بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

جۇماق مەكەندەگى «اق قازىنا»

2018.01.08 13:39   كەلۋ قاينارى : حالىق تورابى



  قاناستىڭ قوم قىستاعىنداعى «دينا لاشىعىندا» وتاعاسى جەكەن ساياحاتشىلارعا قازاقتىڭ ۇلتتىق تاعامى نارىننان ءدام تاتقىزۋدا. (2 – قاڭتار).


  جاڭا جىل كەلدى، قاپالاقتاي جاۋعان قار شينجياڭنىڭ سولتۇستىگىن اق كورپەگە ورادى. قىس مەزگىلىندە جاۋعان «كۇمىس» قار مۇز قۇرسانىپ، قار جامىلعان وسى مەكەندەگى تۇرعىنداردىڭ قالتاسىن قامپايتتى. بۇكىل ەلىمىزگە تانىمالى ساياحات ءوڭىرى رەتىندە جۇماق مەكەن اتانعان قاناستىڭ قىسقى ساياحاتى جۇرت نازارىن جاپپاي اۋدارۋدا. قاتىناس پەن قونالقى شارت – جاعدايىنىڭ جاقسارۋىنا ىلەسە، قىس مەزگىلىندە التاي تاۋىنىڭ باۋرايىنا كەلىپ، وسى ارانىڭ جانعا جايلى تىنىشتىعىنا شومۋدى قالايتىن ساياحاتشىلار قاتارى كۇننەن – كۇنگە مولايۋدا.


  قازاق مالشى جەكەننىڭ وتباسى قومدا تۇرادى، قازىر ولار «دينا لاشىعى» اتتى وتباسىلىق ساياجايدى جۇرگىزەدى. بۇرىن بۇل ساياجاي جاز بەن كۇز مەزگىلىندە ساياحاتشى قابىلدايتىن، قازىر قىس مەزگىلىندە دە قوناق كۇتۋمەن قاربالاس بولادى. 2017 – جىلى قاراشادان قازىرگە دەيىن بۇل ءۇي 300 ~ 400 قوناق قابىلداپ، ون مىڭ يۋانعا جۋىق كىرىس كىرگىزگەن. جەكەننىڭ وتباسىنا كەلگەن ساياحاتشىلار قازاقتىڭ ۇلتتىق تاعامى نارىننان اۋىز ٴتيىپ، قويۋ ءسۇتتى شايدان قانىپ ىشە الادى.


  «وسى بىرنەشە جىلدان بەرى وتباسىمىزدىڭ ساياحاتتان كىرگىزگەن كىرىسى 20 مىڭ يۋاننان اسىپ، بارلىق كىرىسىمىزدىڭ جارىمىنان استامىن يەلەدى، قازىر قاناستا جازعى ساياحات قانا ەمەس، ٴتورت ماۋسىمدا دا ساياحات جاقسى» دەيدى جەكەن. قىسقى ساياحات جىم – جىرت جاتقان قاناستى دىر – دۋمانعا بولەدى، جەرگىلىكتى تۇرعىندار وسى ورايدان پايدالانىپ قىسقى وتباسىلىق ساياحات ورىندارىن قۇرىپ، ءتۇرلى ۇلتتىق ٴتۇس الاتىن قىزمەتتەر كورسەتىپ، ۇلتتىق مادەنيەتتى تانىستىرۋمەن بىرگە، اقشا قار الا كەلگەن قازىنادان تيەسىلى ۇلەسىن الدى. شينحۋا اگەنتتىگىنىڭ ءتىلشىسى جاۋ گى فوتوسى


  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 
جاۋاپتى رەداكتورى : نۇرعيسا قۇرمانجان ۇلى

 سۋرەت