شينجياڭ باقتى وتكەلىنەن الدىڭعى جارتى جىلدا 30 مىڭ تونناعا جۋىق جەمىس – جيدەك پەن كوكونىس ەكسپورت ەتىلدى

2017.07.21 13:46   كەلۋ قاينارى : حالىق تورابى

　　سۋرەتتە: شينجياڭ باقتى وتكەلى (19 – شىلدە). سول جاقتاعى جۇك اۆتوكولىگى شەكارادان شىعىپ بارادى، وڭ جاقتاعى اۆتوكولىك شەكارادان ءوتىپ كەلەدى. شينجياڭ تارباعاتاي ايماقتى كەدەندىك باسقارۋ كوميتەتىنىڭ ساناعىنا قاراعاندا، الدىڭعى جارىم جىلدا باقتى وتكەلىنەن 76 مىڭ 400 توننا جۇك يمپورت – ەكسپورت ەتىلگەن، قۇنى 252 ميلليون 848 مىڭ 800 ا ق ش دوللارى بولىپ، بىلتىرعى وسى مەزگىلدەگىدەن %15.7 جانە %84.9 ارتقان؛ مۇندا 29 مىڭ 200 توننا جەمىس – جيدەك پەن كوكونىس ەكسپورت ەتىلگەن، قۇنى 24 ميلليون 1600 ا ق ش دوللارى بولعان.

　　2013 – جىلى جەلتوقساندا شينجياڭ باقتى وتكەلىندە شينجياڭداعى اۋىل شارۋاشىلىق ونىمدەرىن جەدەل وتكىزۋگە ارنالعان تۇڭعىش «جاسىل ءدالىز» اشىلعان، اۋىل شارۋاشىلىق ونىمدەرىن كەدەننەن وتكىزۋ ۋاقىتى بۇرىنعى 3 كۇننەن 3 ساعاتقا قىسقارىپ، تارباعاتايدىڭ اۋىل شارۋاشىلىق ونىمدەرىن يمپورت – ەكسپورت ەتۋ ساۋداسىنىڭ ۇزدىكسىز جاندانۋىن ىلگەرىلەتتى. 200 جىلدىق ساۋدا – ساتتىق تاريحى بار شينجياڭ باقتى وتكەلى شاۋەشەك قالاسىنىڭ ورتالىعىنان 17 كيلومەتر قاشىقتىقتا، جۇڭگو مەن قازاقستاننىڭ شەكاراسىنا ورنالاسقان مەملەكەتتىك ءبىرىنشى دارەجەلى وتكەل ءارى جۇڭگونىڭ ورتا ازيا جانە ەۆورپامەن بارىس – كەلىس جاسايتىن ماڭىزدى جولى. شينحۋا اگەنتتىگىنىڭ ءتىلشىسى حۋ حۋحۋ فوتوسى

　　كەلۋ قاينارى: حالىق تورابى