جياڭشيدەن «ەكى ورىن اراسىندا» جۇڭگو – ەۆروپا ارالىعىنا قاتىنايتىن قوس باعىتتاعى تۇڭعىش پويەزى جولعا شىقتى

2019.03.20 16:32   كەلۋ قاينارى : حالىق تورابى

　　سۋرەتتە: بەلورۋسسيادان ەلىمىزگە قايتا ورالعان جۇڭگو – ەۆروپا كەزەكتى پويەزى نانچاڭ (شياڭتاڭ) تەمىر جول وتكەلىنە (سولدا) جەتتى، نانچاڭنان بەلورۋسسياعا جولعا شىققان جۇڭگو – ەۆروپا كەزەكتى پويەزى نانچاڭ (شياڭتاڭ) تەمىر جول وتكەلىنەن (وڭدا) شىعىپ بارادى (3 – ايدىڭ 19 – كۇنى ۇشقىشسىز ۇشاقپەن تۇسىرىلگەن)


　　سول كۇنى جۇڭگو – ەۆروپا كەزەكتى پويەزىنىڭ (نانچاڭ) بەلگىلەنگەن ۋاقىت بويىنشا قاتىناۋى جانە جۇڭگو حالىقارالىق يمپورت كورمەسى «جياڭشي ءنومىرلى» پويەزىنىڭ قوس باعىتتا جولعا شىعۋى سالتى نانچاڭ (شياڭتاڭ) تەمىر جول وتكەلىندە وتكىزىلدى. تابيعي ورگانيكالىق رۋدا شيكىزاتتارى مەن اۋىل شارۋاشىلىعىنا پايدالاناتىن تاڭداۋلى بۇيىمداردى 41 ۋاگونعا تولتىرا تيەپ ەلىمىزگە قايتقان جۇڭگو – ەۆروپا كەزەكتى پويەزى (بەلورۋسسيادان نانچاڭعا) 16 كۇندىك جول باسىپ، ىرليانحوت ارقىلى شەكارادان كىرىپ، نانچاڭ (شياڭتاڭ) تەمىر جول وتكەلىنە جەتتى؛ سونىمەن بىرگە، كيىم – كەشەك، باس كيىم، ەلەكتر بۇيىمدارى قاتارلى زاتتاردى 46 ۋاگونعا تولتىرا تيەپ، نانچاڭنان بەلورۋسسياعا بارۋعا اتتانعان پويەز ىرليانحوت ارقىلى شەكارادان شىعىپ، 16 كۇندە بەلورۋسسيانىڭ مينيسكى بەكەتىنە جەتەدى. ەكى كەزەكتى پويەزدىڭ بىرەۋىنىڭ بەكەتكە جەتىپ، ەندى بىرەۋىنىڭ اتتانۋى جۇڭگو – ەۆروپا كەزەكتى پويەزىنىڭ (نانچاڭ – بەلورۋسسيا) قوس باعىتتا قاتىناۋدى ىسكە اسىرعانىن كورسەتەدى، سونىمەن بىرگە، بۇل جياڭشيدەن «ەكى ورىن اراسىندا» جۇڭگو – ەۆروپا ارالىعىنا قاتىنايتىن قوس باعىتتاعى كەزەكتى پويەزدارىنىڭ تۇڭعىش رەت قاتىناعانىن بىلدىرەدى. شينحۋا اگەنتتىگىنىڭ ءتىلشىسى پىڭ جاۋجى فوتوسى


　　كەلۋ قاينارى: حالىق تورابى