قوعام حاۋىپسىزدىگى مينيسترلىگى: «باس قوسۋ» جۇيەسى ىسكە قوسىلعان ءۇش جىلدان بەرى 4000 مىڭعا جۋىق جوعالعان بالا تابىلدى

2019.06.03 15:53   كەلۋ قاينارى : حالىق تورابى

سۋرەتتە: 6 – ايدىڭ 2 – كۇنى حالىق ساقشىلارى قيمىل بارىسىندا اتا – انالار مەن بالالارعا الداپ ساتۋدان ساقتانۋدى ۇگىتتەۋ ماتەريالدارىن تاراتۋدا. شينحۋا اگەنتتىگى (قوعام حاۋىپسىزدىگى مينيسترلىگى بەرگەن)

　　شينحۋا اگەنتتىگى، 6 – ايدىڭ 2 – كۇنى، بەيجيڭ (ءتىلشى: باي ياڭ) قوعام حاۋىپسىزدىگى مينيسترلىگىنىڭ جوعالعان بالالاردىڭ ينفورماتسيالارىن شۇعىل جاريالاۋ تەكشەشى — « باس قوسۋ» جۇيەسى ىسكە قوسىلعان ءۇش جىلدان بەرى، جوعالعان بالالارعا قاتىستى 3978 ينفورماتسيا جاريالاپ، جوعالعان 3901 بالانى تاپقان، تابۋ مولشەرى %98كە جەتكەن.

　　بۇل ءتىلشىنىڭ 6 – ايدىڭ 2 – كۇنى مەملەكەتتىك كەڭەستىڭ الداپ ساتۋعا قارسى تۇرۋ جاعىنداعى مينيسترلىكتەر ارا بىرلەسكەن كەڭەسى كەڭسەسى مەن قوعام حاۋىپسىزدىگى مينيسترلىگىنىڭ قىلمىستىق ىستەردى بارلاۋ مەكەمەسى ورىستەتكەن «بالالارعا قامقور بولىپ، الداپ ساتۋعا قارسى تۇرايىق» اتتى ۇگىت قيمىلىنىڭ بەيجيڭدەگى قيمىلىنان ۇعىسقان حابارى.

　　ۇعىسۋعا قاراعاندا، «باس قوسۋ» جۇيەسىن قوعام حاۋىپسىزدىگى مەكەمەسى «ينتەرنەت + الداپ ساتۋعا سوققى بەرۋ» سىندى ءداۋىر تالابىنا سايكەسۋ ءۇشىن جاساپ، 2016 – جىلى 5 – ايدىڭ 15 – كۇنى رەسمي ىسكە قوسقان. بالا جوعالعانى جونىندە حابار شىعاتىن بولسا، اتالعان تەكشە دەرەۋ قوعام حاۋىپسىزدىگى ورگاندارىمەن سايكەسىپ، جوعالعان بالا جونىندەگى ينفورماتسيانى اقپارات قۇرالدارى جانە جىلجىمالى قولدانبا تەرمينالدارى ارقىلى بالا جوعالعان جەردىڭ ماڭىنداعى بەلگىلى كولەمدە دەرەۋ تاراتىپ، اناعۇرلىم كوپ جۇرتشىلىقتىڭ قاتىستى دۇرىس ينفورماتسيالارعا يە بولىپ، دەر كەزىندە ءجىپ ۇشىمەن قامداۋىنا، قوعام حاۋىپسىزدىگى ورگاندارىنىڭ تەز ارادا دەلونى اشكەرەلەۋىنە سايكەسۋگە شارت – جاعداي جاراتادى. قازىر كوپتەگەن اقپارات قۇرالدارى مەن جىلجىمالى قولدانبا تەرمينالدارى اتالعان تەكشەگە قوسىلدى.

　　«بالالارعا سەنىمدى حاۋىپسىز ادامدار تىزىمدىگىن جاساۋ»، «جوعالعان بالالارعا 24 ساعات ىشىندە دەلو تۇرعىزىلمايدى دەگەن اقپارات جالعان»، «بالا ىزدەۋدە ‹ون ادام ءتورت جاقتان ىزدەۋ ءتاسىلىن› پايدالانۋ كەرەك» ... قيمىلدىڭ ناق مايدانىندا حالىق ساقشىلارى الداپ ساتۋدان ساقتانۋ ساۋاتتارىن قيمىلعا قاتىناسقان اتا – انالار مەن بالالارعا ۇعىنىقتى سوزبەن جەتكىزدى. جۇڭگونىڭ الداپ ساتۋعا قارسى تۇرۋداعى مىندەتتى ۇگىتشىلەرى ۋاڭ شي، يۇي جىن قاتارلىلار بۇكىل قوعامداعىلاردى بالالاردى الداپ ساتۋدان ساقتانۋ تانىمىن بىرگە جوعارىلاتۋعا، اناعۇرلىم كوپ مەيىربان جانداردى الداپ ساتۋعا قارسى تۇرۋ قىزمەتىنە اتسالىسۋعا، بالالاردىڭ اقاۋسىز ءوسىپ – جەتىلۋىنە حاۋىپسىز تۇرمىس ورتاسىن جاراتۋعا ۇندەدى.

　　ءتىلشىنىڭ ۇعىسۋىنشا، سول كۇنى مەملەكەتتىك قوعام حاۋىپسىزدىگى ورگاندارى ءبىرتۇتاس ورنالاستىرۋ بويىنشا، ناق مايداندا تۋىسىن تانۋ، قان ۇلگىسىن الۋ، الداپ ساتۋدان ساقتانۋ ۇگىت ماتەريالدارىن تاراتۋ، الداپ ساتۋدان ساقتانۋ جونىندە كەڭەس الۋ قاتارلى كوپتەگەن تاسىلدەرمەن الداپ ساتۋعا قارسى تۇرۋدى ۇگىتتەۋ قيمىلىن قانات جايدىرىپ، ەلىمىزدىڭ الداپ ساتۋعا قارسى تۇرۋ قىزمەتىنىڭ جالپى جاعدايى مەن الداپ ساتۋدان ساقتانۋ ساۋاتتارىن تانىستىردى، قوعامداعى ءار سالاداعىلاردىڭ، وتە – موتە، بالالاردىڭ الداپ ساتۋ قىلمىسىنان ساقتانۋ تانىمىن اناعۇرلىم كۇشەيتىپ، بالالاردى الداپ ساتۋ قىلمىسىن ازايتۋعا بىرگە قۇلشىندى.

　　كەلۋ قاينارى: حالىق تورابى