«كاپسۋل قوناق ءۇي» ءۇرىمجى اۋەجايىنا ىرگە تەپتى

2017.12.04 15:46   كەلۋ قاينارى : حالىق تورابى

　　حالىق تورابى، 4 – جەلتوقسان، بەيجيڭ. جىبەك جولى ەكونوميكا بەلدەۋى اۆياتسيا تورابى قۇرىلىسىنىڭ ورنىقتى تۇردە ىلگەرىلەۋىنە بايلانىستى، ءۇرىمجى ديۋوپۋ حالىقارالىق اۋەجايى 1 – جەلتوقسان كۇنى «كاپسۋل قوناق ءۇيىن» رەسمي ىسكە قوسىپ، كۇننەن كۇنگە كوبەيگەن جولاۋشىلاردى قولايلى دا جايلى قىزمەت كورسەتۋمەن قامدادى.

　　«كاپسۋل قوناق ءۇي» ءۇرىمجى ديۋوپۋ حالىقارالىق اۋەجايىنىڭ 3 – تەرمينال عيماراتى ىشىنە ورنالاسقان بولىپ، دەمالىس رايونى، تازالىق رايونى قاتارلى 5 رايونعا ءبولىنىپ، جالپى 52 دارا دەمالىس بولمەسى بار. دەمالىس بولمەسىنىڭ ىشكى ديامەترى 2 مەتر، بيىكتىگى 1.1 مەتر بولىپ، بولمە ىشىنە تەلەۆيزور، WiFi ورناتىلعان، جولاۋشىلار تەلەفون، توراپ ارقىلى الدىن – الا زاكاز بەرۋىنە بولادى.

　　ىشكى ولكە مەن ورتا ازياداعى ءارقايسى مەملەكەتتى تۇتاستىراتىن «جىبەك جولىنداعى ماڭىزدى قالا» رەتىندە، جاقىنعى جىلداردان بەرى ۇرىمجىگە كەلىپ – كەتەتىن ەل ءىشى - سىرتىنداعى جولاۋشىلاردىڭ سانى بارعان سايىن كوبەيۋدە. شينجياڭ اۋەجاي توبىنىڭ ساناعىنا قاراعاندا، بيىل ديۋوپۋ حالىقارالىق اۋەجايىنىڭ جولاۋشىلاردى قابىلداپ – ۇزاتىپ سالۋ مولشەرى 21 ميلليون رەتكە جەتپەك.

　　كەلۋ قاينارى: حالىق تورابى