13 – كەزەكتى مەملەكەتتىك حالىق قۇرىلتايىنىڭ ەكىنشى ماجىلىسىندە جالپى 491 كەڭەستىك جوبا تاپسىرىپ الىندى

2019.03.13 16:36   كەلۋ قاينارى : حالىق تورابى

　　«حالىق گازەتى»، 3 – ايدىڭ 12 - كۇنى، بەيجيڭ (ءتىلشى ۋەي جىجى). ءتىلشىنىڭ 13 – كەزەكتى مەملەكەتتىك حالىق قۇرىلتايى ەكىنشى ءماجىلىسى حاتشىلار باسقارماسىنىڭ كەڭەستىك جوبا گرۋپپاسىنان ۇعىسۋىنشا، ءماجىلىستىڭ ءتوراعالار القاسى ۇيعارعان ۋاكىلدەردىڭ كەڭەستىك جوبانى ورتاعا قويۋ ۋاقىت شەگى تولعانعا دەيىن جالپى 492 كەڭەستىك جوبا تاپسىرىپ العان، مۇنىڭ ىشىندە ۋاكىلدەر ۇيىرمەسىنىڭ ۇسىنعانى 14 پارشا، ۋاكىلدەردىڭ بىرىگىپ ۇسىنعانى 477 پارشا بولعان.

　　«باستاپقى سارالاۋ، تالداۋ ارقىلى ۋاكىلدەر ۇسىنعان كەڭەستىك جوبالاردىڭ زاڭ شىعارۋعا قاتىستىلارى 487 پارشا ەكەنىن، باقىلاۋعا قاتىستىلارى 4 پارشا ەكەنىن تۇراقتاندىردىق». مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باس حاتشىسى، 13 – كەزەكتى مەملەكەتتىك حالىق قۇرىلتايىنىڭ ەكىنشى ءماجىلىسى حاتشىلار باسقارماسى كەڭەستىك جوبا گرۋپپاسىنىڭ باستىعى گو جىنحۋا تانىستىرىپ بىلاي دەدى: وسى كەڭەستىك جوبالاردا پارتيا مەن مەملەكەت قىزمەتىنىڭ جالپى جاعدايى توڭىرەكتەلىپ، زاڭ شىعارۋ ارقىلى كەلەلى شەشىمدەردىڭ، كەلەلى ستراتەگيالاردىڭ تياناقتانۋىن ىلگەرىلەتۋ جونىندە ۇسىنىس بەرىلگەن، باستى مازمۇنى رەفورمانى جاپپاي تەرەڭدەتۋ، سىرتقا ەسىك اشۋدى كەڭەيتۋ، حالىق تۇرمىسىن قامتاماسىزداندىرۋ جانە جاقسارتۋ، ەكولوگيالىق وركەنيەت قۇرىلىسى مەن جاسىل دامۋدى ىلگەرىلەتۋ، مەملەكەت حاۋىپسىزدىگىن قورعاۋ، قوعامدى جونگە سالۋدا جاڭالىق جاراتۋ، سونداي – اق مادەنيەت ىستەرى مەن مادەنيەت كاسىبىن دامىتۋ سياقتى جاقتارعا شوعىرلانعان.

　　كەلۋ قاينارى: حالىق تورابى