انگليانىڭ باس ءۋازىرى تەرەسا مەي پارتيا ىشىندە سەنىم ءبىلدىرۋ داۋىس بەرۋىنەن ءوتتى

2018.12.13 14:06   كەلۋ قاينارى : حالىق تورابى

　　شينحۋا اگەنتتىگى، 12 – ايدىڭ 12 – كۇنى، لوندون (ءتىلشى: گۇي تاۋ، گۋ جىنچيۋ) انگليانىڭ باس ءۋازىرى تەرەسا مەي 12 – ايدىڭ 12 – كۇنى كەشتە كونسەرۆاتيۆتىك پارتيانىڭ وعان باعىتتالعان پارتيا ىشىندە سەنىم ءبىلدىرۋ داۋىس بەرۋىنەن ءوتىپ، كونسەرۆاتيۆتىك پارتيانىڭ باسشىسى جانە انگليانىڭ باس ءۋازىرى مىندەتىن جالعاستى اتقاراتىن بولدى.


　　سول كۇنى كونسەرۆاتيۆتىك پارتيانىڭ پارلامەنتتىڭ تومەنگى پالاتاسىنداعى 317 مۇشەسى داۋىس بەرۋگە قاتىناستى، تەرەسا مەي 200 داۋىستىڭ قولداۋىنا يە بولدى. كونسەرۆاتيۆتىك پارتيانىڭ «1922 كوميتەتىنىڭ» ءتوراعاسى گراحم برەيدي داۋىس بەرۋ ناتيجەسىن جاريالاعان كەزدە: داۋىس بەرۋ ناتيجەسى كونسەرۆاتيۆتىك پارتيانىڭ باس ۋازىرگە سەنەتىنىن بىلدىرەدى، — دەدى.


　　بەلگىلەمە بويىنشا، ەگەر باس ءۋازىر پارتيا ىشىندەگى سەنىم ءبىلدىرۋ داۋىس بەرۋى بارىسىندا داۋىس بەرۋشىلەردىڭ جارىمىنان استامىنىڭ سەنىم بىلدىرگەن داۋىسىنا يە بولماسا، وندا مىندەتىنەن شەگىنۋى كەرەك، جاڭا باسشى پارتيا ىشىندە داۋىس بەرۋ ارقىلى سايلانادى؛ ەگەر باس ءۋازىر داۋىس سانىنىڭ جارىمىنان استامىنا يە بولسا، ءبىر جىل بويى پارتيا ىشىندە وعان سەنىم ءبىلدىرۋ جونىندە قايتالاي داۋىس بەرۋ وتكىزىلمەيدى.


　　كەلۋ قاينارى: حالىق تورابى