ەسىرتكىگە تيىم سالۋ: جاعداي كۇردەلى، مىندەت اۋىر، جول الىس

2017.06.28 09:30   كەلۋ قاينارى : حالىق تورابى

　　حالىق تورابى، 27 – ماۋسىم، بەيجيڭ. 26 – ماۋسىم حالىقارلىق ەسىرتكىگە تيىم سالۋ كۇنى. بىرلەسكەن مەملەكەتتەر ۇيىمى ەسىرتكى جانە قىلمىستىق ىستەر كەڭسەسى جاقىندا مالىمەت جاريالاپ، بۇكىل الەم بويىنشا ەسىرتكىگە تيىم سالۋ جاعدايىنىڭ اسا كۇردەلى ەكەنىن، قازىر 29 ميلليون 500 مىڭ ادامنىڭ ۋلى شەگىمدىك شەگەتىنىن جاريالاعان.

　　وتكەن 10 جىل ىشىندە، ۋلى شەگىمدىك شەگۋ سەبەبىنەن كەيبىر اۋرۋلاردىڭ تۋىلۋ سالىستىرماسى، ءولۋ سالىستىرماسى ارتقان. ۋلى شەگىمدىك ادامداردىڭ دەنساۋلىعىن تىكە زيانداپ قالماستان، ەكونوميكانىڭ دامۋى مەن قوعامنىڭ العا باسۋىنا زور قيىنشىلىق اكەلدى.

　　بىرلەسكەن مەملەكەتتەر ۇيىمى ءماجىلىسى 1987 – جىلدان بەرى ءار جىلدىڭ 26 – ماۋسىم كۇنىن حالىقارالىق ەسىرتكىگە تيىم سالۋ كۇنى ەتىپ بەلگىلەگەننەن باستاپ، حالىقارالىق قوعام ۋلى شەگىمدىكتىڭ تارالۋىن تەجەپ، ۋلى شەگىمدىك اتكەزشىلىگىنە تىنباي سوققى بەردى ءارى ءونىمىن كوردى. دەسە دە، قازىر الەمدە ۋلى شەگىمدىك ماسەلەسى ءالى دە اۋىر.

　　2017 – جىلى 23 – ماۋسىم كۇنى، وزبەكستاننىڭ استاناسى تاشكەنت قالاسى شەتىندەگى ءبىر زاۆود ىشىندە، ەسىرتكىگە تيىم سالۋ قىزمەتكەرى كوزىن قۇرتپاقشى بولعان ۋلى شەگىمدىكتى كورسەتۋدە. شينحۋا اگەنتتىگىنىڭ ءتىلشىسى ساداتتىڭ فوتوسى.

　　كەلۋ قاينارى: حالىق تورابى