بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

شي جينپيڭ فرانسيانىڭ پرەزيدەنتى ماكرونمەن كەڭەس وتكىزدى

2019.03.26 16:09   كەلۋ قاينارى : حالىق تورابى



  شينحۋا اگەنتتىگى، 3 – ايدىڭ 25 - كۇنى، پاريج (تىلشىلەر حو شياۋگۋاڭ، لي جيانمين، حاۋ ۋەيۋەي). مەملەكەت ءتوراعاسى شي جينپيڭ سول جەر ۋاقىتى بويىنشا 3 - ايدىڭ 25 - كۇنى پاريجدەگى ەليسەي سارايىندا فرانسيانىڭ پرەزيدەنتى ماكرونمەن كەڭەس وتكىزدى. ەكى ەل باسشىلارى بۇرىنعىعا مۇراگەر بولىپ، كەيىنگىگە جل اشىپ، جاڭا تاريحي باستامادا جۇڭگو مەن فرانسيانىڭ اناعۇرلىم بەرىك، ورنىقتى، ومىرشەڭدىك كۇشكە باي جالپى بەتتىك ستراتەگيالىق ارىپتەستىك قاتىناسىن قالىپتاستىرۋعا ءبىر اۋىزدان قوسىلدى.

  شي جينپيڭ مىنالاردى اتاپ كورسەتتى: حالىقارالىق جاعدايدا وراسان زور وزگەرىس تۋىلدى، الايدا جۇڭگو - فرانسيا قاتىناسى باستان - اياق جوعارى دەڭگەيدە اقاۋسىز، ورنىقتى دامىدى. پرەزيدەنت مىرزا مىندەتكە وتىرعاننان بەرى ەكى ەل قاتىناسى ەكى جىلعا جەتپەيتىن ۋاقىتتا تاعى دا تىڭ ساتىعا كوتەرىلىپ، كوپتەگەن تىڭ تابىسقا قول جەتتى. بيىل − بەلەستىك مانگە يە ەرەكشە جىل ءارى جۇڭگو مەن فرانسيانىڭ ديپلوماتيالىق قاتىناس ورناتقانىنىڭ 55 جىلدىعى، جۇڭگونىڭ فرانسيادا جۇمىس ىستەي ءجۇرىپ وقۋ قوزعالىسىنىڭ 100 جىلدىعى، سونداي - اق جاڭا جۇڭگو قۇرىلعانىنىڭ 70 جىلدىعى. ەرتەدەگىنى ءبىلىپ، بۇگىنگىگە ۇلگى ەتۋدىڭ ءوزى ءتىپتى دە جاقسى العا باسۋ ءۇشىن بولىپ تابىلادى. بۇگىنگى دۇنيە ءجۇزى عاسىردا كەزدەسپەگەن زور وزگەرىستى باستان كەشىرۋدە. ادامزات قالاي ءجۇرىپ، قايدا بارۋدىڭ جول تۇيىلىسىندە تۇر، جۇڭگو، فرانسيا جانە ەۆروپا دا وزىندىك دامۋدىڭ شەشۋشى كەزەڭىنە كەلدى. جۇڭگو فرانسيامەن بىرگە تاريحقا مۇراگەرلىك ەتىپ، بولاشاققا جول اشىپ، جۇڭگو مەن فرانسيانىڭ تىعىز، باياندى جالپى بەتتىك ستراتەگيالىق ارىپتەستىك قاتىناسىن ءداۋىردىڭ الدىڭعى لەگىندە ۇزدىكسىز جەبەۋدى، باياندى بەيبىتشىلىك ورناعان، جالپى بەتتىك حاۋىپسىز، ورتاق كوركەيگەن، اشىق ۇستالعان ءارى سيىسىمدى، تازا دا كوركەم دۇنيە قۇرۋعا اناعۇرلىم كوپ تاريحي ۇلەس قوسۋدى قالايدى.

  شي جينپيڭ مىنالاردى دارىپتەدى: جۇڭگو - فرانسيا قاتىناسىن ويداعىداي دامىتۋدا ساياسي سەنىمدىلىك − شەشۋشى ءتۇيىن، ناقتى سەلبەستىك − باسىپ وتەتىن جول، حالىقتاردىڭ سۇيىسپەنشىلىگى − نەگىز. جاڭا جاعدايدا جۇڭگو مەن فرانسيا وسى ءۇش جاقتاعى قىزمەتتى اناعۇرلىم ويداعىداي ىستەۋى، دەربەس، ءوز - وزىنە قوجا بولۋ، ءبىر - ءبىرىن ءتۇسىنۋ، بيىكتە تۇرىپ الىستى بولجاۋ، ءبىر – بىرىنە پايدا جەتكىزىپ، ورتاق يگىلىككە كەنەلۋ سىندى ءىرى ەلدەردىڭ تاتۋ - ءتاتتى ءوتۋ جولىندا ۇزدىكسىز ىزدەنىس جاساۋى كەرەك. ساياسي جاقتا سەنىمدىلىك ىرگەسىن اناعۇرلىم بەكەمدەۋ ءارى مۇرات جولىن جارقىراي كورسەتىپ تۇراتىن باعدار شام ورناتۋ كەرەك. جالپى بەتتىك، كوپ ساتىلى اۋىس - كۇيىستى ىشكەرىلەتۋ، مەحانيزمدىك سۇحپاتتاردىڭ رولىن تولىق ساۋلەلەندىرۋ، ۇكىمەت، زاڭ شىعارۋ قۇرىلىمى، پارتيا، ارميا اراسىنداعى اۋىس - كۇيىستى جيىلەتۋ كەرەك. ءبىر - ءبىرىنىڭ وزەكتى مۇددەسى مەن كوكەيتەستى كەلەلى ىستەرىنە قۇرمەت ەتۋدە جانە ءمان بەرۋدە تاباندى بولۋ، پارىقتى ساقتاپ، ورتاقتىققا ۇمتىلۋ كەرەك. ب م ۇ، 20 ەل توبى قاتارلى كوپ جاقتى قۇرىلىمداعى سەلبەستىكتى كۇشەيتۋ، كليمات وزگەرىسى سياقتى كەلەلى حالىقارالىق ماسەلەلەردە تۇسىنىستىك مەن سايكەستىكتى نىعايتۋ، «پاريج كەلىسىمىن» جانە ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋدى جەبەۋ، ب م ۇ ەرەجەسىنىڭ ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمى مەن كوپ جاقتى ساۋدا ءتۇزىلىسىن ءىس جۇزىندىك ارەكەتپەن قورعاۋ كەرەك.

  كەلۋ قاينارى: حالىق تورابى

【1】 【2】 【3】 【4】 【5】 【6】 
جاۋاپتى رەداكتورى : مانەپ ەربول ۇلى

 سۋرەت