حالىق گازەتى، 5 – شىلدە، بەيجيڭ (دۋ شاڭزى، گۋان كىجياڭ، حۋاڭ فاحۇڭ) مەملەكەت ءتوراعاسى شي جينپيڭ 5 – شىلدە كۇنى گەرمانيانىڭ پرەمەر – مينيسترى مەركەلمەن بىرگە بەرلين حايۋاناتتار باقشاسىنداعى مىسىق ايۋ زالىنىڭ اشىلۋ سالتىنا قاتىناستى.
شي جينپيڭ مەن حانىمى پىڭ لييۋان بەرلين حايۋاناتتار باقشاسىنا كەلگەندە، مەركەلدىڭ قىزۋ قارسى الۋىنا بولەندى. شي جينپيڭ مەن پىڭ لييۋان مەركەلمەن بىرگە مىسىق ايۋ زالىنا باردى. جول بويى جۇڭگونىڭ ۇلتتىق مۋزيكاسى شارىقتاپ، قىزىل قوراپتى شىراق ءىلىنىپتى. جۇڭگوشا سامالحانالاردان ءوتىپ كەلە جاتىپ، ەكى ەل باسشىسى اڭگىمەلەسە ءجۇرىپ، جۇڭگو – گەرمانيا ەكى ەل حالقىنىڭ دوستىق بارىس – كەلىس تاريحىن كوسىلە اڭگىمەلەدى.
مىسىق ايۋ زالىنا كەلگەننەن كەيىن، زالدى اشۋ سالتى باستالىپ، شي جينپيڭ مەن مەركەل ءسوز سويلەدى.
كەلۋ قاينارى: حالىق تورابى