شينجياڭ جاسوسپىرىمدەر فۋتبول كومانداسى فۋتبولدان حالىقارالىق جاسوسپىرىمدەر شاقىرمالى جارىسىندا اعا جۇلدەگەرلىكتى الىپ تابىسپەن شينجياڭعا قايتتى

2017.08.15 16:18   كەلۋ قاينارى : حالىق تورابى

　　حالىق تورابى، 15 – تامىز، بەيجيڭ. سۋرەتتە: حوتان ايماعى قاراقاش اۋدانى كاۋاك اۋىلى باستاۋىش مەكتەبىنىڭ فۋتبول كومانداسى ۇشاققا وتىرىپ شىنياڭ قالاسىندا وتكىزىلەتىن جارىسقا كەتىپ بارادى.

　　وڭتۇستىك اۆياتسيا سەرىكتىگىنىڭ «ارمان، جۇرەكتەن باستاۋ الادى» اتىنداعى مەكرو كينوسىنداعى بەينەلەنگەن حوتان ايماعى قاراقاش اۋدانى كاۋاك اۋىلى باستاۋىش مەكتەبىنىڭ فۋتبول كومانداسى جالپى جەتى مايداندا تولىق جەڭۋدەي تاماشا ناتيجەمەن 3 – كەزەكتى «بەيبىتشىلىك لوڭقاسى» اتىنداعى فۋتبولدان حالىقارالىق جاسوسپىرىمدەر شاقىرمالى جارىسىندا اعا جۇلدەگەر بولىپ، كەشە وڭتۇستىك اۋياتسياسىنىڭ ۇشاعىنا وتىرىپ شينجياڭعا قايتتى.

　　جەتى مايداندا 66 گول سالىپ «ارمان كومانداسى» اعا جۇلدەگەر بولدى. «ول 16 گول سالدى، ول ەكەۋىنىڭ ٵرقايسىسى 14 گولدان سالدى» - دەدى ءۇرىمجى حالىقارالىق اۋەجايىنىڭ T3 توسۋ زالىندا تۇرعان اتالعان كوماندانىڭ جاتتىقتىرۋشىسى پارحات كوپشىلىككە ٶزى تاربيەلەگەن جەتكىنشەك شولپاندارىن تانىستىرىپ. ول ءبىر اعا جۇلدەگەرلىك مەدال وڭتۇستىك اۆياتسيا سەرىكتىگى شينجياڭ بولىمشە سەرىكتىگىنىڭ بازار – ساتۋ ءبولىمنىڭ شۋجيى جاڭ جۇن مىرزانىڭ موينىنا تاقتى، ٵرى تەبىرەنە تۇرىپ بىلاي دەدى: «وڭتۇستىك اۆياتسيا سەرىكتىگىنىڭ ءۇش جىلدان بەرگى قولداپ – قۋاتتاپ كەلگەنىنە ەرەكشە العىس ايتامىز، كوماندامىزعا كومەكتەسكەن بارلىق ادامدارعا راحىمەت ايتامىز».

　　حوتان ايماعى قاراقاش اۋدانى كاۋاك اۋىلى باستاۋىش مەكتەبىنىڭ فۋتبول كومانداسى «ارمان كومانداسى» دەپ تە اتالادى، ولار بيىل قاتىناسقان «بەيبىتشىلىك لوڭقاسى» اتىنداعى فۋتبولدان حالىقارالىق جاسوسپىرىمدەر شاقىرمالى جارىسى - شىنياڭ قالالىق حالىق ۇكىمەتى ۇيىمداستىرعان، جالپى 146 كوماندانىڭ 3000عا تاياۋ فۋتبولشىسى قاتىناسقان جارىس، مۇندا رەسەي، فرانسيا، دانيا، ا ق ش، موڭعۇليا، يسپانيا، تايلاند، مالايزيا، جاپونيا قاتارلى 9 مەملەكەتتىڭ 20داي حالىقارالىق جاسوسپىرىمدەر كومانداسى قاتىناستى. «ارمان كومانداسى» بۇل جولعى شىنياڭ قالاسىنداعى جارىستا جەتى مايدان دوپ تەۋىپ، جالپى 66 گول ۇرعان، بارلىق مايداندا جەڭۋدەي ناتيجەمەن U9 گرۋپپاسىنىڭ اعا جۇلدەگەرلىگىن قانجىعالاعان.

　　حوتان ايماعى قاراقاش اۋدانى كاۋاك اۋىلى باستاۋىش مەكتەبىنىڭ فۋتبول كومانداسى مۇشەلەرى 2013 – جىلى 12 – تامىز وڭتۇستىك اۆياتسيا سەرىكتىگىنىڭ كومەگىندە تۇڭعىش رەت تاۋ قويناۋىنان شىعىپ، ۇشاققا وتىرىپ، سول كەزدە جاڭا عانا بۇكىل مەملەكەتتىك ورتالاۋ – باستاۋىش مەكتەپتەردىڭ فۋتبول جارىسى مەن حالىقارالىق جاسوسپىرىمدەر فۋتبول جارىسىنىڭ «قوس اعا جۇلدەگەرلىگىن» قانجىعالاعان ءۇرىمجى قالالىق 5 – باستاۋىش مەكتەپتىڭ فۋتبول كومانداسىمەن ءبىر مايدان دوستىق جارىس ويناعان. بۇل وسى اۋىلدان شىققان فۋتبول كومانداسىنىڭ تاعدىرىن وزگەرتكەن ەڭ العاشقى جاقسى باستاما بولدى. 2014 – جىلى جەلتوقسان ايىندا بالالاردىڭ «ارمانى» نەگىزىندە وزگەرتىلىپ جاسالعان وڭتۇستىك اۋياتسيا سەرىكتىگىنىڭ «ارمان، جۇرەكتەن باستاۋ الادى» اتىنداعى مەكرو كينوسى تىڭشۇن، ايچي - ي، يۋكۋ قاتارلى ىقپالدى كەسكىن توراپتارىندا جاريالانعان سوڭ، كوپتەگەن ادامدار وسى ءبىر توپ بالانىڭ ارمانىنا نازار اۋداردى.

　　مەكرو فيلىم قىزعىن قارسى الۋعا بولەنىپ، جۇرت نازارىن اۋدارعان سوڭ، كوپتەگەن اق نيەتى ادامدار شينجياڭنىڭ فۋتبولىنا، كاۋاك اۋىلى باستاۋىش مەكتەبىنىڭ «ارمان» اتىنداعى فۋتبول كومانداسىنا نازار اۋداردى. قوعامداعى ٵر سالانىڭ كومەگىندە فۋتبول كومانداسىنىڭ نەگىزگى جابدىقتارى دا كەمەلدەنىپ، بالالار دا ەندىگارى جالاڭ اياق دوپ تەپپەيتىن بولدى، ٵر ءتۇرلى جارىسقا قاتىناسۋ ورايى دا كوبەيدى.

　　كەلۋ قاينارى: حالىق تورابى