كوكتەم مەرەكەسى تاسىمالى كەلۋ قارساڭىندا جىڭجوۋ تەمىر جول ساقشى جاعى جالعان پويەز بەلەتىن جاساپ ساتقان ءىرى دەلونى انىقتادى

2018.01.30 15:57   كەلۋ قاينارى : حالىق تورابى

　　حالىق تورابى، 30 – قاڭتار، بەيجيڭ. 29 – قاڭتار كۇنى، جىڭجوۋ تەمىر جول قوعام حاۋىپسىزدىك باسقارماسى مالىمدەمە جاريالاپ، اتالعان باسقارمانىڭ جاقىندا جالعان پويەز بەلەتىن جاساپ ساتقان ٴىرى دەلونى انىقتاپ، 5 قىلمىس كۇماندىسىن ۇستاپ، 16 مىڭ جالعان پويەز بەلەتىن ءمۇسادرالاعانىن، دەلوعا قاتىستى جالعان پويەز بەلەتىنىڭ قۇنى ءبىر ميلليون 500 مىڭ يۋانعا جەتكەنىن جاريالادى. مۇنىڭ ىشىندە تولىق جاسالعان جالعان بەلەت سانى 71 دانا بولىپ، قۇنى 10 مىڭ يۋانعا جەتكەن، ەسەپ داپتەرىنەن بىرەۋ، كومپيۋتەر، باسىپ شىعارۋ ماشيناسى قاتارلى جالعان بەلەت جاساۋعا قاتىستى جابدىقتاردان بەسەۋى تابىلعان. قازىر دەلو جالعاستى ىشكەرىلەي تەكسەرىلۋدە.

　　تەمىر جول ساقشى جاعى مىنانى ەسكەرتەدى: كوكتەم مەرەكەسى تاسىمالى كەلۋ قارساڭىندا، قالىڭ جولاۋشىلاردىڭ ءسوزسىز زاڭدى جولمەن بەلەت ساتىپ الۋىن، ازاماتتىق كۋالىگىمەن تەمىر جول مەكەمەسى بەلگىلەگەن پويەز بەكەتى، ارناۋلى بەلەت ساتۋ ورنى مەن تەمىر جول مەكەمەسىنىڭ 12306 رەسمي تورابىنان بەلەت ساتىپ الۋىن، جالعان بەلەت ساتىپ الۋدان ساقتانۋىن ەسكەرتەدى.

　　كەلۋ قاينارى: حالىق تورابى