ۇكىمەت قىزمەتىنەن بايانداما(7)
2019.05.23 15:46 كەلۋ قاينارى : حالىق تورابى
جاڭاشا قالا-قالاشىقتانۋ ىشكەرىلەي ىلگەرىلەتىلەدى. قالالار شوعىرىن ورتالىق قالالار ارقىلى وركەندەتۋدەن جازباي، اۋىل شارۋاشىلىعىنان باسقا سالاعا ويىسقان حالىقتىڭ قالاعا قونىستانۋى ويداعىداي يگەرىلىپ، تۇراقتى تۇرعىنداردى قالا-قالاشىق نەگىزگى الەۋمەتتىك قىزمەت وتەۋىمەن قامتۋ ىلگەرىلەتىلەدى. جۇرتشىلىقتىڭ تۇرعىن ٴۇي ماسەلەسىن ونان ارى ويداعىداي شەشىپ، قالانىڭ نەگىزگى تۇلعالىق جاۋاپكەرشىلىگىن تياناقتاندىرىپ، تۇرعىن ٴۇي بازارى جۇيەسى مەن قامتاماسىز ەتۋ جۇيەسىن رەفورمالاپ كەمەلدەندىرىپ، ٴۇي-جاي بازارى ورنىقتى، اقاۋسىز دامىتىلادى. قامتاماسىزدىق تۇرعىن ٴۇي قۇرىلىسى جانە قالا-قالاشىقتارداعى لاشىق مەكەندەردى جاڭالاۋ جالعاستى ىلگەرىلەتىلىپ، قيىنشىلىعى بار جۇرتشىلىقتىڭ نەگىزگى قونىستانۋ تالابى قامتاماسىز ەتىلەدى. جەر استى قۇبىر ٴدالىزىنىڭ جالپىلىق قۇرىلىسى جالعاستى ىلگەرىلەتىلەدى. قالا-قالاشىقتارداعى ەسكى، كونە شاعىن اۋماقتاردىڭ سانى كوپ، اۋماعى كەڭ، ونى بارىنشا جاڭالاپ سالىپ ساپالىلاندىرىپ، سۋ، ەلەكتر، جول، گاز سياقتى سايكەستى قۇرىلعىلارىن جاڭالاپ، لەفتىن قوسا ورناتۋعا جانە بوگەتسىز ورتا قۇرىلىسىنا قولداۋ كورسەتىپ، حالىققا قولايلى بازار، قولايلى دۇكەن، جاياۋلار كوشەسى، اۆتوتۇراق سياقتى تۇرمىستىق قىزمەت وتەۋ قۇرىلعىلارى اقاۋسىزداندىرىلۋ ٴتيىس. جاڭاشا قالا-قالاشىقتانۋدا ادامدى وزەك ەتۋ بارلىق جەردە ايگىلەنىپ، يكەمدىلىكپەن وڭاۋ، تىڭعىلىقتى قىزمەت وتەۋ دەڭگەيى جوعارىلاتىلۋى، ٴسويتىپ، قالانىڭ قونىستانۋعا اناعۇرلىم جايلى، اناعۇرلىم اشىق جانە گۋمانيتارلىق باۋىرمالدىققا يە بولۋىنا مۇمكىندىك جاسالۋى كەرەك.
7) لاستانۋدان ساقتانۋ، ونى وڭاۋ جانە ەكولوگيا قۇرىلىسى كۇشەيتىلىپ، جاسىل دامۋ بارىنشا ىلگەرىلەتىلەدى. جاسىل دامۋ وسىزاماندانعان شارۋاشىلىق جۇيەسىن قۇرۋدىڭ ٴسوزسىز تالابى، لاستانۋ ماسەلەسىن شەشۋدىڭ ٴتۇبىرلى شاراسى سانالادى. قاتىستى تۇزىمدەردى رەفورمالاپ كەمەلدەندىرىپ، جوعارى ساپالى دامۋ مەن ەكولوگيالىق ورتانى قورعاۋدى سايكەستىرە ىلگەرىلەتۋ كەرەك.
لاستانۋدان ساقتانۋ باياندى ىلگەرىلەتىلەدى. كوك اسپاندى قورعاۋ شايقاسىنىڭ تابىستارى بەكەمدەلەدى جانە كەڭەيتىلەدى، بيىل كۇكىرت قوس توتىعى مەن ازوت توتىقتارىنىڭ شىعارىلۋى %3 تومەندەپ، ٴتۇيىندى وڭىرلەردەگى توزاڭ زاتتاردىڭ (PM2.5) قويۋلىعى جالعاستى تومەندەيدى. بەيجيڭ-تيانجين-حىبەي مەن توڭىرەگى، چاڭجياڭ اتىراۋى جانە فىنحى-ۋىيحى جازىعىنىڭ اتموسفەرا بىلعانىشىن وڭاۋدان قامال الۋ ۇزبەي جۇرگىزىلىپ، ونەركاسىپ، وتىندىق كومىر، اۆتوكولىك سىندى ٴۇش ٴىرى بىلعانىش قاينارىن جونگە سالۋ كۇشەيتىلەدى. سولتۇستىك وڭىرلەردە تازا ەنەرگيامەن جىلىتۋ قىزمەتى ويداعىداي ىستەلىپ، جۇرتشىلىقتىڭ قىستى جىلى وتكىزۋىنە كەپىلدىك ەتىلەدى. سۋ، توپىراق لاستانۋىنىڭ الدىن الۋ كۇشەيتىلىپ، بيىلعى وتتەگىن حيميالىق قاجەتسىنۋ مولشەرى مەن ازوتتى اممياكتىڭ شىعارىلۋ مولشەرى %2 تومەندەيدى. قارا قوشقىل، ساسىق سۋ الابىن جونگە سالۋ تەزدەتىلىپ، اۋىل شارۋاشىلىعىنىڭ كولەمدىك لاستانۋىنىڭ الدى الىنىپ جانە جونگە سالىنىپ، ٴتۇيىندى سالالار مەن جاعاعا جاقىن تەڭىز ايدىنىن جان-جاقتى وڭاۋ ىلگەرىلەتىلەدى. قاتتى جاراقسىز زاتتار مەن قالا قوقىر-قوقسىعىن تۇرگە ايىرىپ ٴبىر جايلى ەتۋ كۇشەيتىلىپ، ولاردى ىقشامداۋ، بايلىققا اينالدىرۋ، زالالسىزداندىرۋ جەبەلەدى. لاستانۋدىڭ الدىن الۋ جانە ونى وڭاۋدا كەلەلى عىلىم-تەحنيكالىق قامال الۋ كۇشەيتىلەدى. كاسىپورىن لاستانۋدىڭ الدىن الاتىن جانە ونى جونگە سالاتىن تۇلعا رەتىندە، ٴسوز جوق، ورتانى قورعاۋ جاۋاپكەرشىلىگىن زاڭ بويىنشا وتەۋى كەرەك. ورتانى وڭاۋ تاسىلىنە رەفورما جاساپ، جاڭالىق اشۋدا كاسىپورىندى زاڭ-ەرەجەلەرگە ساي باقىلاپ باسقارۋ، ٴارى ۇيلەسىمدى تىلەكتەرىنە ٴمان بەرىپ، كومەكتەسۋ-سۇيەمەلدەۋ مەن جەتەكشىلىك ەتۋدى كۇشەيتىپ، ولشەمگە جەتكىزىپ رەتتەپ وڭاۋعا تيىستىلەرىنە لايىقتى وتپەلى مەرزىم بەرىپ، ٴبىر جايلى ەتۋ شاراسىنىڭ ٴۇستىرت، دورەكى بولۋىنان، ٴبارىن ٴبىر تاياقپەن ايداۋدان ساقتانۋ كەرەك. كاسىپورىنداردا ىشكى قوزعاۋشى كۇش جانە سىرتتان كەلەتىن قىسىم بار، سول ٴۇشىن دە، بىلعانىشتان ساقتانۋدا، ٴسوز جوق، اناعۇرلىم قوماقتى تابىسقا جەتە الادى.
جاسىل ورتانى قورعاۋ شارۋاشىلىعى كۇشەيتىلەدى. تۋ باستان وڭاۋعا تاباندى بولىپ، وت ەلەكتر، بولات-تەمىر سالاسىندا لاس زاتتاردى وتە از شىعاراتىن ەتىپ قايتا قۇرۋ جەدەلدەتىلىپ، ورتانى اۋىر دارەجەدە لاستايتىن سالالاردى لاس زاتتاردىڭ شىعارىلۋى ولشەمنەن اسپايتىن ەتىپ قايتا قۇرۋ اتقارىلادى. بايلىق قۇرىلىمى رەتتەلەدى جانە ساپالىلاندىرىلادى. كومىردى تازارتىپ پايدالانۋ ىلگەرىلەتىلىپ، تابيعي گاز ٴوندىرۋ، قامداۋ، ساقتاۋ، ساتۋ جۇيەسى اقاۋسىزداندىرىلادى. تۋىندامالى بايلىق بارىنشا دامىتىلىپ، جەل، كۇن نۇرى، سۋ ەلەكتردى قابىلداۋ ماسەلەسىن شەشۋ جەدەلدەتىلەدى. قالاداعى لاس سۋ قۇبىرى توراپتارى مەن ٴبىر جاقتىلى ەتۋ قۇرىلعىلارى قۇرىلىسىنىڭ تەبىنى كۇشەيتىلەدى. بايلىقتى ۇنەمدى، شوعىرلى جانە اينالمالى پايدالانۋ جەبەلىپ، جاسىل قۇرىلىستار مەن جەدەل جەتكىزۋدىڭ جاسىل قورابى جالپىلاستىرىلدى. ورتا ەكونوميكاسى ساياساتى رەفورمالانىپ جانە كەمەلدەندىرىلىپ، لاس شىعارۋ ۇقىعى ساۋداسى ٴتۇزىمى اقاۋسىزداندىرىلىپ، جاسىل فينانس جەدەل دامىتىلىپ، ورتانى قورعاۋدىڭ ارنايىلانعان ٴبىر توپ تىرەكتى كاسىپورىندارى جەتىلدىرىلىپ، جاسىل دامۋ قۋاتى جوعارىلاتىلادى.
ەكولوگيالىق جۇيەنى قورعاۋ، قالپىنا كەلتىرۋ كۇشەيتىلەدى. تاۋ، سۋ، ورمان، اتىز، كول، جايىلىم ەكولوگياسىن قورعاۋ، قالپىنا كەلتىرۋ ينجەنەرياسىنىڭ سىناق تۇيىندەرى ىلگەرىلەتىلىپ، مەملەكەت جەرىن جاسىلداندىرۋ ۇزدىكسىز مىقتى يگەرىلىپ، شولەيتتەنۋ، تاستاقتانۋ، توپىراقتىڭ شايىلۋىن وڭاۋ كۇشەيتىلەدى. ورگانيزمدەردىڭ الۋان تۇرلىلىگىن قورعاۋ تەبىنى ارتتىرىلادى. ەگىستىككە اينالعان ورمان، جايىلىم، سازدىقتار ۇزدىكسىز قالپىنا كەلتىرىلەدى. مەملەكەتتىك باقشا ٴتۇزىلىسى رەفورماسى تەرەڭدەتىلەدى. ەكولوگيالىق تولەم مەحانيزمى اقاۋسىزداندىرىلادى. جاسىل دامۋدا بارلىق ادامنىڭ جاۋاپكەرشىلىگى بار، ونىڭ قادىر-قىمباتى قيمىلداۋدان، تابىسى تاباندى بولۋدان كەلەدى. ٴبىز حالىق جۇرتشىلىعىن ورتاسى كوركەم، قونىسى جايلى تۇرمىسقا جەتكىزۋ جولىندا بىرگە قۇلشىنۋىمىز كەرەك.
8) ٴتۇيىندى سالالار رەفورماسى تەرەڭدەپ، بازار مەحانيزمىن كەمەلدەندىرۋ جەدەلدەيدى. نازاردى كورنەكتى قايشىلىقتار مەن شەشۋشى بۋىندارعا شوعىرلاندىرىپ، قاتىستى رەفورمالاردىڭ ىشكەرىلەي ىلگەرىلەتىلىپ، جوعارى ساپالى دامۋعا سايكەسەتىن ٴتۇزىلىس-مەحانيزمدەردى اقاۋسىزداندىرىپ، بازاردىڭ ومىرشەڭدىك قۋاتى مەن قوعامنىڭ جاسامپازدىق قۋاتىن تولىق اشۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
