ارگەنتينا قۇراماسى 2:1 ۇپايمەن نيگەريا قۇراماسىن جەڭدى

2018.06.27 14:28   كەلۋ قاينارى : حالىق تورابى

　　حالىق تورابى، 27 – ماۋسىم، بەيجيڭ. 26 – ماۋسىم، ارگەنتينا قۇراماسىنىڭ دوپشىسى ماسچەرانو (ورتاداعى ادام) جارىس مايدانىندا. سول كۇنى، سانكت – بەتەربۋرگ قالاسىندا وتكىزىلگەن 2018 – جىلعى رەسەي الەم چەمپيوناتى D گرۋپپا جارىسىندا ارگەنتينا قۇراماسى 2:1 ۇپايمەن نيگەريا قۇراماسىن جەڭىپ، 16 مىقتىنىڭ قاتارىنا كىردى.

　　رەسەي الەم چەمپيوناتى D گرۋپپاسىنىڭ سوڭعى ەكى مايدان جارىسى 26 – ماۋسىم كۇنى قاتار باستالدى. سانكت – بەتەربۋرگ قالاسىندا وتكىزىلگەن ارگەنتينا قۇراماسى مەن نيگەريا قۇراماسىنىڭ جارىسىندا، مەسسي ارگەنتينا قۇراماسىن باستاپ ەڭ سوڭىنا دەيىن تاباندىلىق كورسەتىپ، جەڭىستى قولعا كەلتىردى، قاتار باستالعان تاعى ءبىر مايدان جارىستا حورۆاتيا قۇراماسى يسلانديا قۇراماسىن جەڭىپ 16 مىقتىنىڭ قاتارىنان ورىن الدى.

　　جارىس الدىنداعى قۇراما مۇشەلەرىن رەتتەۋ ءونىمىن بەردى، بانەگا ورتا مايدان شابۋىلشىسى رەتىندە ءوز رولىن تولىق ساۋلەلەندىرىپ، تەڭبىل دوپتى قارسىلاسىنىڭ الاڭىنا ءدال جەتكىزىپ وتىردى. 14 - مينۋتتا مەسسي شەكتەلگەن رايون سىرتىنان بانەگانىڭ پاس بەرگەن دوبىن الىپ، شەكتەلگەن رايون ىشىنە شابۋىلعا ءوتىپ، قارسى جاقتىڭ قورعانىس مۇشەسى اياق سالىپ ۇلگىرگەنشە، قاقپاعا دوپتى ءدال سالىپ ۇلگىردى.

　　سوڭعى مايداننىڭ 50 - مينۋتىندا، تورەشى ماسچەرانونىڭ شەكتەلگەن رايون ىشىندە نيگەريا قۇراماسىنىڭ دوپشىسى بالوگۋنعا جاساعان بەلگىلەمەگە قايشى ارەكەتىنە سارى كارتۋچكا بەردى ءارى قارسى جاققا نۇكتە جازا دوبىن بەردى، قارسى جاقتىڭ شابۋىلداۋشىسى موسەس نۇكتە جازا دوبىن كىرگىزىپ، جارىس ۇپايىن 1:1گە تەڭەستىردى.

　　جارىس ۇپايى تەڭەسكەننەن كەيىن، ارگەنتينا قۇراماسى رۋحاني جاقتان سوققىعا ۇشىراپ، بەرەكەسى قاشتى. مەسسيدى قامتىعان كوپ دوپشى پاس بەرۋ بارىسىندا كوپتەگەن اعاتتىقتار كەتىرىپ، قارسى جاققا كوپ وراي بەردى.

　　جارىس سوڭىنا جەتكەندە، ارگەنتينا قۇراماسىنىڭ باپكەرى سامپاۋلي اگۋەرو قاتارلى شابۋىلداۋشىلاردى الاڭعا شىعارىپ، قۇرامانىڭ شابۋىلىن كۇشەيتتى. 87 - مينۋتتا، روجونىڭ شەكتەلگەن رايون سىرتىنان ۇرعان دوبى قاقپاعا ءدال دارىپ، ارگەنتينا قۇرماسى 2:1 ۇپايمەن ىرىقتى ورىنعا كوتەرىلدى. سوڭىندا جارىس 2:1 ۇپايمەن اياقتادى.

　　ارگەنتينا قۇراماسى ءوزىنىڭ تاباندىلىعى مەن قايىسپاس جىگەرىنىڭ ارقاسىندا رەسەي الەم چەمپيوناتىنىڭ 16 مىقتى قاتارىنا كىردى، ولاردىڭ 8 مىقتىعا ىرىكتەۋ جارىسىنداعى قارسىلاسى C گرۋپپادان اعالاپ الدىعا شىققان فرانسيا قۇراماسى.

　　كەلۋ قاينارى: حالىق تورابى