قاشقارداعى جۇرتشىلىق شينجياڭعا كومەككە بارعان شيپاگەردىڭ مەديتسينالىق ءبىلىمى مەن ونەرىنىڭ يگىلىگىن كوردى

2018.12.07 14:20   كەلۋ قاينارى : حالىق تورابى

　　سۋرەتتە: شينجياڭ قاشقار ايماعى 2 – حالىق ەمحاناسىندا شاڭحايدان كومەككە بارعان شيپاگەر جاڭ جۇنۋىن (سولدا) ناۋقاستىڭ دەنساۋلىعىن تەكسەرۋدە (11 – ايدىڭ 23 – كۇنى تۇسىرىلگەن)


　　كوكىرەك – جۇرەك سىرتقى اۋرۋلار بولىمىندە كلينيكالىق ەمدەۋ قىزمەتىمەن شۇعىلداناتىن جاڭ جۇنۋىن بيىل 37 جاستا، شاڭحاي قاتىناس ۋنيۆەرسيتەتى مەديتسينا فاكۋلتەتىنە قاراستى شينحۋا ەمحاناسىنا قىزمەتكە ورنالاسقان، نارەستەلەر مەن سابيلەردە، ەرەسەكتەردە بولاتىن ءتۇرلى تۋما جۇرەك اۋرۋلارىنا وپەراتسيا جاساۋ جانە ميكرو جاراقاتتى ەمدەۋ قاتارلى جاقتاردا شەبەرلىگى ۇستەم. بيىل 8 – ايدا ول شاڭحايدىڭ 9 – توپتاعى ەكىنشى كەزەكتەگى «توپتىق فورمادا» شينجياڭعا كومەكتەسۋ ەمدەۋ اترەتىنىڭ قۇرامىندا شينجياڭنىڭ قاشقار ايماعىنا كەلىپ، شينجياڭ قاشقار ايماعى 2 – حالىق ەمحاناسىنداعى شينجياڭعا كومەككە كەلگەن شيپاگەر بولعان.


　　قاشقارعا كەلگەننەن كەيىن، جاڭ جۇنۋىن ەمحانادا جەرگىلىكتى شيپاگەرلەردى باستاپ، 40 نەشە رەت وپەراتسيا جاساپ، ناۋقاستاردى اۋرۋ ازابىنان اراشالادى. كۇندەلىكتى ەمدەۋ قىزمەتىن ورىنداۋدان سىرت، ول 3 جاس شيپاگەردى تاربيەلەۋدى دە مىندەتىنە الىپ، ەمحانانىڭ دارىندىلار قوسىنى قۇرىلىسىن كۇشەيتۋىنە كومەكتەستى.


　　جاڭ جۇنۋىنمەن بىرگە شينجياڭعا كومەككە بارعان 19 شيپاگەردىڭ ءبارى قاشقار ايماقتىق 2 – حالىق شيپاحاناسىنداعى تۇرلىشە بولىمدەردە قىزمەت ىستەيدى. ولار ءبىر جاعىنان، ناۋقاستارعا قىزمەت وتەيتىن ءبىرىنشى شەپتەگى شيپاگەر بولسا، ەندى ءبىر جاعىنان، جەرگىلىكتى ورىنداعى شيپاگەرلەرگە وزىق مەديتسينالىق تانىمدار مەن تەحنيكالاردى ۇيرەتەتىن، مەديتسينالىق تىرەكتىلەردى تاربيەلەيتىن اۋىر مىندەتتى ارقالايدى.


　　2010 – جىلى جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، شاڭحاي قالاسى ىلگەرىندى – كەيىندى جۇزدەن استام شيپاگەردى شينجياڭنىڭ قاشقار ايماعىنا كومەكتەسۋگە جىبەرىپ، وزىندىك باسىمدىلىعىن ساۋلەلەندىرىپ، ۇزدىك مەديتسينالىق بايلىق قاينارىن قاشقار ايماعىمەن ورتاق پايدالانىپ، جەرگىلىكتى ورىنداعى ەمحانانىڭ امبەباپ ەمدەۋ قابىلەتىن جوعارىلاتىپ، ناۋقاستارعا ءۇمىت سيلادى. شينحۋا اگەنتتىگىنىڭ ءتىلشىسى حۋ حۋحۋ فوتوسى


　　كەلۋ قاينارى: حالىق تورابى