سۋرەتتە: چىڭدۋ قالاسى چيڭبايجياڭ رايونى شەتەل ءتىلى باستاۋىش مەكتەبىنىڭ مۇعالىمى لي يان 25 - قىركۇيەكتە پولشانىڭ لودز قالاسىنداعى ءبىرىنشى باستاۋىش مەكتەپتە پولشانىڭ باستاۋىش مەكتەپ وقۋشىلارىنا جۇڭگونىڭ ءدامدى تاعامدارىن تانىستىرۋدا. چىڭدۋ قالاسى چيڭبايجياڭ رايونى شەتەل ءتىلى باستاۋىش مەكتەبى مەن لودز قالالىق ءبىرىنشى باستاۋىش مەكتەپ 25 – قىركۇيەكتە پولشانىڭ ورتا بولەگىندەگى لودز قالاسىندا دوس مەكتەپتەردىڭ سەلبەستىگى جونىندەگى كەلىسىمشارتقا قول قويدى. بۇل چىڭدۋ مەن لودز قالالارى 2015 – جىلى دوس قالالار بولعاننان بەرى، ەكى قالانىڭ گۋمانيتارلىق اۋىس – كۇيىس جاعىندا قول جەتكىزگەن تاعى ءبىر تابىسى سانالادى. شىعىستا چىڭدۋ قالاسىنىڭ چيڭبايجياڭ رايونىنان باستالىپ، باتىستا لودز قالاسىنا دەيىن باراتىن جۇڭگو – ەۆروپا كەزەكتى پويەزى (چىڭدۋ – ەۆروپا تەز پويەزى) 2013- جىلى ىسكە قوسىلعان بولاتىن. 5 جىلدان بەرى، ەكى جەر اراسىنداعى كەزەكتى پويەزدەردىڭ سانى ۇزدىكسىز ارتىپ، چىڭدۋ مەن لودز اراسىنداعى ساۋدا – ەكونوميكا، وقۋ – اعارتۋ، مادەنيەت سىندى ءتۇرلى سالالارداعى اۋىس – كۇيىس پەن سەلبەستىكتى پارمەندى ىلگەرىلەتتى. شينحۋا اگەنتتىگىنىڭ ءتىلشىسى چىن شۇي فوتوسى
كەلۋ قاينارى: حالىق تورابى