بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>كوپ بەتتىك حابارلار

ۇكىمەت قىزمەتىنەن بايانداما(4)

2019.05.23 15:46     كەلۋ قاينارى : حالىق تورابى

  بيىلعى ۇكىمەت قىزمەتىن ويداعىداي ىستەۋ ٴۇشىن، مىناداي قاتىناستاردى ويداعىداي يگەرۋگە نازار اۋدارۋ كەرەك. ٴبىرىنشى، ەل ٴىشى مەن حالىقارانىڭ قاتىناسىن ٴبىرتۇتاس ويداعىداي جوسپارلاپ، جۇرت تىلەگىن توعىستىرا وتىرىپ ٴوز جۇمىستارىمىزدى ويداعىداي تىندىرۋىمىز كەرەك. ەلىمىز ٴالى دە سوتسياليزمنىڭ العاشقى ساتىسىندا تۇر ٴارى ۇزاق ۋاقىت تۇرادى، ٴالى دە دۇنيە ٴجۇزى بويىنشا ەڭ ٴىرى دامۋ جولىنداعى مەملەكەت. دامۋ ‐‐ ەلىمىزدەگى بارلىق ماسەلەنى شەشۋدىڭ نەگىزى ٴارى تەتىگى، ەكونوميكالىق قۇرىلىس سىندى وسى وزەكتى مىقتى مەڭگەرىپ، دامۋ ‐‐ بۇلجىماس اقيقات، دامۋ عىلىمي دامۋ جانە جوعارى ساپالى دامۋ بولۋى كەرەك دەيتىن ستراتەگيالىق يدەياعا اۋىتقىماستان تاباندى بولىپ، قوعامدىق وندىرگىش كۇشتەردى ۇزدىكسىز ازات ەتۋىمىز جانە دامىتۋىمىز قاجەت. حالىقارالىق اۋقىم كۇردەلى دە قۇبىلمالى بولىپ وتىرعان جاعدايدا ٴبىز ستراتەگيالىق ۇستامدىلىقتى ساقتاپ، تۇراقتاندىرىلعان نىسانا مەن ورنالاستىرۋلارعا ساي قىزمەتتەردى ىلگەرىلەتىپ، حالىقارا جانە ەل ٴىشى سىندى ەكى بازاردى، ەكى بايلىقتى اناعۇرلىم ويداعىداي پايدالانۋىمىز، سايىسقا باتىل توتەپ بەرىپ، حاۋىپ-قاتەردى ورايعا اينالدىرۋعا شەبەر بولۋىمىز، دامۋدىڭ ىرىقتىلىق ۇقىعىن مىقتى يگەرۋىمىز كەرەك. ەكىنشى، ورنىقتى ارتتىرۋ مەن حاۋىپ-قاتەردەن ساقتانۋدىڭ قاتىناسىن ويداعىداي تەڭگەرىپ، ەكونوميكانىڭ ٴۇرتىس، اقاۋسىز دامۋىنا شىنايى كەپىلدىك ەتۋ كەرەك. ۇزاق ۋاقىت بويى جينالعان حاۋىپ-قاتەرلەر مەن كومەسكى كىناراتتاردى ٴسوزسىز جويىپ وتىرۋ، الايدا زاڭدىلىققا بويسۇنىپ، ٴتاسىل مەن فورمانى دارىپتەپ، ونى باتىل، مەڭگەرىمدى، ٴتارتىپتى، لايىقتى بولۋ تالابى بويىنشا دامۋ بارىسىندا بىرتىندەپ جويىپ، جۇيەلىك، وڭىرلىك حاۋىپ-قاتەرلەردىڭ تۋىلۋىنان باتىل ساقتانۋ كەرەك. كەزەكتە ەكونوميكانىڭ قۇلدىراۋ قىسىمى ارتقان جاعدايدا ساياسات جانە قىزمەت شارالارىن شىعارۋ مەجەلى مەرزىمگە، ورنىقتى ارتتىرۋعا، قۇرىلىمدى رەتتەۋگە ٴتيىمدى بولۋى، حاۋىپ-قاتەردەن ساقتانۋ جانە ونى تەجەۋدە، ريتىم مەن تەبىندى ويداعىداي يگەرىپ، ىقشامداۋ اسەرىنىڭ قاباتتاسىپ ۇلعايىپ كەتۋىنەن ساقتانىپ، ەكونوميكالىق اينالىمنىڭ ۇيلەسىمدى ارالىقتان القىپ كەتۋىنە مۇلدە جول بەرمەۋ كەرەك. سونىمەن قاتار، كوز الداعىنى عانا ەسكەرىپ، ۇزاق مەرزىمدىك دامۋعا زالال جەتكىزەتىن قىسقا مەرزىمدىك كۇشەپ تۇرتكى جاساۋ ساياساتىن قولدانىپ، جاڭا حاۋىپ-قاتەرلەر مەن كومەسكى كىناراتتاردى تۋدىرۋماۋ. ٴۇشىنشى، ۇكىمەت پەن بازاردىڭ قاتىناسىن ويداعىداي ٴبىر جايلى ەتىپ، رەفورمالاپ، ەسىك اشۋدى ارقا تىرەك ەتىپ بازار سۋبيەكتىنىڭ ومىرشەڭدىگىن تاسقىنداتۋ كەرەك. بازار سۋبيەكتى ومىرشەڭ كۇشكە يە بولعاندا عانا، ىشكى دامۋ قوزعاۋشى كۇشىن ارتتىرىپ، ەكونوميكانىڭ باياۋلاۋ قىسىمىنا توتەپ بەرۋگە بولادى. رەفورمالاۋ مەن ەسىك اشۋدى بارىنشا ىلگەرىلەتىپ، ٴبىرتۇتاس اشىق ۇستالعان، باسەكەلى دە ٴتارتىپتى وسىزاماندانعان بازار جۇيەسىن جەدەل ورناتىپ، بازارعا كىرۋ رۇقساتىن جەڭىلدەتىپ، ٴادىل باقىلاپ-باسقارۋدى كۇشەيتىپ، زاڭمەن باسقارىلاتىن، حالىقارالانعان، قولايلى تيجارات، ساۋدا ورتاسىن قالىپتاستىرىپ، ٴتۇرلى بازار سۋبيەكتىن اناعۇرلىم جانداندىرۋ كەرەك. تۇبىرىنەن الىپ ايتقاندا، بازاردىڭ ومىرشەڭدىگى مەن قوعامنىڭ جاسامپازدىق كۇشى ميلليارد حالىقتىڭ بەلسەندىلىگىن تولىق جۇمىلدىرۋدان كەلەدى. حالىقتى وزەك ەتكەن دامۋ يدەياسىنا تاباندى بولىپ، شاما كەلەتىن ىستەرگە كۇش سالا كىرىسىپ، شاما-شارقىمىزعا قاراپ، نەگىزگى حالىق تۇرمىسىن شىنايى قامتاماسىزداندىرىپ، ٴتۇيىندى حالىق تۇرمىسى ماسەلەسىن شەشۋدى ىلگەرىلەتىپ، قوعامنىڭ تەپە-تەڭدىگى مەن ادىلدىگىن جەبەپ، حالىقتى باقىتتى تۇرمىسقا كەنەلتۋ كەرەك. ەڭبەكشىل دە پاراساتتى جۇڭگو حالقىنىڭ تەڭدەسسىز جاڭالىق اشۋ جانە جاسامپازدىق جاراتۋ كومەسكى قابىلەتىن تولىق ساۋلەلەندىرگەندە عانا، جۇڭگونىڭ دامۋى اناعۇرلىم كەڭ ورىسكە يە بولادى.

  3. 2019-جىلعى ۇكىمەت قىزمەتىنىڭ مىندەتتەرى

  بيىل ەكونوميكالىق، قوعامدىق دامۋدا مىندەت اۋىر، سىن-سايىستار كوپ، تالاپ جوعارى. ٴبىز ٴتۇيىندى كورنەكتىلەندىرىپ، تەتىكتى يگەرىپ، ٴتۇرلى قىزمەتتەردى تىڭعىلىقتى جاقسى ىستەۋىمىز كەرەك.

  1) ماكرولىق تىزگىندەۋدە ۇزدىكسىز جاڭالىق اشىپ جانە ونى كەمەلدەندىرىپ، ەكونوميكالىق اينالىمنىڭ ۇيلەسىمدى ارالىقتا بولۋىنا شىنايى كەپىلدىك ەتىلەدى. دامۋداعى قيىن ماسەلەلەردى بازارلاندىرۋ رەفورماسىنىڭ وي جەلىسى جانە ٴادىسى ارقىلى شەشۋگە تاباندى بولىپ، ماكرولىق ساياساتتىڭ كەرى اينالىمدى رەتتەۋ رولىن ويداعىداي ساۋلەلەندىرىپ، قازىنا، اقشا، جۇمىستانۋ ساياساتى قۇرالىن مولايتىپ جانە ودان يكەمدى پايدالانىپ، تىزگىندەۋدىڭ كورەگەندىگىن، باعىتتامالىلىعىن، ونىمدىلىگىن ارتتىرىپ، ەكونوميكانىڭ ورنىقتى اينالىمى ٴۇشىن شارت-جاعداي جاراتىلادى.

  باجىنى كەمەيتۋ اناعۇرلىم كەڭ كولەمدە اتقارىلادى. جالپىعا ٴتيىمدى باجى كەمەيتۋ مەن قۇرىلىمدىق باجى كەمەيتۋدى تەڭ يگەرىپ، جاساۋ كاسىبى مەن شاعىن جانە تابىسى ماردىمسىز كاسىپورىنداردىڭ باجى اۋىرتپالىعى ٴتۇيىندى تۇردە جەڭىلدەتىلەدى. ارتقان قۇن باجىسى رەفورماسى تەرەڭدەتىلىپ، جاساۋ كاسىبى سياقتى كاسىپتەردە اتقارىلىپ جاتقان باجى مولشەرى %16 تەن %13 كە، قاتىناس-تاسىمال، قۇرىلىس كاسىبى سياقتى كاسىپتەردە اتقارىلىپ جاتقان باجى مولشەرى %10 تەن %9 كە تومەندەتىلىپ، نەگىزگى كاسىپتەردە باجى سالماعىنىڭ كورنەكتى جەڭىلدەۋىنە شىنايى كەپىلدىك ەتىلەدى؛ باجى مولشەرى %6 تىك دارەجەدەن وزگەرمەيدى، الايدا، وندىرىستىك، تۇرمىستىق قىزمەت وتەۋ سالاسىندا باجى كىرىسىنەن تارتىپ قالۋ مولشەرىن ارتۋ سياقتى سايكەستى شارالار ارقىلى بارلىق كاسىپتە باجىنىڭ ارتپاي كەمەيۋىنە شىنايى كەپىلدىك ەتىلەدى، باجى مولشەرىن ٴۇش دارەجەدەن ەكى دارەجەگە ٴتۇسىرۋ ىلگەرىلەتىلىپ، باجى ٴتۇزىمىن ىقشامداۋ باعىتىنا قاراي جالعاستى قادام تاستالادى. جىل باسىندا جاريالانعان شاعىن، تابىسى ماردىمسىز كاسىپورىندارعا جاپپاي تيىمدىلىك جاساپ باجى اۋىرتپالىعىن جەڭىلدەتۋ ساياساتىن تياناقتاندىرۋ ويداعىداي يگەرىلەدى. بۇل جولعى باجىنى كەمەيتۋ ‐‐ ”سۋ جىبەرىپ، بالىق وسىرۋدەي“ دامۋ تەبىنىن ارتتىرۋدى جانە قازىنانىڭ باياندىلىعىن كوزدە ۇستاي وتىرىپ، كاسىپورىنداردىڭ اۋىرتپالىعىن جەڭىلدەتىپ، بازاردىڭ ومىرشەڭدىگىن تاسقىنداتۋدىڭ ماڭىزدى شاراسى، باجى ٴتۇزىمىن كەمەلدەندىرىپ، كىرىس ٴبولىسى جاعدايىن ساپالىلاندىرۋدىڭ ماڭىزدى رەفورماسى، ورنىقتى ارتۋدى، جۇمىستانۋعا كەپىلدىك ەتۋدى، قۇرىلىمدى رەتتەۋدى ماكرولىق ساياساتپەن قولداۋدىڭ ماڭىزدى تالعامى.

  كاسىپورىنداردىڭ قوعامدىق قامسىزداندىرۋ وتەمىن تاپسىرۋ اۋىرتپالىعى كورنەكتى جەڭىلدەيدى. قالا-قالاشىقتاعى جۇمىسشى-قىزمەتكەرلەردىڭ نەگىزگى زەينەتكەرلىك قامسىزداندىرۋ وتەمىن مەكەمە-ورىن تاپسىرۋ سالىستىرماسى تومەندەيدى، ٴارقايسى جەرلەردىڭ ونى %16 كە دەيىن تومەندەتۋىنە بولادى. قازىر اتقارىلىپ جاتقان وتەم الۋ-تاپسىرۋ ٴتاسىلى ورنىقتىرىلادى، جەر-جەردىڭ باجى الۋ ٴتۇزىلىسى رەفورماسى بارىسىندا شاعىن، تابىسى ماردىمسىز كاسىپورىنداردىڭ ناقتى وتەم اۋىرتپالىعىن اۋىرلاتاتىن ادىستەردى قولدانۋىنا، ارىدان قالعان بەرەشەكتەرىن ٴبىر جولدا جيناپ تاپسىرتۋىنا بولمايدى. جۇمىسسىزدار مەن جۇمىس ۇستىندە جارالانعانداردىڭ قامسىزداندىرۋ تولەم مولشەرىن ساتى بويىنشا تومەندەتۋ ساياساتى ۇزدىكسىز اتقارىلادى. بيىل كاسىپورىنداردىڭ، اسىرەسە شاعىن، تابىسى ماردىمسىز كاسىپورىنداردىڭ قوعامدىق قامسىزداندىرۋ وتەمى اۋىرىتپالىعى شارتسىز تۇردە ناقتىلى تومەندەتىلەدى. زەينەتكەرلىك قامسىزداندىرۋىن ولكە دەڭگەيىندىك ٴبىرتۇتاس جوسپارلاۋ رەفورماسى جەدەل ىلگەرىلەتىپ، كاسىپورىندارداعى جۇمىسشى-قىزمەتكەرلەردىڭ نەگىزگى زەينەتكەرلىك قامسىزداندىرۋ قورىنداعى ورتالىقتىڭ سەپتەيتىن سالىستىرماسى ۇزدىكسىز ارتتىرىلىپ، مەملەكەت مەنشىگىندەگى كاپيتالدىڭ ٴبىر ٴبولىمى قوعامدىق قامسىزداندىرۋ قورىن تولىقتاۋعا اجىراتىلادى. ٴبىز كاسىپورىننىڭ اقى تاپسىرۋ اۋىرتپالىعىن جەڭىلدەتۋمەن بىرگە، جۇمىسشى-قىزمەتكەرلەردىڭ قوعامدىق قامسىزداندىرۋ مامىلەسىنىڭ ىقپالعا ۇشىراماۋىن دا قامتاماسىز ەتۋىمىز، زەينەتاقىسىن ۇيلەسىمدى ارىتتىرىپ، ۋاعىندا تولىعىمەن تاراتىپ، قوعامدىق قامسىزداندىرۋ قورىنىڭ باياندىلىعىن ساقتاپ، كاسىپورىن مەن جۇمىسشى-قىزمەتكەرلەردى تەڭ يگىلىكتەندىرۋىمىز كەرەك.

  باجىنى كەمەيتىپ، اقىنى تومەندەتۋدىڭ ناقتى تياناقتانۋىنا شىنايى كەپىلدىك ەتىلەدى. باجىنى كەمەيتىپ، اقىنى تومەندەتۋ قازىرگى بازار سۋبيەكتىنە تىكەلەي اسەر ەتەتىن كۇردەلى ٴارى قيىن ٴتۇيىن، ٴادىل ٴارى ٴونىمدى ساياسات. تۇتاس جىلدا كاسىپورىنداردىڭ باجىسى مەن قوعامدىق قامسىزداندىرۋ وتەمى اۋىرتپالىعى 2 تريلليون يۋانعا دەيىن جەڭىلدەتىلەدى، بۇل ٴار دارەجەلى قازىناعا اۋىر قىسىم اكەلەدى. كاسىپورىنداردىڭ اۋىرتپالىعىن جەڭىلدەتۋ ٴۇشىن، ٴار دارەجەلى ۇكىمەتتەر ۇنەمشىل بولىپ، ٴتۇرلى ٴادىس-امالدارمەن قارجى توپتاۋى كەرەك. ورتالىق قازىنا كىرىس قاينارىن مولايتىپ، شىعىمدى تەجەپ، ارنايى بەلگىلەنگەن مەملەكەت مەنشىگىندەگى فينانس قۇرىلىمدارى مەن ورتالىققا قاراستى كاسىپورىنداردىڭ جوعارىعا تاپسىراتىن پايداسىن مولايتىپ، جاي شىعىستى %5 تەن جوعارى ازايتىپ، ”ٴۇش ٴتۇرلى ۇكىمەتتىك“ قاراجاتتى تاعى دا %3 اينالاسىندا كەمەيتىپ، ۇزاق ۋاقىتتان بەرى اينالىمعا تۇسپەگەن قارجىنى تۇگەلدەي جيناپ الادى. جەرگىلىكتى ۇكىمەت تە ىرىقتىلىقپەن كومەسكى كۇشتەردى اشىپ، شىعىس قۇرىلىمىن بارىنشا جاقسارتىپ، ٴار الۋان قارجى مەن مال-مۇلىكتى ٴتۇرلى جولدارمەن ىسكە قوسۋى كەرەك. ٴبىز بازار سۋبيەكتىن اسىرەسە شاعىن، تابىسى ماردىمسىز كاسىپورىنداردى باجىنى كورنەكتى دارەجەدە كەمەيتىپ، اقىنى تومەندەتۋدەن شىنايى يگىلىكتەندىرىپ، كاسىپورىن مەن قوعامعا بەرگەن ۋادەمىزدى باتىلدىقپەن ىسكە اسىرۋىمىز كەرەك، قيىنشىلىق قانشا كوپ بولسا دا، وسى ٴبىر كەلەلى ٴىستى ٴسوزسىز ويداعىداي، جاقسى ورىنداۋىمىز كەرەك.

  كاسىپورىنداردىڭ قارجى قۇراۋى قيىن، قارجى قۇراۋ قۇنى جوعارى بولۋ ماسەلەسىن شەشۋگە كۇش سالادى. اقشا، امانات-قارىزدى اينالىمعا سالۋ مەحانيزمىنە رەفورما جاسالادى جانە كەمەلدەندىرىلەدى، سالىم زاپاس اقشا مولشەرى، ٴوسىم مولشەرى سىندى سان مەن باعا ٴتاسىلى لايىقتى مەزگىلدە قولدانىلىپ، فينانس قۇرىلىمدارىن امانات-قارىز بەرۋ ارناسىن كەڭەيتۋگە، قارىز اقشانىڭ وزىندىك قۇنىن تومەندەتۋگە جەتەكتەيدى، تۇلعالىق شارۋاشىلىققا ٴدال، ۇتىمدى قولداۋ كورسەتىلەدى، قارجىنىڭ قۇر اينالىمعا تۇسۋىنە نەمەسە دەرەكسىز كەتۋىنە جول بەرىلمەيدى. ورتا، شاعىن بانكەلەرگە مەڭزەس ولشەمدى باعىتتامالى تومەندەتۋ تەبىنى ارتتىرىلىپ، بوساتىلعان قارجى بۇكىلدەي حالىقتىق كاسىپورىنداردىڭ، شاعىن، تابىسى ماردىمسىز كاسىپورىنداردىڭ قارىز اقشا الۋىنا جۇمسالادى. ٴىرى ساۋدا بانكەلەرىنىڭ كوپ ارنالارمەن كاپيتال تولىقتىرۋىنا قولداۋ كورسەتىلىپ، امانات-قارىز بەرۋ قابىلەتى كۇشەيتىلىپ، جاساۋ كاسىبىنىڭ ورتا، ۇزاق مەرزىمدى قارىز اقشانى جانە سەنىمدى قارىز اقشانى ارتتىرۋىنا دەم بەرىلەدى. بيىل مەملەكەت مەنشىگىندەگى ٴىرى ساۋدا بانكەلەرىنىڭ شاعىن، تابىسى ماردىمسىز كاسىپورىندارعا بەرەتىن قارىز اقشاسى %30 تەن جوعارى ارتادى. بانكەلەردىڭ جانە دانەكەرلىك قىزمەت وتەۋدىڭ اقى الۋى اداقتالادى جانە جۇيەگە تۇسىرىلەدى. فينانس قۇرىلىمدارىنىڭ ىشكى باعالاۋ مەحانيزمى كەمەلدەندىرىلىپ، جالپىعا ٴتيىمدى فينانستىق قىزمەت وتەۋدى كۇشەيتۋگە شابىت بەرىلەدى، ورتا، شاعىن، تابىسى ماردىمسىز كاسىپورىنداردىڭ قارجى قۇراۋى قيىن بولۋ جاعدايىنىڭ شىنايى جاقسارۋىنا، جالپىلىق قارجى قۇراۋ وزىندىك قۇنىنىڭ كورنەكتى تومەندەۋىنە مۇمكىندىكتەر جاسالۋى قاجەت.

  جەرگىلىكتى ۇكىمەت زايومىنىڭ رولى ٴونىمدى ساۋلەلەندىرىلەدى. بيىل جەرگىلىكتى ۇكىمەتتەردىڭ ارناۋلى زايومىنا 2 تريلليون 150 ميلليارد يۋان ورنالاستىرىلماق، بۇل بىلتىرعىدان 800 ميلليارد يۋان ارتىپ، ٴتۇيىندى نىساندار قۇرىلىسىنا قارجىلاي قولداۋ كورسەتىلەدى، ٴارى جەرگىلىكتى ۇكىمەتتەردىڭ قارىز حاۋىپ-قاتەرىنەن ساقتانۋىنا جانە ونى جويۋىنا ٴتىپتى دە تاماشا شارت-جاعداي ازىرلەنەدى. ارناۋلى زايومدى جۇمساۋ كولەمى ۇيلەسىمدى كەڭەيتىلەدى. جەرگىلىكتى ۇكىمەتتىڭ اۋىستىرىلاتىن زايومى بەلگىلى مولشەردە ۇزدىكسىز تاراتىلىپ، جەرگىلىكتى ورىننىڭ ٴوسىم اۋىرتپالىعى جەڭىلدەيدى. مۇندا بازارلاندىرۋ ٴتاسىلىن قولدانۋعا شابىتتاندىرۋ، قارجى قۇراۋ تەكشەسىندە ۋاقىتى تولعان قارىز ماسەلەسىن ۇيلەسىمدى شەشۋ كەرەك، ”اياقسىز قالاتىن“ ينجەنەريالارمەن اينالىسۋعا بولمايدى.

  جۇمىستانۋ كوپ جولدارمەن ورنىقتىرىلادى جانە كەڭەيتىلەدى. جوعارى مەكتەپ بىتىرگەن وقۋشىلار، ارميادان قايتقان اسكەريلەر، ديقان جۇمىسكەرلەر قاتارلى ٴتۇيىندى شوعىردى جۇمىستاندىرۋ قىزمەتى ويداعىداي تىڭعىلىقتى ىستەلىپ، قالا-قالاشىقتارداعى جۇمىستانۋى قيىن بولعان ٴتۇرلى ادامداردىڭ جۇمىستانۋىنا كومەكتەسۋ كۇشەيتىلەدى. اۋىل-قىستاقتارداعى كەدەيلەردى، قالا-قالاشىقتاردا جۇمىسسىزدىق بويىنشا تىزىمگە الىنعانىنا جارىم جىلدان اسقانداردى جۇمىسقا قابىلداعان ٴتۇرلى كاسىپورىنداردىڭ تاپسىراتىن باجى ۇلەسى ٴۇش جىل كەمەيتىلەدى نەمەسە الىنبايدى. يكەمدى جۇمىستانۋعا، جاڭا جۇمىستانۋ فورماسىنا قولداۋ كۇشەيتىلەدى. جۇمىستانۋ جاعىنداعى جىنىستىق جانە سالاۋاتتىق كەمسىتۋدىڭ باتىلدىقپەن الدى الىنادى جانە تۇزەتىلەدى. كاسىپتىك تەحنيكانى جوعارىلاتۋ قيمىلى اتقارىلىپ، جۇمىسسىزدىق قامسىزداندىرۋ قورى قالدىعىنان 100 ميلليارد يۋان بوساتىلىپ، 15 ميلليون ادام رەتتەن ارتىق جۇمىسشى-قىزمەتكەرلەردىڭ تەحنيكالىق قابىلەتىن جوعارىلاتۋ، قىزمەت ورنىن اۋىستىرۋ، كاسىپ اۋىستىرۋ كۋرستارىنا جۇمسالادى. تەحنيك جۇمىسشىلار كاسىبىن دامىتۋ ٴتۇزىلىسى مەن ساياساتى اقاۋسىزداندىرىلادى. وسىزامانعى كاسىپتىك تاربيەلەۋ جەدەل دامىتىلادى، بۇل قازىرگى جۇمىستانۋ قىسىمىن باسەڭدەتۋگە ٴتيىمدى، سونداي-اق جوعارى تەحنيكالىق قابىلەتكە يە دارىندىلاردىڭ جەتىسپەۋ جاعدايىن شەشۋدىڭ ستراتەگيالىق شاراسى. جوعارى كاسىپتىك مەكتەپتەرگە ەمتيحان الۋ ارقىلى وقۋشى قابىلداۋ ادىسىنە رەفورما جاسالىپ، كەمەلدەندىرىلىپ، ورتا مەكتەپ بىتىرەتىن ٴتىپتى دە كوپ وقۋشىلاردىڭ، ارميادان قايتقان اسكەريلەردىڭ، جۇمىس ورنىنان بوساعان جۇمىسشى-قىزمەتكەرلەردىڭ، ديقان جۇمىسكەرلەردىڭ ەمتيحانعا تىزىمدەلۋىنە دەم بەرىلەدى، بيىل جوعارى كاسىپتىك مەكتەپتەرگە ٴبىر ميلليون وقۋشى كەڭەيتىپ قابىلدانادى، جوعارى كاسىپتىك مەكتەپتەردە وقۋ سيلىعىنىڭ، وقۋ كومەك قاراجاتىنىڭ قامتۋ كولەمى مەن جاردەماقى ولشەمى ارتتىرىلىپ، وقۋ ماعلۇماتى كۋالىگى مەن كاسىپتىك ونەر دارەجە كۋالىگىن ٴوزارا ۇشتاستىرۋ جەدەلدەتىلەدى. جوعارى كاسىپتىك مەكتەپتەردىڭ مەكتەپ باسقارۋ ٴتۇزىلىسى رەفورمالانىپ، وقىتۋشىلار قوسىنى قۇرىلىسى كۇشەيتىلىپ، مەكتەپ باسقارۋ ساپاسى جوعارىلاتىلادى. ٴبىر توپ جاي تولىق كۋرستىق جوعارى مەكتەپتەردىڭ قولدانىلمالى ٴتيىپتى داشۋەلەرگە اۋىسۋىنا جەتەكشىلىك ەتىلەدى. ورتالىق قازىنانىڭ جوعارى كاسىپتىك مەكتەپتەرگە قولداۋ كورسەتۋ تەبىنى ارتادى، جەرگىلىكتى قازىنا دا قولداۋ تەبىنىن كۇشەيتەدى. ورتا دارەجەلى كاسىپتىك وقۋ-اعارتۋعا ارنالعان مەملەكەتتىك وقۋ سيلىق قورى قۇرىلادى. كاسىپورىندار مەن قوعامدىق كۇشتەردىڭ كاسىپتىك وقۋ-اعارتۋ ورىندارىن قۇرۋىنا دەم بەرىلىپ، ٴوندىرىس پەن وقىتۋدى توعىستىراتىن پراكتيكا-كۋرسىدان وتكىزۋ بازالارى قۇرىلىسى جەدەلدەتىلەدى. ٴبىز وسىزامانعى كاسىپتىك وقۋ-اعارتۋ جاعىندا كەلەلى رەفورما جاساپ، ونى بارىنشا دامىتىپ، مەملەكەتتىڭ دامۋىنا شۇعىل قاجەتتى ٴتۇرلى تەحنيكالىق قابىلەتكە يە دارىندىلاردى باۋلىپ، ٴتىپتى كوپ جاستاردىڭ بويىنداعى ونەرلەرى ارقىلى ٴوز قۇندىلىقتارىن جۇزەگە اسىرۋىنا مۇمكىندىك جاساپ، ٴتۇرلى سالالارداعى دارىندىلاردى شوعىرلاندىرىپ، دارىندىلار قورىن مولايتۋىمىز كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار