بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>كوپ بەتتىك حابارلار

ۇكىمەت قىزمەتىنەن بايانداما(9)

2019.05.23 15:46     كەلۋ قاينارى : حالىق تورابى

  قوعامدىق قامتاماسىزداندىرۋ ٴتۇزىمى مەن ساياساتى كەمەلدەندىرىلەدى. قارتتاردى كۇتىمدەۋدىڭ كوپ ساتىلى قامتاماسىزداندىرۋ جۇيەسى قۇرىلىسى ىلگەرىلەتىلەدى. زەينەتكە شىققانداردىڭ نەگىزگى زەينەت اقىسى ۇزدىكسىز جوعارىلاتىلادى. ارميادان قايتقان اسكەريلەردى مامىلە جاعىنان قامتاماسىزداندىرۋ تياناقتاندىرىلىپ، قوسىننان قايتقان اسكەرلەردىڭ نەگىزگى زەينەتكەرلىك قامسىزداندىرۋىن، نەگىزگى ەمدەلۋ قامسىزداندىرۋىن ۇلاستىرۋ ساياساتى كەمەلدەندىرىلەدى. قالا-اۋىل تۇرعىندارىنىڭ ەڭ تومەنگى تۇرمىستىق قامتاماسىزدىق، ارناۋلى قۇتقارۋ-كومەكتەسۋ ولشەمى لايىقتى جوعارىلاتىلادى، قيىنشىلىق قىسپاعىنداعى بالالاردى قامتاماسىزداندىرۋ كۇشەيتىلەدى. قالا-قالاشىقتاعى قيىنشىلىعى بار جۇمىسشى-قىزمەتكەرلەردى قيىنشىلىقتان قۇتقارۋ قىزمەتىنىڭ تەبىنى ارتتىرىلادى. مۇگەدەك بولۋدان ساقتانۋ جانە سىرقاتتان ساۋىعۋعا قىزمەت وتەۋ دەڭگەيى جوعارىلاتىلادى. ٴبىز قيىنشىلىقتا قالعان بۇقارانى مۇمكىندىكتىڭ بارىنشا شۇعىل قۇتقارىپ، قيىنشىلىعىن شەشىپ، قىسىلعاندا قارايلاسىپ، حالىقتىڭ نەگىزگى تۇرمىسىن قامتاماسىزداندىرۋدىڭ تومەنگى شەگىن باتىل ساقتاۋىمىز كەرەك.

  حالىق بۇقاراسىنىڭ رۋحاني مادەنيەت تۇرمىسى بايىتىلادى. سوتسياليستىك وزەكتى قۇن كوزقاراسى جەتىلدىرىلىپ جانە امالياتتا ايگىلەنىپ، بۇقارالىق رۋحاني وركەنيەت قۇرىلىسى قيمىلى جاپپاي ورىستەتىلىپ، كۇرەسكەرلىك رۋح، شەبەرلىك رۋح، عىلىمي رۋح، ەڭبەك وزاتى رۋحى بارىنشا ساۋلەلەندىرىلىپ، ورگە، ىزگىلىككە ۇمتىلاتىن قۇدىرەتتى كۇش جيىلىپ، جۇڭگوشا فيلوسوفيالىق-قوعامدىق عىلىمدى گۇلدەندىرۋ جەدەلدەتىلەدى. ينتەرنەت مازمۇنى قۇرىلىسى كۇشەيتىلەدى. ادەبيەت-كوركەمونەر تۋىندىلارى گۇلدەندىرىلىپ، اقپارات، باسپا ٴسوز، راديو، كينو، تەلەۆيزيا جانە ارحيۆ، ت.ب. كاسىپتەر دامىتىلادى. مۇراعاتتاردى قورعاۋ، پايدالانۋ جانە بەيزاتتىق مادەني مۇرالارعا مۇراگەرلىك ەتۋ كۇشەيتىلەدى. مادەنيەت ىستەرى مەن مادەنيەت شارۋاشىلىعى رەفورماسىنىڭ دامۋى ىلگەرىلەتىلىپ، نەگىزگى ساتىدا الەۋمەتتىك مادەنيەتتىك قىزمەت وتەۋ قابىلەتى كۇشەيتىلەدى. جالپى حالىق كىتاپ وقۋعا دارىپتەلىپ، ۇيرەنۋگە قۇلىقتى قوعامدىق قۇرىلىس ىلگەرىلەتىلەدى. جۇڭگو مەن شەتەلدىڭ گۋمانيتارلىق اۋىس-ٴتۇيىسى تەرەڭدەتىلەدى. جالپى حالىقتىق دەنە شىنىقتىرۋ قيمىلى جاپپاي ورىستەتىلەدى. 2020-جىلعى وليمپياداعا، پاروليمپياداسىنا دايىندالۋ قىزمەتى تىڭعىلىقتى ويداعىداي ىستەلىپ، بەيجيڭ قىسقى وليمپياداسى، قىسقى پاروليمپياداسى مۇقيات ۇيىمداستىرىلادى، 7-كەزەكتى دۇنيە جۇزىلىك اسكەريلەر دەنە-تاربيە جينالىسى ويداعىداي وتكىزىلەدى. حالىق بۇقاراسىنىڭ ٴتان ساۋلىعى مەن جان ساۋلىعى مىقتى بولسا، قوعام ومىرشەڭدىككە باي بولىپ، مەملەكەت گۇلدەنىپ-كوركەيەدى.

  قوعامدى باسقارۋ كۇشەيتىلەدى جانە جاڭالىق اشىلادى. قوعامدى باسقارۋدى ىلگەرىلەتۋدىڭ تەتىگى نەگىزگى ساتىلارعا ويىسىپ، قوعامنىڭ جاراسىمدىلىعىن جەبەيتىن ”فىڭچياۋ تاجىريبەسى“ جالپىلاستىرىلىپ، قالا-اۋىل، الەۋمەتتىك اۋماقتاردى باسقارۋدىڭ جاڭا جاعدايى ورناتىلادى. قوعامدىق ۇيىمدار، ادامگەرشىلىك تۇرعىدان قۇتقارۋ-كومەك بەرۋ، ەرىكتى قىزمەت وتەۋ جانە قايىرىمدىلىق ىستەرىن اقاۋسىز دامىتۋعا جەتەكشىلىك ەتىلەدى جانە قولداۋ كورسەتىلەدى. قوعامدىق سەنىمدىلىك جۇيەسى كەمەلدەندىرىلەدى. ايەلدەر، بالالار، قارتتار، مۇگەدەكتەردىڭ زاڭدى ۇقىق-مۇددەسى قامتاماسىزداندىرىلادى. ارىز حاتتار مەن ارىزدانۋشىلار قىزمەتى جاقسارتىلىپ، بۇقارانىڭ ورىندى ارىز-ارمانى زاڭ بويىنشا دەر كەزىندە شەشىلەدى. الەۋمەتتىك پسيحولوگيالىق قىزمەت وتەۋ اقاۋسىزداندىرىلادى. مەملەكەتتىڭ شۇعىل جاعدايلارعا توتەپ بەرۋ جۇيەسى كەمەلدەندىرىلىپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قابىلەتى ارتتىرىلادى. حاۋىپسىز ٴوندىرىس كۇشەيتىلىپ، اۋىر، ەرەكشە اۋىر شىرعالاڭداردىڭ تۋىلۋىنىڭ الدى الىنادى جانە تەجەلەدى. جەر سىلكىنىسى، اۋا رايى، سۋ رايى، گەولوگيا، ولشەۋ-سىزۋ، ت.ب. قىزمەتتەر تىڭعىلىقتى ىستەلەدى. الەۋمەتتىك زاڭدىق قىزمەت وتەۋ جۇيەسى اقاۋسىزداندىرىلىپ، زاڭ جالپىلاستىرۋ ۇگىت تاربيەسى تەرەڭدەتىلەدى. مەملەكەتتىڭ حاۋىپسىزدىك قۋاتى قۇرىلىسى كۇشەيتىلەدى. قوعام اماندىعى جاعىنداعى الدىن الۋ-تىزگىندەۋ جۇيەسى كەمەلدەندىرىلىپ، قارا قوعام سيپاتتى ۇيىمدار، سۇرقيا كۇشتەردى جويۋ ارناۋلى كۇرەسى ىشكەرىلەي جۇرگىزىلەدى. ۇرلىق، توناۋشىلىق، الدامشىلىق ىستەۋ، سارى الاپات، قۇمار ويناۋ، ەسىرتكى تۇتىنۋ سياقتى زاڭعا قايشى قىلمىستى ارەكەتتەر زاڭ بويىنشا جازاعا تارتىلىپ، زاڭسىز قارجى توپتاۋ، وتكەرمەلەپ ساتۋ، ت.ب. ەكونوميكالىق قىلمىستارعا سوققى بەرىلىپ، ازاماتتاردىڭ جەكە ينفورماتسياسىنا قول سۇعۋ سياقتى كورنەكتى ماسەلەلەر تۇزەتىلىپ، حالىق بۇقاراسىنىڭ الاڭسىز تۇرمىسى پارمەندى قورعالادى.

  قۇرمەتتى ۋاكىلدەر!

  جاڭا جاعداي، جاڭا مىندەت ۇكىمەت قىزمەتىنە تىڭ دا اناعۇرلىم جوعارى تالاپتار قويىپ وتىر. ٴار دارەجەلى ۇكىمەتتەر ”ٴتورت تانىمدى“ بەرىك ورناتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ بىرلىكتى سانالىلىقپەن ساقتاپ، پارتيانى جاپپاي قاتاڭ باسقارۋ تالابىن تياناقتاندىرىپ، ٴوزىن تۇلەتۋگە باتىل بولىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ىشكەرىلەي ىلگەرىلەتىپ، ۇكىمەت فۋنكتسياسىندا بۇرىلىس جاساۋدى تەزدەتىپ، ونىمدىلىگىن جوعارىلاتىپ، ۇكىمەتتىڭ سەنىمدىلىگى مەن اتقارۋ قۋاتىن ارتتىرىپ، حالىقتىڭ تاماشا تۇرمىس جونىندەگى تىڭ ارمانىن اناعۇرلىم ويداعىداي ورىنداۋ كەرەك.

  مىندەتىن زاڭ بويىنشا تولىق وتەۋگە تاباندى بولۋ كەرەك. مەملەكەتتى جاپپاي زاڭمەن باسقارۋ نەگىزگى جوباسىن ىشكەرىلەي دايەكتىلەندىرىپ، نەگىزگى زاڭ مەن زاڭدارعا قاتاڭ بويسۇنىپ، ۇكىمەت قيمىلدارىن زاڭمەن باسقارۋ ارناسىنا جاپپاي ەنگىزۋ كەرەك. ٴار دارەجەلى ۇكىمەتتەر سول دارەجەلى حالىق قۇرىلتايلارىنىڭ جانە ونىڭ تۇراقتى كوميتەتتەرىنىڭ باقىلاۋىن زاڭ بويىنشا قابىلداۋى، حالىق ساياسي كەڭەسىنىڭ دەموكراتيالىق باقىلاۋىن سانالىلىقپەن قابىلداۋى، قوعامنىڭ جانە جۇرتشىلىق پىكىرىنىڭ باقىلاۋىن ىرىقتىلىقپەن قابىلداۋى، ۇقىقتى اشىق-جاريا جۇرگىزۋ كەرەك. ۇكىمەتتىڭ ىستەيتىن ٴىسى حالىقتىڭ كۇتكەنى بولۋ كەرەك. شەشىمدى عىلىمي، دەموكراتيالى، زاڭ بويىنشا جاساۋعا تاباندى بولىپ، حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ پىكىرىن مۇقيات تىڭداۋى، دەموكراتيالىق پارتيا-توپتاردىڭ، ونەركاسىپ-ساۋدا بىرلەستىگىنىڭ، پارتيا-توپتا جوق قايراتكەرلەر مەن ٴارقايسى حالىقتىق ۇيىمداردىڭ، الەۋمەتتىك جۇرتشىلىقتىڭ، كاسىپورىنداردىڭ پىكىرىن تىڭداۋى، ٴتۇرلى ساياساتتاردىڭ مەملەكەتتىڭ نەگىزگى جاعدايى مەن وبيەكتيۆ ٴىس جۇزىندىگىنە ۇيلەسەتىن، حالىقپەن تىنىستاس، جۇرت كوڭىلى تولاتىن بولۋىنا مۇمكىندىك جاساۋى كەرەك. ۇكىمەت ىستەرىن جاريا ۇستاۋدى جاپپاي ىلگەرىلەتىپ، جۇمىسشى ۇيىم، كوممۋنيستىك جاستار وداعى، ايەلدەر بىرلەستىگى سىندى بۇقارالىق توپتار مەن ۇيىمداردىڭ رولىن اناعۇرلىم ويداعىداي ساۋلەلەندىرۋگە قولداۋ كورسەتۋ كەرەك. اكىمشىلىك زاڭ اتقارۋ جاۋاپكەرشىلىك ٴتۇزىمى مەن جاۋاپكەرشىلىگىن قۋزاستىرۋ ٴتۇزىمىن جاپپاي تياناقتاندىرىپ، زاڭعا، بەلگىلەمەگە قايشى ارەكەتتەردىڭ بارلىعىن باتىل تەكسەرىپ ٴبىر جايلى ەتۋ، زاڭدى ٴادىل اتقارماۋ، زاڭ اتقارۋدا دورەكىلىك ىستەۋ قۇبىلىستارىنىڭ ٴبارىن قاتاڭ جونگە سالۋ، اكىمشىلىك مىندەتىن اتقارماعانداردىڭ بارلىعىنىڭ جاۋاپكەرشىلىگىن باتىل قۋزاستىرۋ كەرەك.

  پارتيا ستيلى، پاكتىك قۇرىلىسىن ىشكەرىلەي ىلگەرىلەتۋ كەرەك. ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ تاقىرىبىنداعى تاربيەنى تىڭعىلىقتى ورىستەتۋ كەرەك. پارتيا ورتالىق كوميتەتىنىڭ سەگىز تارماقتى بەلگىلەمەسى جانە ونى اتقارۋدىڭ ەگجەي-تەگجەيلى ەرەجەسىنىڭ رۋحىن مۇقيات دايەكتى تياناقتاندىرىپ، ”ٴتورت ٴتۇرلى بۇرىس ستيلدى“ ۇزدىكسىز تۇزەتۋ كەرەك. ۇكىمەتتىڭ پاكتىك قۇرىلىسىن كۇشەيتىپ، شىرىكتەسۋگە باتىلدىق ەتپەۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋدى ٴبىرتۇتاس جەبەۋ كەرەك. قازىنالىق باقىلاۋدى كۇشەيتۋ كەرەك. ۇكىمەت قىزمەتكەرى زاڭنىڭ باقىلاۋىن، باقىلاۋ-تەكسەرۋ تاراۋلارىنىڭ باقىلاۋىن جانە حالىقتىڭ باقىلاۋىن سانالىلىقپەن قابىلداۋى كەرەك. ساياسي ناتيجەسىن باعالاعاندا سوڭىنداعى ناتيجەگە نەگىزدەلۋ كەرەك. ٴار دارەجەلى ۇكىمەتتەر فورماشىلدىق، تورەشىلدىك اتاۋلىعا باتىل قارسى تۇرۋى جانە ونى جونگە سالۋى كەرەك، كادرلاردى قالىڭ قۇجات پەن ماجىلىستەن باس كوتەرە الماۋدان، قالىڭ باعالاۋ، تەكسەرۋ، ماتەريال، مالىمەتتەن ارىلتىپ، كۇشتى ٴىس جۇزىندىك ماسەلەلەردى شەشۋگە جۇمساۋعا مۇمكىندىك جاساۋ كەرەك. باقىلاۋ، تەكسەرۋ، باعالاۋ ىستەرىن ىقشامداپ جانە ارنالاندىرىپ، ”ينتەرنەت + باقىلاۋدى“ اتقارۋ كەرەك. جيىننىڭ سانى مەن قۇجاتتىڭ تاراتىلۋىن ازايتىپ، بيىلدان باستاپ مەملەكەتتىك كەڭەس جانە ونىڭ تاراۋلارى باس بولىپ جيىندى بارىنشا قىسقارتۋ، قۇجاتتاردىڭ ۇشتەن بىرىنەن استامىن باتىل قىسقارتۋ كەرەك.

  جاۋاپكەرشىلىكتى ارقالاۋدى شىن مانىندە كۇشەيتۋ كەرەك. جۇڭگونىڭ رەفورما جانە دامۋ بارىسىندا جەتكەن شۇعىلالى تابىستارىن قالىڭ كادرلاردىڭ، بۇقارانىڭ قاجىرلى دا ماشاقاتتى كەشىرمەلەرىنەن بولە قاراۋعا بولمايدى. ”قوس 100 جىلدىق“ كۇرەس نىساناسىن جۇزەگە اسىرۋدا، جۇڭگو حالقىنىڭ باقىتى مەن ارمانىن ورىنداۋدا ۇزاق ۋاقىت بويى تالىقپاي تالپىنا ىستەۋدى قاجەت ەتەدى. قىزمەتتى ٴادىل ىستەۋ ٴۇشىن قۇر سوزدەن گورى ناقتى ارەكەتكە كەلگەن ٴجون. ٴار دارەجەلى ۇكىمەتتەر جانە ونىڭ قىزمەتكەرلەرى شىنشىل دا ىسكەر بولۋى، ٴسانقويلىقتان اۋلاق بولۋى، رەفورما جاساپ، دامۋدى ىلگەرىلەتۋدىڭ جەتىستىكتەرىمەن بەرىلە ىستەپ، شارۋاشىلىق قۇرۋدىڭ ناقتى ناتيجەسىمەن جاۋاپ بەرۋى كەرەك. ىنتالاندىرۋ، تەجەۋ مەحانيزمى مەن مىندەتىن وتەگەندىگى سەبەپتى جاۋاپكەرشىلىگىن قۋزاستىرماۋ مەحانيزمىن اقاۋسىزداندىرۋ كەرەك. كادرلارعا ٴىستى قالاۋىمەن ىستەيتىن، ىستەۋگە باتىلى باراتىن، ٴىستى تىندىرا الاتىن ورتا جاراتۋ كەرەك. ورتالىق پەن جەرگىلىكتىڭ ەكى بەلسەندىلىگىن اناعۇرلىم ويداعىداي ساۋلەلەندىرىپ، نەگىزگى ساتىلاردىڭ جانە بۇقارانىڭ جاسامپازدىق رۋحىنا قۇرمەت ەتىپ، ولاردى باتىلدىقپەن ىزدەنۋگە ىنتالاندىرۋ جانە مۇمكىندىك قالدىرۋ كەرەك. قالىڭ كادرلار كۇشتى ىسكەرلىك پەن ىزدەنۋ رۋحىن جەتىلدىرىپ، قيىنشىلىقتان جالتارماي، جاۋاپكەرشىلىكتەن قاشپاي، ايانباي قاجىرلىقپەن ىستەپ، ٴىس جۇزىندىكپەن بىرلەستىرە وتىرىپ جاسامپازدىقپەن ىستەپ، ﺣﺎﻟﯩﻘﺘﯩﯔ ﻗﺎﻻﯞﯨﻨﺎﻥ ﺷﯩﻌﺎﺗﯩﻦ ﺗﯩﯔ تابىستارعا جەتۋگە، جۇڭگونىڭ دامۋىنداعى تىڭ شۇعىلالى ﻧﺎﺗﻴﺠﻪﻟﻪﺭدى ﺟﺎﺭﺍتۋعا قۇلشىنۋ كەرەك.

  قۇرمەتتى ۋاكىلدەر!

  ٴبىز ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، پارتيانىڭ ۇلت ساياساتىن جاپپاي دايەكتىلەندىرۋىمىز، ۇلتتار ىنتىماعى العاباسارلىعى تاربيەسىن تەرەڭدەتىپ، جۇڭحۋا ۇلتىنىڭ ورتاق تۇلعالىق تانىمىن بەرىك ورناتىپ، ۇلتتاردىڭ تاتۋ تۇرۋىن، بەرەكەلىگىن، جاراسىمدى دامۋىن جەبەۋىمىز كەرەك. ۇلتتىق رايوندار مەن جان سانى ٴبىرشاما از ۇلتتاردىڭ دامۋىن قولداۋ تەبىنىن ارتتىرىپ، شەكارانى كوركەيتىپ، حالىقتى بايىتۋ قيمىلىن ىشكەرىلەي ورىستەتىپ، ٴبىر نيەتپەن سەلبەسىپ، 56 ۇلت بىرلىكتە ىنتىماقتاسا كۇرەس جۇرگىزىپ، تەڭ گۇلدەنىپ-كوركەيەتىن كورىكتى مەكەن قۇرۋىمىز كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار