تۋىستارشا جىراقتاردان باس قوسىپ، جارقىن بولاشاققا دەگەن ۇمىتتەرىن توعىستىردى

2017.08.17 14:23   كەلۋ قاينارى : حالىق تورابى

　　حالىق تورابى، 17 – تامىز، بەيجيڭ. ءتاڭىرتاۋ تورابىنىڭ حابارلاۋىنشا، شينجياڭ ۇيعۇر اۆتونوميالى رايوندىق پارتكومنىڭ كەڭسە مەڭگەرمەسى 15 – تامىز كۇنى كەشتە «ۇلتتار ىنتىماعىنىڭ بەرەكەلى شاڭىراعى» اتىنداعى بىرلەسپە ساۋىق كەش ۇيىمداستىردى. يىڭسىار اۋدانى ساتىلى اۋىلى مەن چىڭگۋان اۋىلىنداعى جۇپ قۇراپ، تۋىس بولعان 42 جۇپ وتباسى مەن كەڭسە مەڭگەرمەسىنىڭ بارلىق جۇمىسشى – قىزمەتكەرلەرى ءبىر ارادا باس قوسىپ، كادرلار مەن جۇمىسشى – قىزمەتكەرلەردىڭ وزدەرى دايىنداعان كوركەمونەر نومىرلەرىن بىرگە تاماشالاپ، شينجياڭنىڭ جارقىن بولاشاعىنا دەگەن ۇمىتتەرىن توعىستىردى.

　　جۇپ قۇراعان تۋىستار جانە كەڭسە مەڭگەرمەسىندەگى كادرلار مەن جۇمىسشى – قىزمەتكەرلەر بىرگە ورىنداعان «كوممۋنيستىك پارتيا بولمايىنشا، جاڭا جۇڭگو بولماق ەمەس» دەگەن انمەن ساۋىق كەشتىڭ شىمىلدىعى اشىلدى. «بارابان سوعىپ، ءان شىرقايىق» اتتى شاعىن حور ارقىلى تاماشا تۇرمىسقا تالپىنۋ رۋحى مەن ءداۋىردىڭ اسقاق ءۇنى شارىقتادى، جەكە داۋىستا ورىنداعان «قۇربان اتاي، ءسىزدى ساعىنامىز» اتتى ءان مەن ءداستۇرلى جەلپۋىش ءبيى كەڭسە مەڭگەرمەسىندەگى كادرلەردىڭ ونەرلى جاندار ەكەنىن ايگىلەدى... كوپشىلىك كوركەمونەر نومىرلەرىن تاماشالاي وتىرىپ، كەشكى استان اۋىز ءتيدى. ىنتىماق جايلى كەڭەس قۇرىپ، دوستىق جايلى سىر شەرتىپ، تۇرمىس جايلى تولعانىپ، شۇيىركەلەستى، كەڭەس بارىسىندا ءبىر – ءبىرىن جاقىن تارتىپ، كوڭىلدەرى توعىستى.

　　كەلۋ قاينارى: حالىق تورابى