ءبىر بەلدەۋ، ءبىر جول حالىقارالىق اقىل – پاراسات قامباسى كوميتەتى قۇرىلدى

2019.04.25 16:02   كەلۋ قاينارى : حالىق تورابى

　　شينحۋا اگەنتتىگى، 4 – ايدىڭ 24 – كۇنى، بەيجيڭ. شينحۋا اگەنتتىگى زەرتتەۋ مەكەمەسى جۇڭگولىق جانە شەتەلدىك 15 اقىل – پاراسات قامباسى ورتالىعىمەن سەلبەسە ورتاعا قويعان «ءبىر بەلدەۋ، ءبىر جول» حالىقارالىق اقىل – پاراسات قامباسى كوميتەتى 4 – ايدىڭ 24 – كۇنى بەيجيڭدە قۇرىلعانىن جاريالادى. بۇل جۇڭگونىڭ مەملەكەت ءتوراعاسى شي جينپيڭنىڭ «اقىل – پاراسات قامباسى ورتالىعىنىڭ رولىن ساۋلەلەندىرىپ، اقىل – پاراسات قامباسى ورتالىعى وداعى مەن سەلبەستىك تورابىن ويداعىداي قۇرۋ» ۇسىنىسىنا ءۇن قوسقان ماڭىزدى شارا، سونداي – اق، جۇڭگولىق جانە شەتەلدىك مامانداردىڭ سەلبەستىك تەكشەسىن قۇرۋ، «ءبىر بەلدەۋ، ءبىر جول» اياسىندا عىلىمي اۋىس – كۇيىس جاساۋ تەتىگىن تۇراقتاندىرۋدى ىلگەرىلەتۋگە ورتاق نيەتپەن بەلسەندىلىكپەن ءۇن قوسۋى بولىپ سانالادى.

　　تانىستىرۋعا قاراعاندا، سەلبەستىك كوميتەتى اشىق تيپتەگى عىلىمي اۋىس – كۇيىس سەلبەستىك مەحانيزمى بولىپ، وعان قاتىناسۋشى جاقتاردا اقىل – پاراسات قامباسى جانە اقىل – پاراسات قامباسى قىزمەتىن اتقاراتىن اقپارات قۇرىلىمدارى، سونىمەن بىرگە، حالىقارالىق ۇيىمدار، جوعارى مەكتەپتەردەگى زەرتتەۋ قۇرىلىمدارى جانە جەكە اتىنان قاتىناسقان تانىمالى ماماندار قامتىلادى. ونىڭ ماقساتى حالىقارالىق اقىل – پاراسات قامباسىندىق قۇرىلىمدارعا، حالىقارالىق جانە وڭىرلىك ۇيىمدارعا، سونداي – اق، ءار ەلدىڭ مامان – وقىمىستىلارىنا قىزمەت ەتىپ، «ءبىر بەلدەۋ، ءبىر جول» دارىپتەمەسىنە قاتىستى زەرتتەۋلەر مەن پىكىر الماستىرۋدى ىلگەرىلەتىپ، نازاريالىق جاقتا جاڭالىق جاراتۋدى، ناتيجەلەردەن بىرگە يگىلىكتەنۋدى، ءبىلىم تاراتۋدى جانە قىزمەتكەرلەر ارا اۋىس – كۇيىستى ىلگەرىلەتۋ بولىپ تابىلادى.

　　«ءبىر بەلدەۋ، ءبىر جول» حالىقارالىق اقىل – پاراسات قامباسى سەلبەستىك كوميتەتى القالار كەڭەسىن وسى دارىپتەمەنى ورتاعا قويعان 16 ورىن ۇيىمداسىپ قۇرعان، شينحۋا اگەنتتىگىنىڭ باستىعى، شينحۋا اگەنتتىگى زەرتتەۋ مەكەمەسىنىڭ باستىعى ساي ميڭجاۋ القالار باستىعى مىندەتىن اتقارادى. القالار كەڭەسىنىڭ حاتشىلار باسقارماسى قۇرىلىپ، ونىڭ كۇندەلىكتى جۇمىسىنا شينحۋا اگەنتتىگى زەرتتەۋ مەكەمەسى جاۋاپتى بولادى.

　　قۇرىلۋ ماجىلىسىندە ج ك پ ورتالىق كوميتەتى ۇگىت ءبولىمى، جۇڭگو قوعامدىق عىلىمدار اكادەمياسى قاتارلى ورىنداردىڭ قاتىستى جاۋاپتىلارى ءسوز سويلەدى، بۇل جوسپاردى ورتاعا قويعان جۇڭگولىق جانە شەتەلدىك 4 ورىننىڭ جاۋاپتىلارى، جۇڭگولىق جانە شەتەلدىك اقىل – پاراسات قامباسى ورتالىقتارىنان كەلگەن ماماندار اتىنان 6 مامان ءسوز سويلەدى. 59 مەملەكەتتىڭ جانە ەكى حالىقارالىق ۇيىمنىڭ 130عا جۋىق اقىل – پاراسات قامباسى ورتالىقتارىنان 200 نەشە مامان – وقىمىستى ماجىلىسكە قاتىناستى.

　　كەلۋ قاينارى: حالىق تورابى