رەسمي جاريالاۋ: كوۋتينو بارسەلونا كومانداسىنا رەسمي قابىلداندى

2018.01.09 14:46   كەلۋ قاينارى : حالىق تورابى

　　حالىق تورابى، 9 – قاڭتار، بەيجيڭ. بەيجيڭ ۋاقىتى 7 – قاڭتار كۇنى تاڭعا جاقىن، بارسەلونا كومانداسى ءوز تورابىندا ليۆەرپۋل كومانداسىنىڭ ورتا مايدان شابۋىلداۋشىسى كوۋتينونىڭ بارسەلونا كومانداسىنا رەسمي مۇشە بولىپ قابىلدانعانىن، ەكى جاقتىڭ 5 جارىم جىلدىق توقتامعا كەلىسكەنىن، سونىمەن قاتار، كوۋتينونىڭ جاڭا توقتام شارتىن بۇزۋ قۇنىنىڭ 400 ميلليون ەۆرو ەكەنىن جاريالادى.

　　مۇنىڭ الدىندا باسقا مەديالاردىڭ حابارلاۋىنشا، كوۋتينونىڭ كوماندا الماسۋعا كەتكەن قارجىسى 160 ميلليون ەۆرو بولىپ، مۇنىڭ ىشىندە 120 ميلليون ەۆروسى تۇراقتى قاراجات، قالعانى كوۋتينونىڭ جارىس بارىسىنداعى بەينەسى مەن قاتىناسقان جارىس سانىنا قاراي تولەنەتىنى جاريالانعان. كوۋتينو سونىمەن تاريحتاعى ءۇشىنشى قىمبات دوپشى بولدى، ونىڭ الدىندا برازيليالىق فۋتبولشى نەيمار 220 ميلليون ەۆرو، مباپپە 180 ميلليون ەۆرومەن ءبىرىنشى جانە ەكىنشى ورىندى يەلەدى.

　　بيىل 25 جاستاعى كوۋتينو برازيليانىڭ ۆاسكوداكاما كلۋبىندا تاربيەلەنگەن، 16 جاسىندا ينتەر ميلان كومانداسىنا قابىلدانعان، 2013 – جىلى قاڭتار ايىندا ليۆەرپۋل كومانداسى 11 ميلليون ەۆرو جۇمساپ ليۆەرپۋل كومانداسىنا اكەلگەن. وتكەن 5 ماۋسىمدىق جارىستا، كوۋتينو ليۆەرپۋل كومانداسى اتىنان 152 رەت جارىسقا قاتىناسىپ، 41 دوپ كىرگىزگەن.

　　كەلۋ قاينارى: حالىق تورابى