بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

ءتاڭىرتاۋدىڭ تۇكپىرىندەگى «ساحارا قورعاۋشىلارى»

2018.06.01 16:14   كەلۋ قاينارى : حالىق تورابى



  شينجياڭ كۇنەس اۋدانى نارات ساحاراسىنىڭ تەرەڭ تۇكپىرىندە جۇماسەيت تەمىربەك ۇلى ۋلى شوپتەردى الاستايتىن دارىلەردى شاشۋدا (26 – مامىردا تۇسىرىلگەن). قازىر ءتاڭىرتاۋدىڭ تەرەڭ قويناۋىنداعى نارات ساحاراسىندا ۋلى شوپتەردى الاستاۋ جۇمىسى قاۋىرت مەزگىلگە قادام تاستادى. شينجياڭ كۇنەس اۋدانى بەستوبە اۋىلى شاپقى جاعا قىستاعىنداعى جۇماسەيت تەمىربەك ۇلى مەن باسقا 10 نەشە مالشى ۋلى شوپتەردى الاستاۋ گرۋپپاسى بولىپ قۇرىلىپ، ەكولوگيالىق ورتانى قالپىنا كەلتىرىپ، ساحاراداعى جايىلىم ساپاسىن جوعارىلاتۋ ءۇشىن ەڭبەك ەتۋدە. بۇرىنعىداي ۋلى شوپتەردى قولمەن الاستاۋ سىندى تاسىلمەن ۇقسامايتىنى، بيىل ولار ۋلى شوپتەردى دارىمەن الاستاۋ امالىن تۇڭعىش رەت پايدالاندى. بۇل جاڭا ءتاسىلدىڭ ۋلى شوپتەردى الاستاۋداعى ونىمدىلىگى كورنەكتى، ونىڭ ۇستىنە مالشىلاردىڭ ەڭبەك كۇشەمەلىلىگىن بارىنشا جەڭىلدەتتى.


  جارىم ايدىڭ الدىندا، ۋلى شوپتەردى الاستاۋ قىزمەت اترەتى نارات ساحاراسىنىڭ قويناۋىنا ەنىپ، جاتىن ورىندارىن تاۋ قويناۋىنداعى بۇلاق جاعاسىنا ورنالاستىردى. ءدارى شاشقان كەزدە ءار 6 مەتر ارالىققا قوس – قوستان قاتارلاسا ءتۇسىپ، بەلگىلەنگەن جول بويىنشا العا قاراي ىلگەرىلەيدى. ءبىر كۇندىك جۇمىس ۋاقىتى 10 ساعات اينالاسىندا بولادى. ماۋسىم ايىنىڭ سوڭىنان بۇرىن، بۇل گرۋپپا 6500 مۋ جەردەگى ۋلى شوپتەردى الاستاۋ مىندەتىن ورىنداپ بولۋى كەرەك. ولاردىڭ مىندەتى-- ۋ قورعاسىن ءشوبىن الاستاۋ، بۇل ءشوپتىڭ تامىرى كەڭ تارالعان، تارالۋ قۋاتى كۇشتى، جايىلىمعا كەڭ تارالۋدان سىرت، جايىلعان مالدى دا ۋلايدى، كۇنەس اۋدانىندا ميلليون مۋ جايىلىم وسى ءشوپتىڭ زالالىنا ۇشىرايدى. كۇنەس اۋداندىق مال شارۋاشىلىعى مەكەمەسىنىڭ ايتۋىنشا، بيىل اتالعان اۋدان 6 ميلليون 500 مىڭ يۋانعا ءدارى – دارمەك پەن اسپاپتاردى ساتىپ العان، وسى جولى ۋلى شوپتەردى الاستاۋعا پايدالانعان ءدارى مەملەكەتتىك ورتانى قورعاۋ ساراپتاۋىنان وتكەن، ونىڭ ۇستىنە ،جۇمىس بارىسىندا ۋلى ءشوپ بار جەرگە عانا شاشاتىندىقتان، جايىلىمدى ەڭ جوعارى دەڭگەيدە قورعاۋعا بولادى. شينحۋا اگەنتتىگىنىڭ ءتىلشىسى حۋ حۋحۋ فوتوسى


  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 
جاۋاپتى رەداكتورى : نۇرعيسا قۇرمانجان ۇلى

 سۋرەت