قازاق جاستارى مادەنيەت سالاسىندا كاسىپ كوزىن اشىپ، جۇڭگو مەن قازاقستاننىڭ اۋىس – كۇيىسىن ىلگەرىلەتۋگە ۇلەس قوستى

2017.11.28 13:54   كەلۋ قاينارى : حالىق تورابى

　　ەرنۇر (سولدا) مەن جاينا تۇڭجي ۋنيۆەرسيتەتىنىڭ كاسىپ كوزىن اشۋ ورنىندا سۋرەتكە تۇسۋدە (19 – قاراشا). شينحۋا اگەنتتىگىنىڭ ءتىلشىسى دۋ شياۋ – ي فوتوسى


　　«90 – جىلداردىڭ تۇلەگى» قازاق جاستارى ەرنۇر مەن جاينا شينجياڭنىڭ نىلقى اۋدانىندا تۋعان، ەكەۋى شاڭحاي تۇڭجي ۋنيۆەرسيتەتىنىڭ كاسىپ كوزىن اشۋ ورنىندا «ەلجاۋ (شاڭحاي) مادەنيەت تاراتۋ شەكتى سەرىكتەستىگىن» جۇرگىزۋدە، مادەنيەت سالاسىنداعى ءبىرقىدىرۋ ەڭبەكتەرى ارقىلى جۇڭگو مەن قازاقستان ەكى ەل اراسىنداعى مادەنيەت سالاسىنداعى اۋىس – كۇيىسكە كوپىرلىك رول اتقارۋدى ارماندايدى. 2015 – جىلى ەرنۇر شاڭحاي تۇڭجي ۋنيۆەرسيتەتىنىڭ مادەنيەت سالاسىنداعى ءوندىرىستى باسقارۋ كاسىبىنەن وقتۋ تاۋىسىپ، قازاقستاندا قىزمەت ىستەۋ بارىسىندا، ەكونوميكالىق جاقتاعى سەلبەستىككە قاراعاندا، ەكى ەل اراسىنداعى مادەنيەت سالاسىنداعى اۋىس – كۇيىسىنىڭ جەتكىلىكسىز ەكەنىن بايقاپ، ەلىمىزگە قايتىپ كاسىپ كوزىن اشۋ ويىنا كەلەدى؛ 2016 – جىلى قىركۇيەكتە جاينا شينجياڭنان تۇڭجي ۋنيۆەرسيتەتىنە اسپيرانتۋراعا قابىلدانىپ، ەرنۇر قىزمەتىن تاستاپ، ەكەۋى بىرگە مادەنيەت تاراتۋ سەرىكتەستىگىن قۇرادى.


　　كاسىپ كوزىن اشۋ جولى بىردەن وڭاي بولعان جوق، قارجىگەردىڭ باس تارتۋى، نىساننىڭ ساتسىزدىككە ۇشىراۋى، وتباسىنداعىلاردىڭ قولداماۋى سىندى جاعدايلار سەبەپتى ەكەۋىنىڭ رايىنان قايتۋدى ويلاعان كەزدەرى دە بولدى. سونداي كەزدەردە ۇستازدارى مەن ساباقتاستارى كومەك قولىن سوزىپ، جاقسى ۇسىنىستارىن بەردى، ولار ياڭپۋ رايونى مەن تۇڭجي ۋنيۆەرسيتەتىنىڭ كاسىپ كوزىن اشۋشىلارعا كومەكتەسۋ قاراجاتىنا ءساتتى ءوتىنىش بەرىپ، سەرىكتەستىك بىرتىندەپ ءوز جولىن تاپتى. قازىر ولار جۇڭگونىڭ مادەنيەت ونىمدەرىن قازاقستانعا قالاي جەتكىزۋدى جانە قازاقستاننىڭ الەۋمەتتىك جەلىلەرىندە اككاۋنت اشىپ، جۇڭگو مادەنيەتىن قازاقستانعا تانىستىرۋدى جوسپارلاۋدا.


　　كەلۋ قاينارى: حالىق تورابى