16 – كەزەكتى قازاقستان – جۇڭگو ساۋدا ونىمدەر كورمەسى الماتىدا اشىلدى

2018.05.22 13:44   كەلۋ قاينارى : حالىق تورابى

　　حالىق تورابى، 22 – مامىر، بەيجيڭ. جۇڭحۋا حالىق رەسپۋبليكاسىنىڭ ساۋدا ىستەر مينيسترلىگى، شينجياڭ ۇيعۇر اۆتونوميالى رايوندىق حالىق ۇكىمەتى، شينجياڭ ٶندىرىس – قۇرىلىس بيڭتۋانى باس بولىپ ۇيىمداستىرعان 16 – كەزەكتى قازاقستان – جۇڭگو ساۋدا ونىمدەر كورمەسى 20 – مامىر قازاقستاننىڭ وڭتۇستىگىندەگى الماتى قالاسىندا اشىلدى.

　　الماتى قالاسى اكىمىنىڭ ورىنباسارى الماس ماديەۆ اشىلۋ سالتىندا ءسوز سويلەپ بىلاي دەدى: جىلىنا ءبىر وتكىزىلەتىن قازاقستان – جۇڭگو ساۋدا ونىمدەر كورمەسى ەكى ەل كاسىپورىندارىنا بايلانىس ورناتاتىن جاقسى وراي ازىرلەپ بەردى، «ءبىر بەلدەۋ، ءبىر جول» دارىپتەمەسىنىڭ اياسىنداعى تاراپتاردىڭ بايلانىسىن ونان ارى تەرەڭدەتتى.

　　ەلىمىزدىڭ الماتىداعى باس كونسۋلى جاڭ ۋەي ءسوز سويلەپ بىلاي دەدى: 10 جىلدان بەرى، قازاقستان – جۇڭگو ساۋدا ونىمدەر كورمەسىنىڭ كولەمى مەن ىقپالى بارعان سايىن كەڭەيىپ، مازمۇن مەن فورما جاعىندا ۇزىكسىز جاڭالىق جاراتىپ، قازاقستان مەن جۇڭگونى قامتىعان جۇڭگونىڭ ماڭىنداعى كورشىلەس ەلدەردىڭ قارجى قوسىپ، سەلبەستىك جاساۋىنا بارىس – كەلىس جاسايتىن تەكشە ازىرلەۋدە، ساۋدا ورايىن ازىرلەۋدە ماڭىزدى رول اتقاردى.

　　كەزەكتى كورمەنىڭ كولەمى 7000 شارشى مەتر بولىپ، شينجياڭ، چيڭحاي، گانسۋ، شانشي، جىجياڭ، نيڭشيا، سىچۋان، فۋجيان قاتارلى 10 نەشە ولكە – قالانىڭ 200دەن استام كاسىپورىندارى كورمەگە قاتىناستى. كورمەگە تۇتىنۋ بۇيىمدارى جانە ەلەكترون ونىمدەرى، اۋىل شارۋاشىلىق تەحنيكاسى جانە اسپاپتار، اۋىل شارۋاشىلىق قوسىمشا ونىمدەرى، قۇرىلىس ماتەريالدارى مەن سەميا جيھازدارى قاتارلى سالانىڭ ونىمدەرى قويىلدى. سونىمەن بىرگە 2018 - جىلعى جۇڭگو – قازاقستان ساۋداعا قارجى قوسۋ سەلبەستىك تالقسى، 2018 – جىلعى جۇڭگو – قازاقستان شەكارا اتتاعان ەلەكترون سەلبەستىك تالقىسى، جۇڭگو – قازاقستان اۋىل شارۋاشىلىعىنىڭ دوڭگەلەك ۇستەل تالقىسى مەن چيڭحاي ولكەسىنىڭ ايگىلى ماركالى ونىمدەرىن تانىستىرۋ جينالىسى قاتارلى قيىملدار دا بىرگە وتكىزىلدى.

　　ۇعىسۋعا قاراعاندا، اتالعان كورمە ءۇش كۇن ۋاقىتپەن اشىلادى.

　　كەلۋ قاينارى: حالىق تورابى