بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

قىستاق تۇرعىندارى قۇربان ايت الدىندا جاڭا ۇيگە كوشىپ كىردى

تاسقورعان اۋدانىندا «11 – مامىر» جەر سىلكىنىسىنەن كەيىنگى قايتا گۇلدەندىرۋ ءىسى ءساتتى ورىستەتىلۋدە

2017.09.07 13:32   كەلۋ قاينارى : حالىق تورابى



  حالىق تورابى، 7 – قىركۇيەك، بەيجيڭ. ءتاڭىرتاۋ تورابىنىڭ حابارلاۋىنشا، تاسقورعانداعى گۇلپيا ءمالي ەسىمدى 15 جاستاعى بويجەتكەن قۇربان ايتتى جەر سىلكىنىسى تۋىلعاننان كەيىنگى قايتا گۇلدەندىرۋ كەزىندە سالىنعان جاڭا ۇيدە وتكىزدى.

  گۇلپيا ءمالي: قۇربان ايت الدىندا جاڭا ۇيگە كوشىپ كىرگەنىمىزگە توتەنشە قۋاندىم. بىرنەشە كۇننەن كەيىن كۇيتۇنگە بارىپ تولىق ورتا مەكتەپكە ءتۇسىپ وقيمىن، سول كەزدە ساباقتاستارىما پارتيا مەن ۇكىمەتتىڭ قامقورلىعىندا اتا – مەكەنىمىزدىڭ گۇلدەنىپ، جاڭا ۇيگە كوشىپ كىرگەنىمىزدى ايتامىن، ــ دەيدى.

  گۇلپيا ءماليدىڭ ءۇيى شينجياڭ ۇيعۇر اۆتونوميالى رايونى تاسقورعان تاجىك اۆتونوميالى اۋدانى تاسقورعان اۋىلى قۇزعىن قىستاعىندا، قۇربان ايت قارساڭىندا، 30 – تامىز كۇنى تۇستەن كەيىن، قۇزعىن قىستاعىنىڭ تۇرعىندارى جەر سىلكىنىسى اپاتىنان كەيىن قايتا گۇلدەندىرۋ بارىسىندا سالىنعان جاڭا ۇيلەرگە كوشىپ كىردى.

  سول كۇنى تاسقورعان اۋدانى تاسقورعان اۋىلى قۇزعىن قىستاعى تۇرعىندارىنىڭ اپاتتان كەيىنگى قايتا گۇلدەندىرۋ مەزگىلىندە سالىنعان ۇيلەرگە كوشىپ كىرۋ سالتىن وتكىزىپ، تاسقورعان اۋدانىنىڭ «11 – مامىر» جەر سىلكىنىسىنىڭ سەنترىندەگى قۇزعىن قىستاعىنداعى اپاتقا ۇشىراعان بۇقارانىڭ شاتىر مەن ۋاقىتتىق ورنالاستىرۋ ورنىنان جاڭا ۇيلەرگە كوشىپ كىرگەنىن قۇتتىقتادى.

  قىستاق تۇرعىندارى كۇندىز – ءتۇنى قۇرىلىس ورنىندا جۇمىس ىستەگەن قۇرىلىسشىلارعا جەمىس – جيدەك پەن تاجىك تاعامدارىن اپارىپ بەرىپ، ولارعا دەگەن العىستارىن ءبىلدىردى.

  كەلۋ قاينارى: حالىق تورابى

【1】 【2】 
جاۋاپتى رەداكتورى : نۇرعيسا قۇرمانجان ۇلى

 سۋرەت