بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>كوپ بەتتىك حابارلار

جەكەلىك ينفورماتسيالاردى شەكارادان شىعارۋدىڭ حاۋىپسىزدىگىنە ساراپتاۋ جۇرگىزۋ ءادىسناماسى جونىندە مەملەكەتتىك ينتەرنەت ينفورماتسياسى كەڭسەسى اشىق پىكىر قابىلدايدى

2019.06.14 13:31     كەلۋ قاينارى : حالىق تورابى

  شينحۋا اگەنتتىگى، 6 – ايدىڭ 13 – كۇنى، بەيجيڭ. (ءتىلشى: ۋاڭ سىبەي) مەملەكەتتىك ينتەرنەت ينفورماتسياسى كەڭسەسى 6 – ايدىڭ 13 – كۇنى «جەكەلىك ينفورماتسيالاردى شەكارادان شىعارۋدىڭ حاۋىپسىزدىگىنە ساراپتاۋ جۇرگىزۋ ءادىسناماسى (پىكىر الىناتىن نۇسقاسى)» جونىندە قوعامنان اشىق پىكىر قابىلدايدى. پىكىر الىناتىن نۇسقاعا قاراعاندا، جەكەلىك ينفورماتسيالاردى شەكارادان شىعارۋ بارىسىندا ونىڭ حاۋىپسىزدىگىنە ساراپتاۋ جۇرگىزۋ قاجەت. ساراپتاۋ جۇرگىزۋ ارقىلى جەكەلىك ينفورماتسيانى شەكارادان شىعارۋ مەملەكەت حاۋىپسىزدىگىنە ىقپال جاسايتىن، الەۋمەتتىك مۇددەنى زياندايتىن بولسا، نەمەسە جەكەلىك ينفورماتسيانىڭ حاۋىپسىزدىگىنە ءونىمدى كەپىلدىك ەتۋ قيىن بولعان جاعدايدا، جەكەلىك ينفورماتسيانى شەكاردان شىعارۋعا بولمايدى.

  پىكىر الىناتىن قۇجات نۇسقاسىندا مىنالار ايقىن كورسەتىلگەن: جەكەلىك ينفورماتسيا دەگەنىمىز ەلەكتروندىق نەمەسە باسقا دا تاسىلدەرمەن ەستەلىككە الىنعان ينفورماتسيالار بولىپ، دارا نەمەسە باسقا ينفورماتسيالارمەن بىرگە جەكەنىڭ سالاۋاتىن انىقتاۋعا بولاتىن ءتۇرلى ينفورماتسيالاردى كورسەتەدى، بۇل جەكەنىڭ اتى – ءجونى، تۋعان كۇنى، ازاماتتىق كۋالىك ءنومىرى، جەكەلىك بيولوگيالىق پارىقتاۋ ينفورماتسيالارى، مەكەنجايى، تەلەفون ءنومىرى قاتارلىلاردى قامتيدى ءارى وسىمەن عانا شەكتەلمەيدى.

  پىكىر الىناتىن نۇسقادا مىنالار اتاپ كورسەتىلگەن: جەكەلىك ينفورماتسيانى شەكارادان شىعارۋ الدىندا، ينتەرنەت تيجاراتشىلارى ءوزى تۇرعان ورىنداعى ولكە دارەجەلى ينتەرنەت ينفورماتسياسى تاراۋلارىنا جەكەلىك ينفورماتسيانى شەكارادان شىعارۋ حاۋىپسىزدىگىنە ساراپتاۋ جۇرگىزۋ ءوتىنىشىن تاپسىرۋى كەرەك. جەكەلىك ينفورماتسيانى شەكارادان شىعارۋ حاۋىپسىزدىگىنە ساراپتاۋ جۇرگىزۋدە مەملەكەتتىڭ قاتىستى زاڭ – تۇزىمدەرى مەن ساياساتتىق بەلگىلەمەلەرىنە ساي كەلە مە، كەلمەي مە؛ توقتام تارماقتارى جەكەلىك ينفورماتسيا تۇلعاسىنىڭ زاڭدى – ۇقىق مۇددەلەرىن تولىق قامتاماسىزداندىرا الا ما، جوق پا؛ ينتەرنەت تيجاراتشىلارىنىڭ نەمەسە قابىلداۋشى جاقتىڭ جەكەلىك ينفورماتسيا نەگىزگى تۇلعاسىنىڭ زاڭدى ۇقىق – مۇددەسىن زيانداعان تاريحى بار ما، جوق پا، سونىمەن بىرگە، ينتەرنەت حاۋىپسىزدىگى جاعىنداعى ءىرى وقيعا تۋدىرعان با، جوق پا ت.ب. مازمۇنداردى ءتۇيىندى تۇردە ساراپتايدى. ينتەرنەت تيجاراتشىلارى جەكەلىك ينفورماتسيانى شەكارادان شىعارۋ ەستەلىگىن قالىپتاستىرۋى ءارى ونى كەمىندە 5 جىلعا دەيىن ساقتاۋى كەرەك.

  پىكىر الىناتىن نۇسقاعا قاراعاندا، ينتەرنەت تيجاراتشىلارى نەمەسە قابىلداۋشى جاق ساندى دەرەكتىڭ جايىلۋى، ساندى دەرەكتەن الباتى پايدالانۋ قاتارلى ءبىرشاما زور وقيعالار تۋدىرعان بولسا؛ جەكەلىك ينفورماتسيا تۇلعالارى جەكەلىك زاڭدى ۇقىق – مۇددەسىن قورعاي الماسا نەمەسە قورعاۋى قيىن بولسا؛ ينتەرنەت تيجاراتشىلارى مەن قابىلداۋشى جاق جەكەلىك ينفورماتسيالاردىڭ حاۋىپسىزدىگىنە كەپىلدىك ەتۋگە دارمەنسىز بولسا، وسى تەكتەس تاعى باسقا جاعدايلاردا ينتەرنەت ينفورماتسياسى تاراۋلارىنىڭ ينتەرنەت تيجاراتشىلارىنان شەتەلگە جەكەلىك ينفورماتسيانى بەرۋدى ۋاقىتتىق توقتاتۋدى نەمەسە اقىرلاستىرۋدى تالاپ ەتۋىنە بولادى. مۇنان سىرت، بەلگىلەمەگە قايشى تۇردە شەتەلگە جەكەلىك ينفورماتسيالاردى بەرۋ ارەكەتى جونىندە، ءارقانداي جەكەنىڭ نەمەسە ۇيىمنىڭ ولكە دارەجەلىدەن جوعارى ينتەرنەت ينفورماتسيالارى تاراۋلارىنا نەمەسە قاتىستى تاراۋلارعا اشكەرەلەۋىنە بولادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار