رەفورما جاساپ، ەسىك اشۋمەن جاستى ادام — جۋ حاييۇڭ: اعاش كەسۋشىدەن ورمان قورعاۋشىعا دەيىن

2018.10.25 13:14   كەلۋ قاينارى : حالىق تورابى

　　سۋرەتتە: جۋ حاييۇڭ 24 – قازان كۇنى قىزمەتتەستەرىمەن بىرگە تاۋلى جەردەگى ورماندى شارلاۋدا.


　　جۋ حاييۇڭ 1978 – جىلى جياڭشي ولكەسى شياجياڭ اۋدانى مابۋ قالاشىعىنداعى جاي ديحان وتباسىندا دۇنيەگە كەلگەن. جۋ حاييۇڭ 1996 – جىلى ورمان جۇمىسكەرى تەحنيكالىق مەكتەبىنەن وقۋ تاۋىسقاننان كەيىن، يۇڭفىڭ اۋدانى تانتوۋ ورمان شارۋاشىلىعى فەرماسىنا قىزمەتكە بولىنگەن، كوپ وتپەي اعاش كەسۋشى جۇمىسكەر بولىپ، ۇلى تاۋدى ءوز ۇيىندەي كورىپ، ورمانمەن ەتەنە دوس بولىپ، ورمان الاڭىنا 22 جىل بويى تامىر تارتىپ، ورمان الاڭىنىڭ وزگەرىستەرىنە كۋاگەر بولعان.


　　جۋ حاييۇڭنىڭ اعاش جۇمىسكەرى قىزمەتى وتە جاپالى بولعانىمەن، كىرىسى جوعارى ەمەس، ورمان الاڭىنىڭ ورمانى دا كەسكەن سايىن ازايىپ، كەسەتىن اعاشتاردىڭ ورنى بارعان سايىن الىستاپ، كەسەتىن اعاشتار دا بارعان سايىن كىشىرەيە بەردى. جۋىرداعى جىلداردان بەرى، «تۇنىق سۋ مەن جاسىل تاۋ — باعا جەتپەس بايلىق» دەگەن تانىمنىڭ جۇرتتىڭ جۇرەگىنە ۇيالاۋىمەن ىلەسە، جەرگىلىكتى ۇكىمەت قوسىلىمدى بارعان سايىن ارتتىرىپ، بۇكىل اۋداننىڭ ورمان الاڭىنىڭ، سازدى جەرىنىڭ حاۋىپسىزدىگىنە كەپىلدىك ەتتى. جۋ حاييۇڭنىڭ سالاۋاتى دا اعاش كەسۋشىدەن يۇڭفىڭ اۋدانى شاشي ورمان الاڭى تانتوۋ بولىمشە فەرماسى زۇڭشي قىستاعى نيۋشىپيڭ ورمان قورعاۋ پۋنكىتىنىڭ ورمان قورعاۋشىسىنا اينالدى، ول قىزمەتتەستەرىمەن بىرگە ءار كۇنى ورماندى شارلاپ، ءورت اپاتىنىڭ حاۋىپ – قاتەرىن الاستاپ، اعاشتى ۇرلاپ كەسەتىندەر مەن جابايى حايۋاناتتاردى اۋلايتىنداردان ساقتانۋ قىزمەتىن ىستەدى، ءوزى قورعاعان ورمان الاڭىنداعى اعاشتاردىڭ جاپ – جاسىل جاپىراقتارىن جايعانىن كورگەندە، جۋ حاييۇڭ ونان ارى ارىنداي تۇسەدى، ورمان الاڭىنىڭ بولاشاعىنا دەگەن سەنىمدىلىگى دە ارتادى.


　　شينحۋا اگەنتتىگى (ليۋ حاۋجۇن فوتوسى)


　　كەلۋ قاينارى: حالىق تورابى