شەتەلدەن وقىعان بويجەتكەن اۋىلىنا قايتىپ كاسىپ كوزىن اشىپ، تاۋىق باعىمشىلىعىمەن شۇعىلداندى

2018.10.26 13:44   كەلۋ قاينارى : حالىق تورابى

　　سۋرەتتە: گى ۋىن 25 – قازان كۇنى باعىمشىلىق الاڭىندا جۇمىرتقادان جاڭا شىققان شوجەلەردى تەكسەرىپ كورۋدە.


　　گى ۋىن ەسىمدى بۇل بويجەتكەن 80 – جىلداردىڭ تۇلەگى، ديحان وتباسىنان تۇلەپ ۇشىپ، شەتەلدەن وقىپ اۋىلىنا قايتقان، ونىڭ اتا – اناسى حاڭجوۋ قالاسى لين – ان رايونى بانچياۋ قالاشىعىنداعى تاۋىق باعىمشىلىعىمەن شۇعىلداناتىن وتباسى. 2013 – جىلى گى ۋىن شەتەلدەن وقۋ تاۋىسقان سوڭ، اۋىلىنا قايتىپ، «اكە جولىن قۋدى». قازىر تاۋىق باعىمشىلىعى الاڭىنىڭ كاتەكتەگى تۇراقتى تاۋىق سانى 100 مىڭ تاۋىق اينالاسىندا بولىپ، حاڭجوۋ قالاسى لين – ان رايونىنداعى تۇڭعىش الەۋمەتتىك بىلعانىشسىز، ولشەمدەندىرىلگەن، اۆتوماتتاندىرىلعان، كولەمدى جۇمىرتقالىق تاۋىق باعىمشىلىعى الاڭىنا اينالدى.


　　شەتەلدەن وقىپ كەلگەن گى ۋىن ءداستۇرلى اۋىل شارۋاشىلىعىنىڭ دامۋ ءتاسىلىن مىسە ءتۇتىپ قالماستان، فەرمانىڭ كولەمىن كەڭەيتىپ، تاۋىق تۇرلەرىن مۇقيات سارالاپ، قىرلارداعى تاۋلى ورمان اراسىندا بىتىراتىپ باعۋدى ۇيعاردى. مۇنان سىرت، ول جۇمىرتقانى جەدەل جولدامامەن جونەلتۋدىڭ قيىن بولۋى ماسەلەسىن شەشىم ەتىپ، «جەكەلىك تاپسىرىس بەرۋ» قىزمەتىن قانات جايدىرىپ، ءبىرتۇتاس جەتكىزىپ بەرۋ ءتۇزىمىن بەلگىلەپ ءارى ونىمدەردىڭ كەلۋ قاينارىن تەكسەرۋ جۇيەسىن ورناتىپ، تاۋىق پەن جۇمىرتقانى بەلگىلەنگەن مەرزىم بويىنشا كاسىپتىك مامانداردىڭ ساراپتاۋىنا وتكىزىپ، اۋىل شارۋاشىلىعى ونىمدەرىنىڭ جاسىل، حاۋىپسىز بولۋىنا كەپىلدىك ەتتى.


　　قازىر ۋىن گى جەرگىلىكتى ورىندا ەرەكشەلىككە يە اۋىل شارۋاشىلىعى ونىمدەرىن كورسەتۋ جانە ساتۋ ورتالىعىن قۇردى، سونىمەن بىرگە، اتا – انالار مەن بالالاردىڭ باستان كەشىرىپ كورۋ ورنىن قۇرىپ، تۇتىنۋشىلاردىڭ اتسالىسۋ جانە سەنىمدىلىك دەڭگەيىن جوعارىلاتۋدى، اۋىل شارۋاشىلىعى مەن ساياحاتتى ۇشتاستىرعان باستان كەشىرىپ كورۋ ورنىن قۇرىپ، اناعۇرلىم كوپ ادامداردىڭ اۋىل – قىستاق تۇرمىسىن باستان كەشىرىپ كورۋىنە مۇمكىندىك جاراتۋدى جوسپارلاپ وتىر. شينحۋا اگەنتتىگىنىڭ ءتىلشىسى شۇي يۇي فوتوسى


　　كەلۋ قاينارى: حالىق تورابى