ۇكىمەت قىزمەتىنەن بايانداما(10)
2019.05.23 15:46 كەلۋ قاينارى : حالىق تورابى
ٴبىز پارتيانىڭ ٴدىن قىزمەتىندەگى نەگىزگى باعىتىن جاپپاي دايەكتىلەندىرىپ، ەلىمىزدە دىندەردى جۇڭگوشالاندىرۋ باعىتىنا تاباندى بولىپ، ٴدىن ىستەرىن زاڭ بويىنشا باسقارىپ، ٴدىن سالاسىنداعى قايراتكەرلەر مەن دىنگە سەنەتىن بۇقارانىڭ ەكونوميكالىق، قوعامدىق دامۋدى جەبەۋدەگى بەلسەندى رولىن ساۋلەلەندىرۋىمىز كەرەك.
ٴبىز چياۋمين ىستەرى ساياساتىن مۇقيات تياناقتاندىرىپ، شەتەلدەگى چياۋمين باۋىرلاستار مەن وتانعا ورالعان چياۋمينداردىڭ جانە ولاردىڭ وتباسىنداعىلاردىڭ زاڭدى ۇقىق-مۇددەسىن قامتاماسىز ەتىپ، قىزمەت وتەۋدى جاقسارتىپ جانە كۇشەيتىپ، ولاردىڭ وزگەشە باسىمدىعى مەن ماڭىزدى رولىن ويداعىداي ساۋلەلەندىرىپ، ەل ٴىشى-سىرتىنداعى جۇڭحۋا ۇلاندارىنىڭ ەڭ ۇلكەن وزەكتەس شەڭبەرىن سىزىپ، شۇعىلالى تابىسقا بىرگە جەتۋدىڭ ايبىندى كۇشىن ۇيىستىرايىق.
قۇرمەتتى ۋاكىلدەر!
وتكەن ٴبىر جىلدا، مەملەكەت قورعانىسى جانە ارميا قۇرىلىسى تىڭعىلىقتى ىلگەرىلەتىلىپ، ارميانى قۇدىرەتتەندىرۋ ىستەرىندە كوپ تىڭ تىنىس، جاڭا ناتيجەلەر كورىندى. جاڭا ٴبىر جىلدا، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ۇزدىكسىز جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىنىڭ قورعانىس جانە ارميا قۇرىلىسىنداعى جەتەكشى ورنىن بەرىك تۇراقتاندىرىپ، ارميانى ساياسي تۇرعىدان قۇرۋدى، رەفورما ارقىلى قۇدىرەتتەندىرۋدى، عىلىم-تەحنيكا ارقىلى گۇلدەندىرۋدى، زاڭمەن باسقارۋدى ىشكەرىلەي ىلگەرىلەتۋ كەرەك. پارتيانىڭ ارمياعا بولعان شارتسىز باسشىلىعىنىڭ ٴتۇبىرلى پرينسيبى مەن تۇزىمىنەن جازباي، اسكەري ىستەر كوميتەتىنىڭ ٴتوراعاسى جاۋاپتى بولۋ ٴتۇزىمىن جان-جاقتى، ىشكەرىلەي دايەكتىلەندىرۋ كەرەك. جاڭا داۋىردەگى اسكەري ىستەر ستراتەگياسىنىڭ باعىتىن دايەكتىلەندىرىپ، سوعىستىق اسكەري جاتتىعۋ ورەسىن جوعارىلاتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ كەرەك. قورعانىس جانە ارميا رەفورماسىن ۇزدىكسىز تەرەڭدەتىپ، جۇڭگوشا سوتسياليزم اسكەري ىستەرىنىڭ ساياساتتىق ٴتۇزىمى جۇيەسىن ورناتۋ جانە اقاۋسىزداندىرۋ كەرەك. قورعانىستىق تاربيە، قورعانىستىق جۇمىلدىرۋ قۇرىلىسىن كۇشەيتىپ جانە ونى كەمەلدەندىرىپ، جالپى حالىقتىق مەملەكەت قورعانىسى تانىمىن ارتتىرۋ كەرەك. اسكەري ونەركاسىپ پەن حالىقتىق ونەركاسىپتىڭ توعىسا دامۋ ستراتەگياسىن ىشكەرىلەي اتقارىپ، قورعانىستىق عىلىم-تەحنيكادا جاڭالىق اشۋ اياق الىسىن تەزدەتۋ كەرەك. ٴار دارەجەلى ۇكىمەتتەر قورعانىس جانە ارميا قۇرىلىسىنا بارىنشا كوڭىل ٴبولىپ جانە ونى قولداپ، ”ەكىنى قولداۋ“ قيمىلىن ىشكەرىلەي ورىستەتىپ، ارميا مەن ۇكىمەتتىڭ، ارميا مەن حالىقتىڭ ىنتىماعى الىپ بايتەرەگىنىڭ تەرەڭگە تامىر تارتىپ، جاپىراق جايىپ، ومىرشەڭدىگىن ماڭگى ساقتاۋىنا مۇمكىندىك جاساۋىمىز كەرەك.
قۇرمەتتى ۋاكىلدەر!
ٴبىز ”ٴبىر ەل، ەكى ٴتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا بولۋ باعىتىن ۇزدىكسىز جاپپاي، دۇرىس دايەكتىلەندىرىپ، جۇمىستى نەگىزگى زاڭ مەن ٴتۇبىرلى زاڭ بويىنشا قاتاڭ ىستەۋىمىز كەرەك. شياڭگاڭ، اۋمىن ەرەكشە اكىمشىلىك رايونى ۇكىمەتتەرى مەن اكىمدەرىنىڭ بيلىكتى زاڭ بويىنشا جۇرگىزۋىن بار كۇشپەن قولداۋىمىز كەرەك. شياڭگاڭ مەن اۋمىننىڭ ”ٴبىر بەلدەۋ، ٴبىر جول“ جانە گۋاڭدۇڭ–شياڭگاڭ-اۋمىن شىعاناعى رايونى قۇرىلىسىن بىرگە قۇرۋ سىندى ماڭىزدى ورايدى مىقتى يگەرىپ، وزىندىك ابزالدىلىعىن اناعۇرلىم ويداعىداي ساۋلەلەندىرىپ، ىشكى ولكەلەرمەن ٴوزارا ٴتيىمدى سەلبەستىگىن جاپپاي تەرەڭدەتۋىن قولداۋىمىز كەرەك. ٴبىز شياڭگاڭ مەن اۋمىننىڭ، ٴسوز جوق، وتانىمىزدىڭ ىشكى وڭىرلەرىمەن بىرگە دامىپ، تەڭ العا باسىپ، ۇزاق ۋاقىت ورنىقتى كوركەيىپ-گۇلدەنەتىندىگىنە كامىل سەنەمىز.
ٴبىز تايۋان قىزمەتى جونىندەگى كەلەلى باعىت-ساياساتتارعا تاباندى بولامىز. باس شۋجي شي جينپيڭنىڭ «تايۋاندىق باۋىرلاستارعا ۇندەۋ حاتى» جاريالانعاندىعىنىڭ 40 جىلدىعىن ەسكە ٴتۇسىرۋ ماجىلىسىندە سويلەگەن ماڭىزدى ٴسوزىنىڭ رۋحىن جاپپاي دايەكتى تياناقتاندىرىپ، ٴبىر جۇڭگو پرينسيبى مەن ”1992-جىلعى ورتاق تانىمعا“ تاباندى بولىپ، ەكى جاعالاۋ قاتىناسىنىڭ بەيبىت دامۋىن جەبەپ، وتاننىڭ بەيبىت جولمەن بىرلىككە كەلۋىن ىلگەرىلەتەمىز. ”تايۋاندى دەربەستەندىرۋ“ سىندى بولشەكتەۋ قاسكۇنەمدىكتەرى مەن ارەكەتتەرىنە باتىل قارسى تۇرىپ جانە ولاردى تەجەپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعايمىز. ەكى جاعالاۋدىڭ توعىسا دامۋىن تەرەڭدەتىپ، ەكى جاعالاۋدىڭ ەكونوميكا، مادەنيەت اۋىس-ٴتۇيىسى مەن سەلبەستىگىن ۇزدىكسىز كەڭەيتەمىز. ەكى جاعالاۋداعىلاردىڭ تەگى ٴبىر، ەتەنە باۋىرلاس، بارشا جۇڭگولىقتاردىڭ تاماشا بولاشاعىن تىزە قوسا بىرگە جاراتىپ، ودان تەڭ يگىلىكتەنەمىز.
قۇرمەتتى ۋاكىلدەر!
قازىرگى دۇنيە ٴجۇز جىلدان بەرى بولماعان ٴىرى وزگەرىستەرگە ٴدوپ كەلىپ وتىر. ٴبىز بەيبىت دامۋ جولىمەن جۇرۋدەن اۋىتقىماي، ٴوزارا تيىمدىلىك جاسايتىن، تەڭ يگىلىكتەنەتىن سىرتقا ەسىك اشۋ ستراتەگياسىن اتقارىپ، كوپ جاقتىلىقتى جانە بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى باتىل قورعايمىز. الەمدىك باسقارۋ جۇيەسىنىڭ رەفورماسىن كەمەلدەندىرۋگە بەلسەنە ات سالىسىپ، اشىق ۇستالاتىن الەمدىك ەكونوميكانى باتىل قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەمىز. باستى ٴىرى ەلدەرمەن تىلدەسۋدى، سايكەسۋدى، سەلبەسۋدى كۇشەيتىپ، توڭىرەگىمىزدەگى ەلدەرمەن بولعان قاتىناستى تەرەڭدەتىپ، دامۋ جولىنداعى ەلدەرمەن بولعان ٴتيىمدى سەلبەستىكتى كەڭەيتەمىز. جەر شارىندىق سىندارعا ۇيلەسىمدى توتەپ بەرۋگە جانە وڭىرلىك ۇرىمتال ماسەلەلەردى شەشۋگە جۇڭگونىڭ سىندارلى جوباسىن بەلسەندى ۇسىنامىز. جۇڭگو ٴارقايسى ەلدەرمەن بىرگە سەلبەستىك جاساسىپ، تار جول، تايعاق كەشۋدەن بىرگە ٴوتۋدى، دۇنيە ٴجۇزىنىڭ باياندى بەيبىتشىلىگى مەن بىرگە دامۋىن جەبەۋ جولىندا تىڭ ۇلەس قوسۋدى قالايدى.
قۇرمەتتى ۋاكىلدەر!
تالپىنىس تاريحتى جاراتادى، ىسكەرلىك بولاشاققا جەتكىزەدى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ٴتىپتى دە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، قيىنشىلىقتان تايسالماي، ٴورىس اشا العا ىلگەرىلەپ، قىزمەتتى تىڭعىلىقتى ىستەپ، ەكونوميكالىق، قوعامدىق دامۋدىڭ سۇبەلى تابىستارىمەن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي-تالماي كۇرەس جۇرگىزەيىك!
مەملەكەتتىك ۇلتتىق ىستەر كوميتەتى بەرگەن، جۇڭگو ۇلتتار ءتىل - جازۋ اۋدارما مەكەمەسى اۋدارعان
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
