قازىر ورتالىق پويەز بەكەتىنە كەلەتىن پويەزدەردىڭ بارلىعى ۋاقىتتىق توقتاتىلدى، وسى بەكەتتەن وتەتىن مەترولار دا توقتاتىلدى.

　　كەلۋ قاينارى: حالىق تورابى