كەشكى بازار ىسكە قوسىلىپ، ءۇرىمجىنىڭ جازعى كەشىن ارلەندىردى

2019.05.13 13:31   كەلۋ قاينارى : حالىق تورابى

　　شينحۋا اگەنتتىگى، 5 – ايدىڭ 12 – كۇنى، ءۇرىمجى (ءتىلشى: فۋ شياۋبو، گو يان) ءتۇن قاراڭعىلىعى تۇسىسىمەن، قۇلپىرما شام اسپان اياسىن نۇرلاندىردى، 1 – مامىر شيڭگۋاڭ كەشكى بازارىندا ءتۇننىڭ ءبىر ۋاعىنا دەيىن قايشالىسقان ادامداردىڭ اياعى ۇزىلمەدى، ءۇرىمجى قالاسى «دۋماندى قالاعا» اينالدى.


　　ءۇرىمجى قالاسىنداعى اتاعى جۇرتقا بەلگىلى، ەڭ ەرتە سالىنعان، كولەمى ەڭ ۇلكەن كەشكى بازار — 1 – مامىر شيڭگۋاڭ كەشكى بازارى بيىل 5 – ايدىڭ باسىندا بۇكىلدەي جاڭارتىلىپ، قوناق قابىلداي باستادى. بىرنەشە كۇننەن بەرى، حاباردى ەستىپ كەلگەن قالا تۇرعىندارى مەن ەل ءىشى – سىرتىنان كەلگەن ساياحاتشىلاردىڭ اياعى ۇزىلمەدى.


　　«سامسىعان جۇلدىز» جايناعان كەشكى بازاردان حوش ءيىس اڭقيدى، كاۋاپ، قۇم قازان اسى، تەڭىز ونىمدەرى، سۋشي قاتارلى ەرەكشەلىككە يە ءدامدى تاعامداردىڭ ءبارىن بىردەي تاتقىڭ كەلەدى، جايما يەلەرىنىڭ ءدام تاتىڭىزدار دەگەن ءۇنى جان – جاقتان ەستىلەدى، وشىرەتكە تۇرعان تاماقتانۋشىلار تۇس – تۇستان كورىنەدى.


　　حۋبەي ولكەسى ۋحان قالاسىنان كەلگەن ساياحاتشى جايمالاردان وزىنە ۇناعان ءدامدى تاعامداردى الىپ جەدى. ول: «بۇل كەشكى بازاردى توراپتان ىزدەپ تاپتىم، ۇشاق قونا سالا وسى اراعا كەلدىم، مەنىڭ ويلاعانىمنان دا دۋماندى ەكەن»، — دەدى.


　　كەلۋ قاينارى: حالىق تورابى