حالىق تورابى، 17 – شىلدە، بەيجيڭ. ءتاڭىرتاۋ تورابىنىڭ حابارلاۋىنشا، بەيجيڭ – ءۇرىمجى سايراعىنىڭ ىشكى موڭعۇلداعى لينحىدان بايگىداعا دەيىنگى ارالىعى مەن، گانسۋداعى بايگىدادان ميڭشۇيعا دەيىنگى ارالىعى، ميڭشۇيدان شينجياڭداعى قۇمىلعا دەيىنگى ارالىعى سىندى 3 بولەگى 15 – شىلدەدە تۇتاستىرىلىپ، كولىك قاتىنادى، بۇل G7 بەيجيڭ – ءۇرىمجى سايراعىنىڭ بۇكىل جەلى بويىنشا رەسمي تۇتاستىرىلعانىن كورسەتەدى.
G7 بەيجيڭ – ءۇرىمجى سايراعى ليانيۇنگاڭ – قورعاس سايراعىنان كەيىن ەكىنشى بولىپ سالىنعان شينجياڭنان سىرت جەرلەرگە قاتىنايتىن ءىرى سايراق ءدالىزى، اتالعان سايراقتى شيڭشيڭشيادان ءوتىپ، جيۋچۋاننىڭ وڭتۇستىگى ارقىلى بەيجيڭگە تۇتاساتىن G30 مەملەكەتتىك تاس جولىمەن سالىستىرعاندا، بەيجيڭ – ءۇرىمجى سايراعى جولدى 1300 كيلومەتر قىسقارتادى.
اتالعان نىسانعا قوسىلعان جالپى قارجى 5 ميلليارد 200 ميلليون يۋان بولىپ، 2009 – جىلى العاشقى مەرزىمدىك جۇمىستارى باستالعان، 2010 – جىلى سىناق بولەگى (شينجياڭ بولەگى) سالىنا باستاعان، 2015 – جىلى قاراشادا رەسمي سالىنا باستاعان، اتالعان نىسان شينجياڭ مەن ىشكى ولكەلەردى تۇتاستىراتىن ەكىنشى سايراق.
كەلۋ قاينارى: حالىق تورابى