بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

«جۇڭگونىڭ ۇلتتىق ساياساتى مەن ۇلتتار ىنتىماعى — شينجياڭ ۇيعۇر اۆتونوميالى رايونىنىڭ ءامالياتى» اتتى ارناۋلى تاقىرىپتىق ۇگىتتەۋ – تانىستىرۋ ءماجىلىسى اشىلدى

2019.02.28 15:28   كەلۋ قاينارى : حالىق تورابى



  حالىق گازەتى، 2 – ايدىڭ 27 – كۇنى، ءۇرىمجى (ءتىلشى: ۋاڭ حايلين، جاڭ پىڭحۇي) ج ك پ ورتالىق كوميتەتىنىڭ شەتەلمەن بايلانىس جاساۋ ءبولىمى جانە ج ك پ شينجياڭ ۇيعۇر اۆتونوميالى رايوندىق كوميتەتى بىرگە ۇيىمداستىرعان «جۇڭگونىڭ ۇلتتىق ساياساتى جانە ۇلتتار ىنتىماعى — شينجياڭ ۇيعۇر اۆتونوميالى رايونىنىڭ ءامالياتى» اتتى ارناۋلى تاقىرىپتىق ۇگىتتەۋ – تانىستىرۋ ءماجىلىسى 2 – ايدىڭ 27 – كۇنى ءۇرىمجى قالاسىندا وتكىزىلدى. 30عا جۋىق مەملەكەتتەگى 50 نەشە ساياسي پارتيادان كەلگەن 200دەن استام شەتەلدىك مەيمان ماجىلىسكە قاتىناستى.


  شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگو سوزگە شىعىپ، مىنانى ءبىلدىردى: شينجياڭداعى ءار ۇلت بۇكىل ەلىمىزدەگى ءار ۇلت حالقىمەن بىرگە بىرىمەن – ءبىرى بىتە قايناسىپ، تاعدىرلاس ورتاق تۇلعا قالىپتاستىردى. ج ك پ 18 – قۇرىلتايىنان بەرى، باس شۋجي شي جينپيڭدى ۇيتقى ەتكەن ج ك پ ورتالىق كوميتەتى شينجياڭ قىزمەتىنە وسكەلەڭ ءمان بەردى. شينجياڭ پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعىن باتىل قورعادى، ءار ۇلت جۇرتشىلىعىنىڭ ءدىني سەنىم ەركىندىگىنە تولىق قۇرمەت ەتتى جانە قورعادى، جوعارى ساپالى دامۋدى جەبەپ، ج ك پ ورتالىق كوميتەتىنىڭ شينجياڭدى باسقارۋ باعىت – ساياساتتارىن جان – جاقتىلى تياناقتاندىردى، ىنتىماقتى دا جاراسىمدى، كوركەيىپ – گۇلدەنگەن، اۋقاتتى، مادەنيەتتى دە العاباسار، الاڭسىز ءومىر كەشىپ، شارۋاشىلىعىن شالقىتقان جۇڭگوشا سوتسياليستىك شينجياڭدى قۇلشىنا كوركەيتتى.


  ج ك پ ورتالىق كوميتەتىنىڭ شەتەلمەن بايلانىس جاساۋ ءبولىمىنىڭ باستىعى سۇڭ تاۋ مىنانى ءبىلدىردى: ۇلتتار ارا قاتىناستى ويداعىداي ءبىرجاقتى ەتۋ، ۇلتتار ىنتىماعىن جەبەۋ — جۇڭگونى قامتىعان ءارقايسى ەل ۇكىمەتتەرى مەن ساياسي پارتيالارى ءدوپ كەلىپ وتىرعان ورتاق مىندەت. باس شۋجي شي جينپيڭ مىنانى اتاپ كورسەتكەن بولاتىن: ۇلتتار ىنتىماعى ءار ۇلت حالقىنىڭ جان تامىرى، شينجياڭنىڭ دامۋى مەن العا باسۋىنىڭ تۇپكىلىكتى تاعانى، ءبىر ميلليارد 300 ميلليون جۇڭگو حالقىنىڭ ورتاق قالاۋى. جاڭا جاعداي تۇسىندا، ءبىز ۇلتتار ىنتىماعى سىندى جان تامىردى ويداعىداي قورعاپ، جۇڭحۋا ۇلتىنىڭ ورتاق تۇلعالىق تانىمىن بەكەمدەۋىمىز، بىرگە گۇلدەنىپ – كوركەيۋ مەن دامۋدى ىسكە اسىرۋىمىز، تۇزىمدىك جاقتان كەپىلدىك ەتۋدى شىنايى ورىنداۋىمىز، پارتيانىڭ باسشىلىعىن كۇشەيتۋىمىز كەرەك. ءبىز ءارقايسى ەلدەرمەن جانە ساياسي پارتيالارمەن ەل باسقارۋ جاعىنداعى قاتىستى تاجىريبەلەردى اۋىستىرۋدى قالايمىز.


  ەگيپەت پارلامەنتى باستىعىنىڭ ءبىرىنشى ورىنباسارى شەريف، بانگلادەش حالىقتىق پارلامەنتى باستىعىنىڭ ورىنباسارى فازىل، تۇركيا وتان پارتياسىنىڭ ءتوراعاسى پەلىنچەك، رەسەي فەدەراتسياسى كوممۋنيستىك پارتيا ورتالىق كوميتەتىنىڭ مۇشەسى لەسكين جەكە – جەكە ءسوز سويلەپ، شينجياڭنىڭ ۇلتتار ىنتىماعى، ەكونوميكانىڭ دامۋى قاتارلى جاقتاردا جۇرتقا ايان تابىستارعا قول جەتكىزگەنىن، جۇڭگو جاقپەن ەل باسقارۋ تاجىريبەلەرى جونىندە اۋىس – كۇيىس جاساۋدى، «ءبىر بەلدەۋ، ءبىر جول» قۇرىلىسى اياسىندا سەلبەستىك جاساپ، بىرگە دامۋدى ىسكە اسىرۋدى قالايتىندارىن ءبىلدىردى.


  ۇگىتتەۋ – تانىستىرۋ ماجىلىسىندە، شينجياڭداعى از ۇلت كادرلارى، ىشكى ولكەلەردەن شينجياڭعا باعىتتامالى كومەكتەسۋگە كەلگەن كادرلار جانە كاسىپورىن ۋاكىلدەرى وزدەرىنىڭ ۇلتتار ىنتىماعى، بىرگە دامۋ، اشىق سەلبەستىك قاتارلى قىزمەتتەرگە قاتىناسۋ بارىسىنداعىءتول كەشىرمەلەرىن اڭگىمەلەدى. ورتالىق كوميتەت پەن مەملەكەتتىك ورگانداردىڭ قاتىستى تاراۋلارىنان، شينجياڭ ۇيعۇر اۆتونوميالى رايونىنىڭ ءار سالاسىنان كەلگەن ۋاكىلدەر ۇگىتتەۋ – تانىستىرۋ ماجىلىسىنە قاتىناستى.


  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : نۇرعيسا قۇرمانجان ۇلى

 سۋرەت