قازاقستان سالتاناتتى اسكەري شەرۋ وتكىزدى

2018.05.09 14:50   كەلۋ قاينارى : حالىق تورابى

　　حالىق تورابى، 9 – مامىر، بەيجيڭ. قازاقستان قارۋلى قوسىنى 7 – مامىر كۇنى قازاقستاننىڭ وڭتۇستىگىندەگى جامبىل وبلىسى وتار اسكەري بازاسىندا سالتاناتتى اسكەري شەرۋ وتكىزىپ، قازاقستان قارۋلى قوسىنى قۇرىلعاندىعىنىڭ 26 جىلدىعىن قۇتتىقتادى. قازاقستان پرەزيدەنتى قازاقستان ۇكىمەتىنىڭ ماقساتى وسىزماندانعان، ەرەكشە يكەمدى جانە ەرەكشە ماماندانعان ارميا قۇرۋ ەكەنىن اتاپ ءوتتى.

　　اسكەري شەرۋ ءارقايسى ارميانىڭ قۇرمەت قاراۋىلدارىن كوزدەن كەشىرۋ جانە ناقتى سوعىس اسكەري جاتتىعۋ سىقىلدى ەكى بولەكتەن قۇرالدى. قازاقستان قارۋلى قوسىنى ءارقايسى ارمياسىنان كەلگەن 3000 اسكەر، 300دەن استام قارۋ – جاراق جانە 30 اسكەري ۇشاق بۇل رەتكى اسكەري شەرۋگە قاتىناستى.

　　قازاقستان پرەزيدەنتى، قارۋلى قوسىنىنىڭ باس قولباسشىسى نازاربايەۆ ءارقايسى ارميانىڭ قۇرمەت قاراۋىلدارىن كوزدەن كەشىردى ءارى ەڭبەك سىڭىرگەن اسكەرلەرگە مەدال تاقتى. سوڭىنان، اسكەري شەرۋگە قاتىناسقان قوسىندار ناقتى سوعىس جاتتىعۋىن جاسادى، تانكى جانە ساۋىتتى اسكەري كولىكتەر شابۋىل كۇيىنە كوشتى، ءار ءتۇرلى قارۋ – جاراقتار مەن سوعىس ۇشاقتارى نىسانانى اتقىلادى، اۋەدەن قۇتقارۋ بۇيىمدارى تاستالدى جانە پاراشوتشىلار ۇشاقتان سەكىردى.

　　نازاربايەۆ سالتاناتتى اسكەري شەرۋ سالتىندا ءسوز سويلەپ بىلاي دەدى: قارۋلى كۇش − قازاقستان ەلىنىڭ حاۋىپسىزدىگىنىڭ كەپىلى، مەملەكەت تاۋەلسىزدىگى مەن بەيبىتشىلىگىن قورعاۋدىڭ نەگىزى، قازاقستان ارمياسى ەلدىڭ تاۋەلسىزدىگى مەن يەلىك ۇقىعىن باتىل قورعاۋى كەرەك. جاڭا حاۋىپسىزدىك سايىسىنا بايلانىستى قازاقستان جوعارى ورەدەگى ەرەكشە اترەت قۇردى. قازاقستان ۇكىمەتى ارمياعا بار كۇشپەن قولداۋ كورسەتەدى ءارى ارميانىڭ قۋاتىن جوعارىلاتۋعا ءمان بەرەدى. قازاقستان ۇكىمەتىنىڭ ماقساتى وسىزماندانعان، ەرەكشە يكەمدى جانە ەرەكشە ماماندانعان ارميا قۇرۋ.

　　1992 – جىلى 7 – مامىر كۇنى، نازاربايەۆ قازاقستان قارۋلى كۇش قوسىنىن قۇرۋعا قاتىستى بۇيرىققا قول قويدى، سول سەبەپتى بۇل كۇن قازاقستان ارميا كۇنى ەتىپ بەلگىلەندى.

　　كەلۋ قاينارى: حالىق تورابى