سارالا جاپىراقتار

( لەزدىك فوتو شالقىما)

   سۋرەتتەرىن ءتۇسىرىپ، ماقالاسىن جازعان باقىتبەك جۇمادىل ۇلى 

2017.12.14 13:24  

　　توڭىرەكتەگى جاپىراقتاردىڭ سارعايىپ بارا جاتقانىن بايقاپ: تاعى ءبىر كۇز كەلىپتى - اۋ، ـــ دەپ قالامىز. جازدىڭ جايدارى اپتابىنا بەتىن سۇيگىزىپ، سامال جەلمەن سىبدىراي ىرعالا سىر شەرتىپ، بۇتاقتىڭ ءسانى بولعانىن ماقتانىش ەتكەندەي بولىپ تۇراتىن جاپىراقتار دا وزدەرىنىڭ قاپەلىمدە سارعايىپ بارا جاتقانىن سەزبەي دە قالاتىن شىعار بالكىم. الايدا سارى كۇزدىڭ الاۋىمەن بىرتىندەپ «التىنمەن اپتالعانداي» بولىپ سارعاياتىن جاپىراقتار ساعىمدانعان سايىن دالاعا، سىڭسىعان ورمانعا، سالالى بۇتاقتى قارت ءباي تەرەكتەرگە، اق بالتىر قايىڭعا، جاعاداعى جاس تالعا كوزگە جاعىمدى، كوڭىلگە جىلى سەزىلەتىن سارى ءتۇسپەن ءسان بەرەدى. ويتكەنى جاپىراقتار التىن كۇزدىڭ الاۋىن ارايىنا جيىپ الىپ، سارالا تارتقاندا كوكەيگە جىلى شابىت شاشىپ جالتىراپ كوزگە ۇرادى. مىنە بۇل كۇز بوياۋى ـــ جاپىراقتى ساندەگەن سارى ءتۇس.


　　سارى ءتۇس ـــ شىنتۋايتىندا التىنعا ءتان قىمباتتى بوياۋ. ەشكىمدە التىندى ارزان، كەرەكسىز دەمەيدى. الايدا جاپىراقتارعا وسى التىننىڭ ءتۇسىن سيلاعان ءار ءبىر كۇزدىڭ ساعىمدى ساتتەرى قانشاما قىمبات، باعالاپ كوردىك پە؟ بايقاساق، ايال بەرمەي ءوتىپ كەتكەن تالايلاعان سارى كۇزدىڭ ساۋمال تاڭدارىمەن مامىراجاي كۇندەرى كوكەيدە قانشالاعان ساعىنىشتىڭ سارىقتارىن قالتىرعانى انىقتالا تۇسەدى.


　　ءيا، كۇزدىڭ سوڭى اياز بۇرگەن قىتىمىر قىسقا ۇلاساتىنىن ويلاساڭىز سارى كۇزدىڭ ساعىمدى ساتتەرىنىڭ تىپتەن قىمبات ەكەنىن ايقىن سەزىنە تۇسەسىز، اعايىن !

　　


　　كەلۋ قاينارى: حالىق تورابى