پارتيا 19 – قۇرىلتايى اقپارات ورتالىعى سىرتقا باعىتتالعان قابىلداۋ قىزمەتىن رەسمي باستادى

2017.10.11 15:41   كەلۋ قاينارى : حالىق تورابى

　　حالىق تورابى، 11 – قازان، بەيجيڭ (يۇي كاي) پارتيا 19 – قۇرىلتايىنىڭ بەيجيڭ مەديا قوناق ۇيىنە ورنالاستىرىلعان اقپارات ورتالىعى 11 – قازاندا سىرتقا باعىتتالعان قابىلداۋ قىزمەتىن رەسمي باستاپ، پارتيا 19 – قۇرىلتايىندا تىلشىلىك قىزمەت وتەيتىن جۇڭگولىق – شەتەلدىك تىلشىلەرگە تىلشىلىك ىستەۋ كۋالىگىن تاراتتى، تىلشىلىك ىستەۋ ءوتىنىشىن قابىلدادى، قۇرىلتايداعى تىلشىلەر قاتىناساتىن قيمىلداردى ورنالاستىردى.

　　اقپارات ورتالىعى اقپارات جاريالاۋ زالى، جەكەلەي سۇحبات الۋ بولمەسى، توعىسپالى مەديالى سۇحبات بولمەسى، راديو – تەلەۆيزيا سەگنالى جاعىندا قىزمەت وتەۋ بولمەسى، عالامتورلىق قىزمەت وتەۋ بولمەسى، فوتو سۋرەت جاعىندا قىزمەت وتەۋ بولمەسى، ەمدەۋ جاعىندا قىزمەت وتەۋ بولمەسى قاتارلى فۋنكتيسالىق بولەكتەرگە بولىنگەن. اقپارات ورتالىعىنىڭ تىلشىلەرگە كورسەتەتىن قىزمەت وتەۋ تۇرلەرى مىنالار: اقپار جاريالاۋ جيىنىن، تىلشىلەردى قابىلداۋ جيىنىن، توپتىق تىلشىلىك ىستەۋدى، جەكەلەي تىلشىلىك ىستەۋدى جانە سىرتقا شىعىپ ەكسكۋرسيالاي تىلشىلىك ىستەۋدى ۇيىمداستىرادى، اقپاراتتىق ماتەريالدارمەن قامداۋ جاعىندا قىزمەت وتەيدى جانە عالامتور – حابارلاسۋ جاعىندا قىزمەت وتەۋمەن قامدايدى، اقپارات ورتالىعىنىڭ تورابى مەن ۋيچات تۇعىرىن ىسكە قوسادى. مۇنان سىرت، اقپارات ورتالىعىندا شاي قاتارلى تەگىن سۋسىندىقتارمەن قامدايتىن دەمالۋ ورنى مەن باتىسشا تەز تاعامدارمەن قامدايتىن اسحانا بار.

　　كەلۋ قاينارى: حالىق تورابى