جۇڭگو ترانسفورماتور سەرىكتەستىگى دۋشانبەدە جۇڭگو – تاجىكستان دوستىق مەكتەبى — دۋشانبە 101 مەكتەبىن سالدى

2018.10.11 16:18   كەلۋ قاينارى : حالىق تورابى

　　سۋرەتتە: 10 – قازان كۇنى تاجىكستاننىڭ دۋشانبە قالاسىنداعى دۋشانبە 101 مەكتەبىنىڭ بيىكتەن تۇسىرىلگەن سۋرەتى.


　　دۋشانبە 101 مەكتەبىن جۇڭگو ترانسفورماتور شەكتى جارنا سەرىكتەستىگى قارجى بوساتىپ كومەك رەتىندە سالعان «جۇڭگو – تاجىكستان دوستىعى» اتىنداعى 4 مەكتەپتىڭ ءبىرى. مەكتەپتىڭ قۇرىلىسى 2015 – جىلى 3 – تامىزدا رەسمي باستالعان، 2016 – جىلى 30 – تامىزدا اياقتاعان، جالپى قۇرىلىس كولەمى 10000 شارشى مەتر بولىپ، 38000 شارشى مەتر جەردى يەلەيدى، 1200 ادام سيادى. دۋشانبە 101 مەكتەبى قازىر تاجىكستانداعى ەڭ ۇزدىك وسىزداماندانعان مەكتەپتەردىڭ ءبىرى، مەكتەپتە نەگىزگى وقىتۋ عيماراتى، ولشەمدى جانە ارناۋلى كلاستار، بولمە ىشىندەگى سپورت سارايى، كولەمدى قيمىل زالى، دالاداعى فۋتبول مايدانى مەن باسكەتبول مايدانى سىندى قۇرىلعىلارى تولىق. مەكتەپ اۋلاسى جاپ – جاسىل اعاشپەن كومكەرىلگەن، قورشاعان ورتاسى كوركەم بولىپ، وقۋشىلارعا جايلى ۇيرەنۋ ورتاسىن جاراتقان. دۋشانبە 101 مەكتەبىنىڭ سالىنىپ بولۋى تاجىكستاننىڭ وقۋ – اعارتۋ بايلىعى، وقۋ – اعارتۋ الاڭى وتە كەمشىل بولۋ سىندى ماسەلەنى شەشىم ەتىپ، جۇڭگو مەن تاجىكستان دوستىعىنىڭ سيمۆولىنا اينالدى. شينحۋا اگەنتتىگىنىڭ ءتىلشىسى ۋ جۋاڭ فوتوسى


　　كەلۋ قاينارى: حالىق تورابى