2019 – جىلعى «1 – مامىر» حالىقارالىق ەڭبەكشىلەر مەرەكەسىن قۇتتىقتاۋ جينالىسى بەيجيڭدە وتكىزىلدى

2019.04.24 16:16   كەلۋ قاينارى : حالىق تورابى

　　شينحۋا اگەنتتىگى، 4 – ايدىڭ 23 – كۇنى، بەيجيڭ. 4 – ايدىڭ 23 – كۇنى، 2019 – جىلعى «1 – مامىر» حالىقارالىق ەڭبەكشىلەر مەرەكەسىن قۇتتىقتاۋ جانە بۇكىل مەملەكەتتىك 1 – مامىر ەڭبەكشىلەر سيلىعى مەن بۇكىل مەملەكەتتىك جۇمىسشى ۇزدىكتەرىن ماداقتاۋ – سيلاۋ جينالىسى بەيجيڭدەگى حالىق سارايىندا وتكىزىلدى. بۇكىل مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى، جۇڭحۋا بۇكىل مەملەكەتتىك باس جۇمىسشىلار ۇيىمىنىڭ ءتوراعاسى ۋاڭ دۇڭميڭ ماجىلىسكە قاتىناسىتى ءارى ءسوز سويلەدى.

　　ۋاڭ دۇڭميڭ بۇكىل ەلىمىزدەگى ءار ۇلت جۇمىسشىلارىنا،شارۋالارعا، زيالىلارعا جانە باسقا دا جىكتەگى ەڭبەكشى جۇرتشىلىققا مەرەكەلىك سالەم جولدادى. ول بىلاي دەدى: قالىڭ ەڭبەك ۇلگىلەرى مەن جۇمىسشى – قىزمەتكەرلەر پارتيا مەن مەملەكەتتىڭ وزەكتى قىزمەتىن مىقتى ارقاۋ ەتىپ، مايداندا بەرىك تۇرىپ، تۋى ايقىن بولىپ، پارتيانىڭ سوزىنە تاباندىلىقپەن قۇلاق اسىپ، پارتياعا ىلەسۋى؛ قىزمەت ورنىن، كاسىبىن قادىرلەپ، قۇلشىنا ۇلەس قوسىپ، جۇڭگو ارمانىن ىسكە اسىرۋ جولىندا قۇلشىنا كۇرەس جۇرگىزۋى؛ ادىلدىكتى ايگىلەپ، سالت – داستۇرگە جەتەكشىلىك ەتىپ، سوتسياليستىك وزەكتى قۇن كوزقاراسىن بەلسەندىلىكپەن امالياتتا ايگىلەۋى؛ ۇيرەنۋدى كۇشەيتىپ، ساپانى جوعارىلاتىپ، جۇمىسشى تابىنىڭ العاباسارلىعىن ۇزدىكسىز دامىتۋى كەرەك. ءار دارەجەلى جۇمىسشىلارى ۇيىمى سان ميلليونداعان جۇمىسشى – قىزمەتكەرلەردى قايراتتانا العا ۇمتىلىپ، ءورىس اشا العا ىلگەرىلەپ، جاڭا داۋىردە تىڭ دا شۇعىلالى تابىستار جاراتۋعا ىنتىماقتاستىرا جۇمىلدىرۋى كەرەك.

　　92 كوللەكتيۆ پەن 695 جەكە بۇكىل مەملەكەتتىك 1 – مامىر ەڭبەك سيلىعىن، مەدالىن الدى، 797 كوللەكتيۆ مەملەكەتتىك جۇمىسشىلار اۆانگارد اتاعىن الدى.

　　كەلۋ قاينارى: حالىق تورابى