«كورىكتى ازيا—ازيا وركەنيەت كورمەسى» بەيجيڭدە اشىلدى

حۋاڭ كۇنميڭ اشىلۋ سالتىنا قاتىناستى

2019.05.14 15:57   كەلۋ قاينارى : حالىق تورابى

　　شينحۋا اگەنتتىگى، 5 – ايدىڭ 13 – كۇنى، بەيجيڭ. (ءتىلشى پان جيە، شى يۇيسىن) «كورىكتى ازيا—ازيا وركەنيەت كورمەسىنىڭ» اشىلۋ سالتى 5 – ايدىڭ 13 – كۇنى تۇستەن بۇرىن جۇڭگو مەملەكەتتىك مۇراجايىندا وتكىزىلدى. ج ك پ ورتالىق كوميتەت ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ اشىلۋ سالتىنا قاتىناستى. حۋاڭ كۇنميڭ بىلاي دەدى: 49 مەملەكەتتەن كەلگەن 400دەن استام باعالى مادەني مۇرا ءبىر اراعا جينالىپ، كەڭىستىك اتتاعان وركەنيەت توعىسۋىن قالىپتاستىرىپ، ازياداعى ءار ەلدىڭ دوستىعىن نىعايتۋعا، جۇرت تىلەگىن توعىستىرۋعا، ازيا وركەنيەت جەتىستىكتەرىن اناعۇرلىم ويداعىداي ساۋلەلەندىرۋگە، ازيا مادەنيەتىنىڭ سەنىمىن كۇشەيتۋگە ءتيىمدى بولدى.

　　«كورىكتى ازيا − ازيا وركەنيەت كورمەسى» ازيا وركەنيەتتىك پىكىرلەسۋ جينالىسىنىڭ جەلىلەس مادەنيەت قيمىلدارىنىڭ ءبىرى، مادەنيەت جانە ساياحات مينيسترلىگى، مەملەكەتتىك مادەني مۇرالار مەكەمەسى ۇيىمداستىردى، جۇڭگو مەملەكەتتىك مۇراجايى مەن جۇڭگو مادەني مۇرالار اۋىس – كۇيىس ورتالىعى جاۋاپتى بولىپ وتكىزدى.

　　كورمەدە «كوپ نەگىزدى وركەنيەتتى قاتار قۇرۋ، بايىرعى مەن قازىرگىنى توعىستىرۋ» ەكى نەگىزگى جەلى بولدى. كورمەدە «ءداستۇرلى كورمە + كوپ مەديا تەحنيكاسىن» ءوزارا ۇشتاستىرىپ، ازيانىڭ تاريحى ۇزاق، مادەنيەتى توعىسقان، كوپ نەگىزدى بىرگە جاسايتىن وركەنيەت ەرەكشەلىگىن ايگىلەدى، ازياداعى وركەنيەتتەر اراسىنداعى پىكىرلەسۋ، اۋىس – كۇيىس، ءوزارا ۇلگى الۋ جولىن ايگىلەپ، كورشىلەس، جۇرت تىلەگى توعىسقان، بەيبىت قاتار تۇراتىن ازيا وركەنيەتىن بەينەلەدى.

　　ورتالىق كوميتەت ۇگىت ءبولىمىنىڭ، سىرتقى ىستەر مينيسترلىگىنىڭ، مادەنيەت جانە ساياحات مينيسترلىگىنىڭ، مەملەكەتتىك مادەني مۇرالار مەكەمەسىنىڭ، بەيجيڭ قالاسىنىڭ قاتىستى جاۋاپتى جولداستارى، جۇڭگودا تۇراتىن ەلشىحانانىڭ ۋاكىلدەرىنەن جانە كورمەگە قاتىناسقان مەملەكەت ۋاكىلدەر ۇيىرمەسىنىڭ، كورمەگە قاتىناسقان ۇيىمداردىڭ ۋاكىلدەرىنەن جالپى 300دەن ارتىق ادام اشىلۋ سالتىنا قاتىناستى. ۇعىسۋعا قاراعاندا، كورمە 8 – ايدىڭ 11 – كۇنىنە دەيىن جالعاسادى.

　　كەلۋ قاينارى: حالىق تورابى