122 تەلەگراف الدامكوس كۇماندىسى كامبودجادان ەلىمىزگە ۇستاپ اكەلىندى

2017.08.25 15:15   كەلۋ قاينارى : حالىق تورابى

　　حالىق تورابى، 25 – تامىز، بەيجيڭ. 24 – تامىز، چىڭدۋ شۋاڭليۋ حالىقارالىق اۋەجايى، قىلمىس كۇماندىلارى ۇشاقتان تۇسۋدە. سول كۇنى، شەكارا اتتاعان تەلەگراف الدامكوس دەلوسىنداعى 122 قىلمىس كۇماندىسى كامبودجادان ەلىمىزگە ۇستاپ اكەلىنپ، چىڭدۋ، گۋاڭ – ان، دى- ياڭ، زى – ياڭ قاتارلى 4 جەردىڭ قوعام حاۋىپسىزدىك تاراۋلارىنا تاپسىرىلىپ بەرىلدى.

　　بيىل ماۋسىم ايىندا، سىچۋان قوعام حاۋىپسىزدىك تاراۋلارى كامبودجاعا بارىپ تەلەگراف قىلمىس كۇماندىلارىن شەكارا اتتاپ ۇستاۋ ارەكەتىن ورىستەتتى، ارنايى دەلوعا جاۋاپتى قىزمەت گرۋپپاسى قيىنشىلىقتى جەڭە وتىرىپ، تىرىسشاڭدىلىق كورسەتۋدىڭ ارقاسىندا، 26 – شىلدە كۇنى 17 تەلەگراف الدامكوسى ەلىمىزگە ۇستاپ اكەلىندى. قىزمەت بارىسىندا، ارنايى دەلوعا جاۋاپتى قىزمەت گرۋپپاسىنىڭ مۇشەلەرى كامبودجانىڭ جەرگىلىكتى جاعدايىنىڭ اسا كۇردەلى ەكەنىن، الدامكوستەردىڭ قوعامدىق بايلانىس تورىنىڭ مىقتى ەكەنىن بايقادى. ساقشى جاق كامبودجانىڭ پويپەت رايونىنداعى تەلەگراف الدامكوس قىلمىستىلار اپانىن نىساناعا الدى.

　　تامىز ايىنىڭ باسىندا، كامبودجا كوشى – قون مەكەمەسى پويپەت رايونىنان 122 تەلەگراف الدامكوس كۇماندىسىن ٴساتتى ۇستاپ، قولفون، تەلەفون، بانكە كارتۋچكاسى، كومپيۋتەر قاتارلى دەلوعا قاتىستى قۇرالداردى ءمۇسادرالاپ، قىلمىس كۇماندىلارىنىڭ ەلىمىزدىڭ ءارقايسى رايونىنان زاڭسىز قولعا تۇسىرگەن بۇقارانىڭ جەكەلىك ينفورماتسياسىن تەكسەرىپ جاپتى.

　　كەلۋ قاينارى: حالىق تورابى