شي جينپيڭ وڭتۇستىك كورەيانىڭ پرەزيدەنتى ۋىن زاييىنمەن كەزدەستى

2017.07.07 14:12   كەلۋ قاينارى : حالىق تورابى

　　«حالىق گازەتى»، 6 – شىلدە، بەرلين (تىلشىلەر دۋ شاڭزى، گۋان كىجياڭ). مەملەكەت ءتوراعاسى شي جينپيڭ 6 - شىلدەدە بەرليندە وڭتۇستىك كورەيانىڭ پرەزيدەنتى ۋىن زاييىنمەن كەزدەستى.

　　شي جينپيڭ بىلاي دەدى: جۇڭگو مەن وڭتۇستىك كورەيا __ جاعراپيالىق جاقتان جاقىن، مادەنيەتى توعىسقان، ءبىرىن - ءبىرى تولىقتاۋ باسىمدىعى كورنەكتى ەلدەر. ديپلوماتيالىق قارىم - قاتىناس ورناتقان 25 جىلدان بەرى جۇڭگو مەن وڭتۇستىك كورەيا ديپلوماتيالىق قارىم - قاتىناس ورناتقانداعى بىرىككەن مازمۇندامانىڭ رۋحىن جاقتاپ، ءوزارا ءتۇسىنىسۋ، ءبىر - بىرىنە قۇرمەت ەتۋ پرينسيبىنە ساي جۇڭگو مەن وڭتۇستىك كورەيا قاتىناسىنىڭ قارىشتاپ دامۋدى جۇزەگە اسىرۋىن جەبەپ، ەكى ەلگە جانە ەكى ەل حالىقتارىنا زور باقىت جەتكىزدى ءارى ءوڭىردىڭ بەيبىتشىلىگى، ورنىقتىلىعى، گۇلدەنىپ - كوركەيۋى ءۇشىن ماڭىزدى ۇلەس قوستى.

　　شي جينپيڭ مىنالاردى دارىپتەدى: پرەزيدەنت ۋىن زاييىن وڭتۇستىك كورەيا ۇكىمەتى ۋاكىلدەر ۇيىرمەسىن «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسۋعا جىبەرىپ، ەرەكشە ەلشىگە جۇڭگوعا كەلىپ ءوز قولىمەن جازعان حاتتى تابىستاۋدى تاپسىرىپ، جۇڭگو مەن وڭتۇستىك كورەيا قاتىناسىن جاقسارتۋ جانە دامىتۋ، سەزىمتال ماسەلەلەردى ۇيلەسىمدى ءبىر جاقتى ەتۋ جونىندەگى بەلسەندى تىلەگىن ءبىلدىردى. مەن مۇنى القايمىن. ءبىر مەزگىلدەن بەرى جۇڭگو مەن وڭتۇستىك كورەيا قاتىناسى قيىنشىلىقتارعا ءدوپ كەلدى، ءبىز مۇنداي جاعدايدى قالامايمىز. جۇڭگو وڭتۇستىك كورەياعا جانە جۇڭگو مەن وڭتۇستىك كورەيا قاتىناسىنا باسا ءمان بەرەدى، جۇڭگونىڭ جۇڭگو مەن وڭتۇستىك كورەيا دوستىعىن دامىتۋعا كۇش سالۋ تۇرعىسى وزگەرگەن جوق. ءبىز جۇڭگو مەن وڭتۇستىك كورەيانىڭ ديپلوماتيالىق قارىم - قاتىناس ورناتۋدىڭ 25 جىلدىعى ورايىنان پايدالانىپ وڭتۇستىك كورەيامەن ديپلوماتيالىق قارىم - قاتىناس ورناتقاننان بەرگى تاجىريبە - ساباققا قايىرىلا قاراپ جانە ونى قورىتىندىلاپ، اۋەلگى ماقساتتى ۇمىتپاي، تىزە قوسا العا باسىپ، جۇڭگو مەن وڭتۇستىك كورەيا قاتىناسىنىڭ اقاۋسىز، ورنىقتى دامۋدىڭ دۇرىس ارناسىنا ەرتەرەك ورالۋىن ىلگەرىلەتۋدى قالايمىز. جۇڭگو مەن وڭتۇستىك كورەيا قاتىناسىن ويداعىداي قورعاۋ، ويداعىداي دامىتۋ __ ەكى جاقتىڭ ورتاق جاۋاپكەرلىگى. ەكى جاق جالپى جاعدايدى تياناق ەتىپ، ۇزاق بولاشاقتى كوزدەپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ماسەلەلەرىنە قۇرمەت ەتۋى كەرەك. وڭتۇستىك كورەيادان جۇڭگونىڭ كوڭىل ءبولىپ وتىرعان ورىندى ماسەلەلەرىنە ءمان بەرىپ، قاتىستى ماسەلەلەردى لايىقتى ءبىر جاقتى ەتىپ، جۇڭگو مەن وڭتۇستىك كورەيا قاتىناسىنىڭ جاقسارۋى مەن دامۋىنداعى كەدەرگىلەردى الاستاۋىن ءۇمىت ەتەمىن.

　　كەلۋ قاينارى: حالىق تورابى