شينجياڭداعى اراسان اۋدانىنان قولا ءداۋىرى تۇسىنداعى كولەمدى جۇرتتىڭ ورنى بايقالدى

2017.08.22 13:25   كەلۋ قاينارى : حالىق تورابى

　　سۋرەتتە: قۇستاي جۇرتىندا ارحەلوگيالىق تەكسەرۋ جۇرگىزەتىن ۇجىمنىڭ جەتەكشىسى جيا شياۋبيڭ دوكتور (وڭدا) جۇرتتىڭ سولتۇستىگىندەگى تاۋ باسىنداعى باقىلاۋ جانە قورعانۋعا پايدالانىلاتىن قۇرىلىستىڭ ىشىنەن قازىپ العان اتتىڭ باس سۇيەگىن كورسەتۋدە (20 – تامىز).

　　مەملەكەتتىك مادەني مۇرالار مەكەمەسى، جۇڭگو قوعامدىق عىلىمدار اكادەمياسىنىڭ ارحەولوگيالىق زەرتتەۋ ءبولىمى، بەيجيڭ ۋنيۆەرسيتەتىنىڭ ارحەولوگيا جانە مادەنيەت ينستيتۋتى قۇرىلىمدار مەن ۋنيۆەرسيتەتتەردەن كەلگەن 50 نەشە مامان – وقىمىستى 20 – تامىزدان 21 – تامىزعا دەيىن شينجياڭ اراسان اۋدانى قۇستاي جۇرتىندا تەكسەرۋ جۇرگىزدى ءارى جۇمىس باسىندىق اڭگىمە ءماجىلىسىن وتكىزدى. جۇمىس باسىندا تەكسەرۋ ارقىلى جيىنعا قاتىناسقان ماماندار قۇستاي جۇرتى قازىر باتىس تيانشاننان بايقالعان جانە قازىپ الىنعان ەڭ ءىرى، دارەجەسى ءبىرشاما جوعارى، قورشاما داۋالدارى مەن كولەمدى تاس قۇرىلىستارى، سونداي – اق، تۇستىك پەن تەرىستىك قاراۋىل ورىندارى سىندى اسكەري قورعانىس جۇيەسى بار قولا ءداۋىرىنىڭ ۋاكىلدىك قونىس جۇرتى دەپ تۇراقتاندىردى.

　　قازىپ الىنعان بۇيىمدار بۇل ارادا 3600 جىل بۇرىن اۋىل شارۋاشىلىعىن نەگىز ەتىپ، قوسىمشا مال شارۋاشىلىعىمەن شۇعىلدانعان تۇرمىس ءتاسىلىنىڭ ءومىر سۇرگەنىن، اتالعان جۇرتتىڭ اۋىل شارۋاشىلىعى مەن مال شارۋاشىلىعى اراسىندا بۇرىلىس بولعان كەزدەگى تيپتىك جۇرت ەكەنىن كورسەتىپ وتىر، بۇل باتىس تيانشان ءوڭىرىنىڭ، ءتىپتى شينجياڭنىڭ سولتۇستىگىندەگى وڭىرلەردىڭ قولا مادەنيەتىن، جاڭا ەرادان بۇرىنعى اۋىل شارۋاشىلىعى مادەنيەتىنىڭ دامۋى مەن مال شارۋاشىلىعىنىڭ جارىققا شىعۋىن ىشكەرىلەي تۇسىنۋدە ماڭىزدى ءمان الاتىن بايقاۋ بولىپ سانالادى.

　　كەلۋ قاينارى: حالىق تورابى