شي جينپيڭ ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ اشىلۋ سالتىنا قاتىناستى ءارى ارقاۋ ءسوز سويلەدى

«ءبىر بەلدەۋ، ءبىر جولدىڭ» تاماشا بولاشاعىن جاراتۋعا جانە بىرگە كوركەيتۋگە ۇندەپ، جۇڭگونىڭ ءبىرقىدىرۋ كەلەلى رەفورما، ەسىك اشۋ شارالارىن اتقاراتىنىن جاريالادى

2019.04.27 10:44   كەلۋ قاينارى : حالىق تورابى

　　مەملەكەت ءتوراعاسى شي جينپيڭ 4 – ايدىڭ 26 – كۇنى بەيجيڭدە ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ اشىلۋ سالتىنا قاتىناستى ءارى «‹ءبىر بەلدەۋ، ءبىر جولدىڭ› تاماشا بولاشاعىن ءبىر نيەتپەن جاراتايىق جانە بىرگە كوركەيتەيىك» دەگەن تاقىرىپتا ارقاۋ ءسوز سويلەدى. شينحۋا اگەنتتىگىنىڭ ءتىلشىسى جۇي پىڭ فوتوسى

　　«ءبىر بەلدەۋ، ءبىر جولدى» بىرگە كوركەيتۋ دۇنيە جۇزىندەگى ءارقايسى ەلدەردىڭ دامۋىنا جاڭا وراي جاراتۋمەن بىرگە، جۇڭگونىڭ اشىق دامۋىنا جاڭا ءورىس اشتى. بولاشاققا بەت تۇزەگەن ساتتە، بىرگە كەڭەسۋ، بىرگە كوركەيتۋ، ورتاق يگىلىكتەنۋ پرينسيبىن ۇستانىپ، اشىقتىق، تازالىق، پاكتىك تانىمىنا تاباندى بولىپ، جوعارى ولشەمدى، حالىق تۇرمىسىنا ءتيىمدى، ۇلاسپالى نىسانالاردى قۇلشىنا ىسكە اسىرىپ، «ءبىر بەلدەۋ، ءبىر جولدى» بىرگە كوركەيتۋدىڭ جوعارى ساپالى دامۋ باعدارىن بويلاي العا تارتا بەرۋىن ىلگەرىلەتۋىمىز كەرەك.

　　جۇڭگو الدا ءبىرقىدىرۋ كەلەلى رەفورما، ەسىك اشۋ شارالارىن اتقارىپ، اناعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتەدى. ءبىز اناعۇرلىم كەڭ سالالاردا شەتەل قارجىسىنىڭ نارىققا ەنۋ ولشەمىن كەڭەيتىپ، ءبىلىم مەنشىك ۇقىعىن قورعاۋ جاعىندا حالىقارالىق سەلبەستىك جاساۋدى اناعۇرلىم پارمەندى كۇشەيتىپ، تاۋارلار مەن قىزمەت وتەۋ تۇرلەرىن يمپورت ەتۋ كولەمىن اناعۇرلىم ارتتىرىپ، حالىقارالىق ماكرولىق ەكونوميكا ساياساتىن سايكەستىرۋدى اناعۇرلىم ءونىمدى اتقارىپ، شەتەلگە ەسىك اشۋ ساياساتىن دايەكتى تياناقتاندىرۋعا اناعۇرلىم ءمان بەرەمىز.

　　حالىق گازەتى، 4 – ايدىڭ 26 – كۇنى، بەيجيڭ (ءتىلشى: جۋ جيڭرو، پەي گۋاڭجياڭ، دۋ شاڭزى) مەملەكەت ءتوراعاسى شي جينپيڭ 4 – ايدىڭ 26 – كۇنى بەيجيڭدەگى مەملەكەتتىك ءماجىلىس ورتالىعىندا ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ اشىلۋ سالتىنا قاتىناستى ءارى «‹ءبىر بەلدەۋ، ءبىر جولدىڭ› تاماشا بولاشاعىن ءبىر نيەتپەن جاراتايىق جانە بىرگە كوركەيتەيىك» اتتى تاقىرىپتا ارقاۋ ءسوز سويلەپ، «ءبىر بەلدەۋ، ءبىر جولدى» بىرگە كوركەيتۋدىڭ دۇنيە جۇزىندەگى ءار ەلدىڭ دامۋىنا جاڭا وراي جاراتۋمەن بىرگە، جۇڭگونىڭ اشىق دامۋىنا دا جاڭا ءورىس سيلاعانىن باسا دارىپتەدى. بەت تۇزەگەن ساتتە، بىرگە كەڭەسۋ، بىرگە كوركەيتۋ، ورتاق يگىلىكتەنۋ پرينسيبىن ۇستانىپ، اشىقتىق، تازالىق، پاكتىك تانىمىنا تاباندى بولىپ، جوعارى ولشەمدى، حالىق تۇرمىسىنا ءتيىمدى، ۇلاسپالى نىسانالاردى قۇلشىنا ىسكە اسىرىپ، «ءبىر بەلدەۋ، ءبىر جولدى» بىرگە كوركەيتۋدىڭ جوعارى ساپالى دامۋ باعدارىن بويلاي العا تارتا بەرۋىن ىلگەرىلەتۋىمىز كەرەك دەپ باسا دارىپتەدى.

　　شي جينپيڭ مىنانى جاريالادى: جۇڭگو الدا ءبىرقىدىرۋ كەلەلى رەفورما، ەسىك اشۋ شارالارىن اتقارىپ، اناعۇرلىم جوعارى دەڭگەيدە سىرتقا ەسىك اشۋدى ىلگەرىلەتەدى. ءبىز اناعۇرلىم كەڭ سالالاردا شەتەل قارجىسىنىڭ نارىققا ەنۋ ولشەمىن كەڭەيتىپ، ءبىلىم مەنشىك ۇقىعىن قورعاۋ جاعىندا حالىقارالىق سەلبەستىك جاساۋدى اناعۇرلىم پارمەندى كۇشەيتىپ، تاۋارلار مەن قىزمەت وتەۋ تۇرلەرىن يمپورت ەتۋ كولەمىن اناعۇرلىم ارتتىرىپ، حالىقارالىق ماكرولىق ەكونوميكا ساياساتىن سايكەستىرۋدى اناعۇرلىم ءونىمدى اتقارىپ، شەتەلگە ەسىك اشۋ ساياساتىن دايەكتى تياناقتاندىرۋعا اناعۇرلىم ءمان بەرەمىز.

　　مەملەكەتتىك كەڭەس زۇڭليىنىڭ ورىنباسارى حان جىڭ اشىلۋ ءماجىلىسىن باسقاردى.

　　كەلۋ قاينارى: حالىق تورابى