شينحۋا اگەنتتىگى، 5 – ايدىڭ 28 – كۇنى، ماسكەۋ (ءتىلشى: لي اۋ) جۇڭگونىڭ ۆلاديوستوكتا تۇراتىن باس كونسۋلى يان ۋىنبيننىڭ 5 – ايدىڭ 28 – كۇنى راستاۋىنشا، جۇڭگولىق ساياحاتشىلار وتىرعان ساياحات اۆتوبۋزى سول كۇنى رەسەيدىڭ پريمورسكي ايماعىندا قاتىناس شىرعالاڭىنا ۇشىراپ، جۇڭگولىق ساياحاتشىلاردان 2 ادام قازا بولىپ، 13 ادام تۇرلىشە دەڭگەيدە جارالانعان، جارالانعان 10 ادام ەمحانادا ەمدەلىپ شىققان، 3 ادامنىڭ جاراقاتى سەبەبىنەن ەمحانا بايقاپ كورۋگە الىپ قالعان.
يان ۋىنبيننىڭ تەلەفون ارقىلى شينحۋا اگەنتتىگىنىڭ تىلشىسىنە ايتۋىنشا، جەرگىلىكتى ۋاقىت بويىنشا 5 – ايدىڭ 28 – كۇنى تۇستەن كەيىن، جۇڭگولىق ساياحاتشىلار وتبى وتىرعان اۆتوبۋز پريمورسكي ايماعىنىڭ ۋسسۋرسكي قالاسىندا اۋدارىلعان. اۆتوبۋزدا ساياحات ۇيىرمەسىنىڭ ساياحات جەتەكشىسىن قامتىعان 43 ادام وتىرعان. شىرعالاڭنىڭ سەبەبى قازىر تەكسەرىلۋدە.
كەلۋ قاينارى: حالىق تورابى