مەملەكەتتىك ساياسي كەڭەستىڭ مۇشەسى ياڭ فىڭجي: تۋعان جەرىمىزدى اۋىل – قىستاقتى گۇلدەندىرۋ بارىسىندا ءتىپتى دە دامىتۋىمىز كەرەك

2018.03.13 14:42   كەلۋ قاينارى : حالىق تورابى

　　حالىق تورابى، 13 – ناۋرىز، بەيجيڭ. سۋرەتتە: ياڭ فىڭجي ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى 2 - جالپى جيىنىندا ءسوز سويلەۋدە (8 – ناۋرىز تۇسىرىلگەن).

　　مەملەكەتتىك ساياسي كەڭەستىڭ مۇشەسى ياڭ فىڭجي حاينان ولكەسى بايچالي ليزۋ اۆتونوميالى اۋدانى دا – ان قالاشىعى تيانبياۋ قىستاعى پارتيا ياچيكاسىنىڭ شۋجيى، سول جەردە تۋىپ- وسكەن، ليزۋ ۇلتىنان شىققان كادر. 1998 – جىلى ول باستاپ كاۋچۇك اعاشىن ەگەدى، مامانداردى شاقىرىپ قىستاق تۇرعىندارىنا كاۋچۇك اعاشىن ەگۋدى، كاۋچۇك الۋدى ۇيرەتەدى. 2007 – جىلى، يا فىڭجي تاعى دا اۋىلداستارىن باستاپ سەلبەستىك كووپەراتيۆىن قۇرادى، ورمان ىشىنە شوشقا، تاۋىق باعادى. قازىر قىستاقتا 5100 مۋ جەرگە 180 مىڭ ءتۇپ كاۋچۇك اعاشى ەگىلگەن. 20 جىلدىق قۇلشىنىس ارقىلى، تيانبياۋ قىستاعى تۇرعىندارىنىڭ ادام باسىندىق جىلدىق تازا كىرىسى بۇرىنعى 600 يۋاننان 9000 يۋانعا جەتتى، قىستاق تۇرعىندارىنىڭ تۇرمىسى دا بارعان سايىن جاقسارىپ كەلەدى.

　　2016 – جىلى ياڭ فىڭجي قوسىمشا دا – ان قالاشىعى باستىعىنىڭ ورىنباسارى مىندەتىن اتقارىپ، كەدەيلەردى سۇيەمەلدەۋ قىزمەتىنە ءبولىندى، ارقاداعى مىندەت ءتىپتى دە اۋىرلاستى. ول بىلاي دەدى: «جاقسى ەگىلسە، جاقسى باعىلسا، جاقسى ساتىلادى»، مول ەكولوگيالىق بايلىقتى پايدالانىپ، ەكولوگيالىق اۋىل شارۋاشىلىعىن، اۋىل - قىستاق ەلەكترون ساۋداسىن، اۋىل – قىستاق ساياحاتىن دامىتىپ، كىرىستى ارتتىرۋ كەرەك.

　　كەلۋ قاينارى: حالىق تورابى