تايۋاندا پويەزدىڭ رەلستەن اۋىتقۋى سىندى اۋىر شىرعالاڭ تۋىلدى

2018.10.22 13:55   كەلۋ قاينارى : حالىق تورابى

　　حالىق گازەتى، 21 – قازان، تايبەي (ءتىلشى: سۇن ليجي، جاڭ پان) تايۋاندا شۋلين قالاسىنان تايدۇڭ قالاسىنا بارا جاتقان پۋيوۋما ماركاى پويەز 21 – قازان كۇنى ساعات 16دان 50 مينۋت وتكەندە يلان اۋدانىنا بارعاندا رەلستەن اۋىتقىپ، اۋىر شىرعالاڭ تۋىلدى. ساعات 22دەن 42 مينۋت وتكەنگە دەيىن، 18 ادام قازا بولىپ، 164 ادام جارالانعان.


　　تايۋان تەمىر جول ىستەرىن باسقارۋ مەكەمەسى 21 – قازان كۇنى كەشتە تىلشىلەردى قابىلداۋ جيىنىن اشتى، جيىننان ۇعىسۋعا قاراعاندا، بۇل پويەزدە جيىنى 8 ۆاگون بار، شينما بەكەتىنە بارعاندا 8 ۆاگون تۇگەل رەلستەن شىققان. 4 رەلس اۋدارىلعان، بۇكىل پويەزگە 366 جولاۋشى وتىرعان. شىرعالاڭنىڭ سەبەبى تەكسەرىلۋدە.


　　پۋيوۋما پويەزىن تايۋان تەمىر جول باسقارۋ مەكەمەسى 2012 – جىلى ەنگىزگەن. پويەزدىڭ ىسكە قوسىلعانىنا 6 جىل بولعان، 2017 – جىلى جالپى بەتتىك كۇتىمدەۋدەن وتكىزىلگەن. شىرعالاڭ سەبەبىنەن تايۋان تەمىر جولىنىڭ شىعىس نەگىزگى لەنياسىندا قوس باعىتتا تاسىمال توقتاتىلىپ، ون مىڭنان استام جولاۋشى بوگەلگەن.


　　كەلۋ قاينارى: حالىق تورابى