مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما
ــــ 13–كەزەكتى مەملەكەتتىك حالىق قۇرىلتايى 2–ٴماجىلىسىنىڭ 2-رەتكى جالپى جيىنىندا 2019-جىلى 3-ايدىڭ 8–كۇنى جاسالعان
مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ
2019.06.25 14:19 كەلۋ قاينارى : حالىق تورابى
ۋاكىلدەر:
مەن مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋى بويىنشا، ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى وتىنەمىن.
وتكەن ٴبىر جىلداعى باستى قىزمەتتەر جونىندە
13-كەزەكتى مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ مىندەت وتەۋى ٴدال ”قوس 100 جىلدىقتىڭ“ تاريحي توعىسۋ كەزەڭىنە تۋرا كەلدى، مىندەت داڭقتى، جاۋاپكەرشىلىك اۋىر. ٴبىر جىلدان بەرى، تۇراقتى كوميتەت شي جينپيڭ جاڭا ٴداۋىر جۇڭگوشا سوتسياليزم يدەياسىن جانە پارتيا 19-قۇرىلتايىنىڭ رۋحىن مۇقيات ۇيرەندى جانە دايەكتىلەندىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 13–كەزەكتى مەملەكەتتىك حالىق قۇرىلتايى 1-ٴماجىلىسىنىڭ قىزمەت ورنالاستىرۋلارىنا ساي، زاڭ بويىنشا مىندەت اتقارىپ، ٴورىس اشا ىلگەرىلەپ، تاماشا باستامانى جۇزەگە اسىردى.
1. شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، حالىق قۇرىلتايى قىزمەتىنىڭ دۇرىس ساياسي بەتالىسىنا كەپىلدىك ەتتىك
تۇراقتى كوميتەت شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ جانە دايەكتىلەندىرۋدى ماڭداي الدى ساياسي مىندەت ەتىپ، وسى يدەيانىڭ عىلىمي جۇيەسىن، رۋحاني ٴمانىن، امالياتتىق تالابىن تەرەڭ ۇعىندى، ٴارى ونىمەن وي-سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتتى. ارناۋلى تاقىرىپتا ۇيرەنۋ، زەرتتەۋ، تالقى ورىستەتۋگە ۇيىمداستىرىپ، 31 ولكە دارەجەلى حالىق قۇرىلتايى جانە قاتىستى تاراپتار قـاتىنـاسقـان ۇيـرەنـۋ، اۋىـس-ٴتـۇيىس جاساۋ ٴماجىلىسىن اشىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ تۋرالى ماڭىزدى يدەياسىن جۇيەلى ۇيرەندى، ارناۋلى تاقىرىپتا زەرتتەۋ جۇرگىزىپ، ۇيرەنۋ تالابىن ورتاعا قويىپ، جاڭا داۋىردە قانداي حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ، حالىق قۇرىلتايى تۇزىمىنە قالاي تاباندى بولۋ جانە ونى كەمەلدەندىرۋ تۋرالى كەلەلى نازاريالىق جانە امالياتتىق تاقىرىپتار جونىندەگى تانىمدى تەرەڭدەتتى. ٴار دارەجەلى حالىق قۇرىلتايلارى ٴىس جۇزىندىكپەن تىعىز بىرلەستىرىپ، ۇيرەنۋدى ىشكەرىلەي ورىستەتىپ، ۇيرەنۋ جەتىستىكتەرىن ٴوز قىزمەتىمىزدى ويداعىداي ىستەپ، ىستەرىمىزدىڭ دامۋىن جەبەۋدىڭ جاندى امالياتىنا اينالدىردى.
پارتيانىڭ نەگىزگى نازارياسىن، نەگىزگى لۋشيانىن، نەگىزگى ستراتەگياسىن ۇيرەنۋ جانە دايەكتىلەندىرۋدى ارقاۋ ەتىپ، تۇراقتى كوميتەتتىڭ ارناۋلى تاقىرىپتاعى لەكسيالارىن ويداعىداي جۇرگىزدىك، ارناۋلى تـاقىـرىپتاعـى ۇيـرەنـۋ لـەكسياسىن جيىنى 10 رەت وتكىزىپ، باس شۋجي شي جينپيڭنىڭ نەگىزگى زاڭ، زاڭمەن باسقارۋ، رەفورمالاۋ، ەسىك اشۋ، جاڭالىق اشا دامۋ، ەكولوگيالىق وركەنيەت قۇرىلىسى تۋرالى ماڭىزدى بايىمداۋلارىن، حالىق قۇرىلتايىنىڭ زاڭ شىعارۋ، باقىلاۋ قىزمەتى تۋرالى تالاپتارىن ٴتۇيىندى ۇيرەنىپ، تۇراقتى كوميتەتتىڭ مىندەت اتقارۋ قابىلەتىن جان-جاقتىلى جوعارىلاتتىق. كەزەك اۋىسقاننان كەيىنگى جاڭا ۋاكىلدەردىڭ كوپ بولۋى سىندى ٴىس جۇزىندىككە قاراتا، ۋاكىلدەردىڭ ۇيرەنۋ، كۋرستان وتكىزۋ تەبىنىن كۇشەيتىپ، 1300 دەن استام ۋاكىلدى كۋرستان وتكىزدىك، بۇل جاڭادان سايلانعان ۋاكىلدەردىڭ %59 ىن ۇستادى. ولكە، قالا، اۋدان ٴۇش دارەجەلى حالىق قۇرىلتايى تۇراقتى كوميتەتىندەگى جاۋاپتى جولداستاردىڭ ۇيرەنۋ كلاسىن جەكە-جەكە اشىپ، بۇعان جيىنى 3200 ادام قاتىناسىپ، تولىق قامتۋ نەگىزىنەن جۇزەگە استى.
نازاريا ۇيرەنۋدى ۇزدىكسىز ىشكەرىلەي جۇرگىزۋ جانە ونىمەن يدەيانى قارۋلاندىرۋ پارتيا ورتالىق كوميتەتىنىڭ بەدەلى مەن ورتالىقتانعان ٴبىرتۇتاس باسشىلىعىن قورعاۋ سىندى يدەيالىق نەگىزدى اناعۇرلىم بەكەمدەپ، جۇڭگوشا سوتسياليستىك ساياسي دامۋ جولىمەن ٴجۇرۋ جونىندەگى سەنىم مەن بەكىمدى اناعۇرلىم نىعايتىپ، حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى جاۋاپكەرلىك سەزىم مەن بورىشتىلىق سەزىمدى اناعۇرلىم كۇشەيتتى.
2. جاڭادان وزگەرىس ەنگىزىلگەن نەگىزگى زاڭدى جاپپاي ۇيرەنىپ، ۇگىتتەپ جانە دايەكتىلەندىرىپ، نەگىزگى زاڭنىڭ اتقارىلۋىن ىلگەرىلەتۋدە تىڭ قادام تاستادىق
بيلىكتى زاڭ بويىنشا، نەگىزگى زاڭ بويىنشا جۇرگىزۋ — جۇڭگو كوممۋنيستىك پارتياسىنىڭ ايقىن قۋاتتاماسى. مەملەكەتتى زاڭمەن باسقارۋعا تاباندى بولۋ ٴۇشىن، الدىمەن مەملەكەتتى نەگىزگى زاڭمەن باسقارۋعا تاباندى بولۋ، بيلىكتى زاڭ بويىنشا جۇرگىزۋگە تاباندى بولۋ ٴۇشىن، الدىمەن بيلىكتى نەگىزگى زاڭ بويىنشا جۇرگىزۋگە تاباندى بولۋ كەرەك. پارتيانىڭ
18-قۇرىلتايىنان بەرى، پارتيا ورتالىق كوميتەتى نەگىزگى زاڭدى اتقارۋدى مەملەكەتتى جاپپاي زاڭمەن باسقارۋدا كورنەكتى ورىنعا قويدى، باس شۋجي شي جينپيڭ نەگىزگى زاڭدى ويداعىداي دايەكتى اتقارۋ تۋرالى كوپ رەت ماڭىزدى ٴسوز سويلەدى، مەملەكەتتىڭ نەگىزگى زاڭ كۇنى قيمىلىن ويداعىداي ورىستەتۋ جونىندە 3 رەت ماڭىزدى بەكىتپە نۇسقاۋ بەردى، باستاماشىلدىقپەن نەگىزگى زاڭ الدىندا سەرت بەرىپ، بۇكىل قوعامنىڭ سانالى تۇردە نەگىزگى زاڭدى قادىرلەۋىن، نەگىزگى زاڭدى ۇيرەنۋىن، نەگىزگى زاڭعا بويسۇنۋىن، نەگىزگى زاڭدى قورعاۋىن، نەگىزگى زاڭدى قولدانۋىن پارمەندى ىلگەرىلەتتى.
پارتيا ورتالىق كوميتەتىنىڭ باسشىلىعىندا 13-كەزەكتى مەملەكەتتىك حالىق قۇرىلتايىنىڭ 1-ٴماجىلىسى نەگىزگى زاڭعا وزگەرىس ەنگىزۋ سىندى وسكەلەڭ مىندەتتى ورىندادى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ مەملەكەت ساياساتى مەن قوعامدىق ومىردەگى جەتەكشى ورنىن تۇراقتاندىرىپ، جۇڭگو كوممۋنيستىك پارتياسىنىڭ جان-جاقتىلى باسشىلىعىنا تاباندى بولۋ جانە ونى كۇشەيتۋدىڭ مازمۇنىن تولىقتاپ، نەگىزگى زاڭدا تۇراقتاندىرىلعان مەملەكەتتىڭ ٴتۇبىرلى مىندەتىن، كۇرەس نىساناسىن جانە مەملەكەتتىڭ باسشىلىق ٴتۇزىلىسىن كەمەلدەندىرىپ، مەملەكەتتىڭ باقىلاۋ-تەكسەرۋ ٴتۇزىمىن تۇراقتاندىرىپ، مەملەكەتتىڭ باياندى تىنىشتىعىنىڭ تۇزىمدىك نەگىزىن بەكەمدەدى. تۇراقتى كوميتەت پارتيا ورتالىق كوميتەتىنىڭ ورنالاستىرۋى بويىنشا، جاڭادان وزگەرىس ەنگىزىلگەن نەگىزگى زاڭدى جاپپاي ۇيرەنۋ، ۇگىتتەۋ جانە دايەكتى اتقارۋدى كەلەلى ساياسي مىندەت رەتىندە يگەرىپ، نەگىزگى زاڭعا وزگەرىس ەنگىزۋدىڭ ماڭىزدى ٴمانى مەن وزگەرىس ەنگىزىلگەن نەگىزگى مازمۇنداردى ۇيرەنۋ، ۇگىتتەۋدى كورنەكتىلەندىرىپ، نەگىزگى زاڭدى ىشكەرىلەي ۇيرەنۋ، ۇگىتتەۋ جانە دايەكتى اتقارۋ جونىندە اڭگىمە ماجىلىستەرىن اشىپ، مەملەكەتتىڭ 5-رەتكى نەگىزگى زاڭ كۇنى اڭگىمە ٴماجىلىسىن وتكىزىپ، ارناۋلى تاقىرىپتا تىلشىلەر جينالىسىن ۇيىمداستىرىپ، ۇگىتتەۋ-ٴتۇسىندىرۋ، بايانداما جاساۋ ٴماجىلىسىن اشىپ، نازاريالىق ماقالالار جازىپ، وڭىرلەر مەن تاراۋلاردىڭ الۋان ٴتۇرلى فورمالارمەن نەگىزگى زاڭ تۋرالى ۇگىت-تاربيە قيمىلدارىن ورىستەتۋىن ىلگەرىلەتىپ، نەگىزگى زاڭ رۋحىن ساۋلەلەندىرىپ، نەگىزگى زاڭنىڭ بەدەلىن تىكتەپ، نەگىزگى زاڭ تانىمىن كۇشەيتىپ، نەگىزگى زاڭ رۋحىن جۇرت كوڭىلىنە تەرەڭ ۇيالاتىپ، حالىقتىڭ شىنايى سەنىمى مەن قولداۋىنا يە ەتتى.
تۇراقتى كوميتەت نەگىزگى زاڭدى دايەكتىلەندىرۋدە باستاماشى بولدى ٴارى نەگىزگى زاڭنىڭ اتقارىلۋىن باقىلاۋدى كۇشەيتتى. جاڭادان وزگەرىس ەنگىزىلگەن نەگىزگى زاڭ بويىنشا، رەتتەلىپ قۇرىلعان نەگىزگى زاڭ جانە زاڭ كوميسسياسىنىڭ مىندەتى جونىندە قاۋلى شىعاردى، نەگىزگى زاڭدى اتقارۋ جانە باقىلاۋ، نەگىزگى زاڭدى ٴتۇسىندىرۋ سياقتى قىزمەت مىندەتىن ارتتىرىپ، نەگىزگى زاڭدى اتقارۋداعى قىزمەتتىك كۇش پەن ۇيىمدىق قامتاماسىزدىقتى كۇشەيتتى. قۇجات بولادى ەكەن ٴسوزسىز ەستەلىككە الۋعا، ەستەلىككە الىنعان ەكەن ٴسوزسىز تەكسەرۋگە، قاتەلىك بولادى ەكەن ٴسوزسىز تۇزەتۋگە تاباندى بولىپ، نەگىزگى زاڭعا سيىمدىلىعىن تەكسەرۋدى كۇشەيتىپ، نەگىزگى زاڭدا تۇراقتانعان ٴتۇزىم، پرينسيپ، ەرەجەلەردىڭ تولىق اتقارىلۋىنا كەپىلدىك ەتتى. ەستەلىككە الۋعا جولدانعان 40 اكىمشىلىك زاڭ-ەرەجەنى، 1180 جەرگىلىكتى زاڭ-ەرەجەنى، 18 ٴادىليالىق تۇسىندىرمەنى مۇقيات تەكسەردى، ازاماتتار مەن ۇيىمدار العا قويعان 1229 تەكسەرۋ ۇسىنىسىن مۇقيات زەرتتەدى، قاتىستى جاقتاردى نەگىزگى زاڭ مەن زاڭدارعا سايكەسپەيتىن ولشەمدى قۇجاتتاردى زاڭ بويىنشا كۇشىنەن قالدىرۋعا جانە تۇزەتۋگە قۋزادى. نەگىزگى زاڭ الدىندا سەرت بەرۋدى مۇقيات ۇيىمداستىرىپ، مەملەكەت قىزمەتكەرلەرىنىڭ نەگىزگى زاڭ تانىمىن كۇشەيتىپ، باستاماشىلدىقپەن نەگىزگى زاڭنىڭ ادال قاستەرلەۋشىسى، سانالى بويسۇنۋشىسى، بۇلجىماس قورعاۋشىسى بولدى.
ٴبىر جىلدان بەرى، نەگىزگى زاڭدى ۇيرەنۋ، ۇگىتتەۋ جانە دايەكتى اتقارۋدا تىڭ قادام تاستالدى. نەگىزگى زاڭنىڭ زاڭدىق ورنى، زاڭدىق بەدەلى، زاڭدىق كۇشى ايگىلەنىپ، ەلىمىزدىڭ نەگىزگى زاڭىنىڭ حالىقتىڭ ورتاق ەركىن تولىق ايگىلەپ، حالىقتىڭ ۇقىعىن تولىق قامتاماسىز ەتىپ، حالىقتىڭ ٴتۇبىرلى مۇددەسىن تولىق قورعايتىندىعىن تۇتاس قوعام اناعۇرلىم تەرەڭ تانىدى، مۇنىڭ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرۋدىڭ ۇلى امالياتى بارىسىندا ٴتۇبىرلى زاڭمەن باسقارۋدى قامتاماسىزداندىرۋ رولىن اناعۇرلىم ويداعىداي ساۋلەلەندىرەرى داۋسىز.
3. جاڭا داۋىردەگى زاڭ شىعارۋ قىزمەتىن كۇشەيتىپ جانە جاقسارتىپ، رەفورمالاۋ، دامۋ جانە ورنىقتىلىق قىزمەتىن زاڭمەن باسقارۋدى قامتاماسىز ەتتىك
تۇراقتى كوميتەت رەفورمالاۋ مەن زاڭمەن باسقارۋدى ٴوزارا بىرلەستىرۋگە تاباندى بولىپ، زاڭ شىعارۋ پلانىن مۇقيات جاساپ، تۇراقتى كوميتەتتىڭ زاڭ شىعارۋ قىزمەتى ٴماجىلىسى مەن جەرگىلىكتى زاڭ شىعارۋ قىزمەتى اڭگىمە ٴماجىلىسىن اشىپ، زاڭ شىعارۋ قىزمەتىن دەر كەزىندە ورنالاستىرىپ وتىردى. 8 نۇسقا زاڭ جاساپ، 47 نۇسقا-رەت زاڭعا وزگەرىس ەنگىزىپ، زاڭدىق ماسەلەلەر مەن كەلەلى ماسەلەلەرگە قاتىستى قاۋلىدان 9 ىن قابىلدادى. وسى زاڭ شىعارۋ نىساندارى نەگىزىنەن مىناداي ٴۇش تۇرگە بولىنەدى: ٴبىرىنشى، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ، زاڭ شىعارۋ ارقىلى كەلەلى شەشىمدەر مەن ورنالاستىرۋلاردىڭ تياناقتانۋىن ىلگەرىلەتۋ جانە قامتاماسىزداندىرۋ؛ ەكىنشى، رەفورمانى جاپپاي تەرەڭدەتۋدى ارقاۋ ەتە وتىرىپ، زاڭ شىعارۋ، زاڭعا وزگەرىس ەنگىزۋ ارقىلى كەلەلى رەفورمالاردىڭ زاڭدىق نەگىزگە يە بولۋىنا شىنايى كەپىلدىك ەتۋ؛ ٴۇشىنشى، سوتسياليستىك زاڭمەن باسقارۋ جۇيەسىن ورناتۋ جانە زاڭمەن باسقارىلاتىن سوتسياليستىك مەملەكەت قۇرۋدى جەدەلدەتۋدى ارقاۋ ەتە وتىرىپ، ٴتۇيىندى سالالاردىڭ زاڭ شىعارۋ مىندەتىن ويداعىداي ورىنداۋ.
2018-جىل رەفورمالاۋ مەن ەسىك اشۋدىڭ 40 جىلدىعى. رەفورما جۇرگىزىپ، ەسىك اشقان 40 جىلداعى تاجىريبەلەر بىزگە رەفورمالاۋ، دامۋ، ورنىقتىلىققا قاتىستى ٴتۇرلى قىزمەتتەردى ويداعىداي ىستەۋدىڭ زاڭمەن باسقارۋدان ايرىلا المايتىندىعىن، رەفورمالاۋ مەن ەسىك اشۋ ىشكەرىلەگەن سايىن، زاڭمەن باسقارۋدى دا سولعۇرلىم باسا دارىپتەۋ قاجەت ەكەندىگىن ۇعىندىردى. تۇراقتى كوميتەت رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىن تىڭ تاريحي باستامادان باستاپ ىلگەرىلەتۋدى ارقاۋ ەتىپ، سوتسياليستىك بازار ەكونوميكاسىنا قاتىستى زاڭ-تۇزىمدەردى كەمەلدەندىرۋدى كوزدە ۇستاي وتىرىپ، ەكونوميكا سالاسىنداعى زاڭ شىعارۋدى جەدەلدەتىپ، ٴبىرقىدىرۋ زاڭدارعا وزگەرىس ەنگىزىپ، زاڭ بەلگىلەمەلەرىنىڭ ٴىس جۇزىندىك دامۋعا ۇيلەسپەۋ ماسەلەسىن دەر كەزىندە شەشتى. زاڭمەن باسقارۋ ــ ەڭ تاماشا تيجارات-ساۋدا ورتاسى. وسى جولعى ماجىلىستە قارالاتىن شەتەل ساۋداگەرلەرىنىڭ قارجى قوسۋ زاڭى جوباسى ەلىمىزدىڭ رەفورمالاۋ، ەسىك اشۋداعى تىڭ ۇستانىمىن، تىڭ وي جەلىسىن، تىڭ شاراسىن جان-جاقتىلى بەينەلەپ، جاڭا داۋىردەگى ەلىمىزدىڭ جاڭا كەزەكتى جوعارى دەڭگەيدەگى سىرتقا ەسىك اشۋىنىڭ جاڭا جاعدايىن قالىپتاستىرۋ جونىنەن ماڭىزدى جەبەۋ جانە قامتاماسىزداندىرۋ رولىنا يە. تۇراقتى كوميتەت بۇل جوبانى ەكى رەت قارادى، بارلىق ۋاكىلدەردىڭ بىرگە كۇش سالۋىندا، وسى كەلەلى زاڭ شىعارۋ مىندەتىنىڭ ٴسوزسىز تابىسپەن ورىندالاتىندىعىنا سەنەمىز. ەلىمىزدىڭ ەلەكتروندى ساۋدا بازارىنىڭ كولەمى بۇكىل جەر شارىندا ٴبىرىنشى ورىندا تۇرادى، ەلەكتروندى ساۋدامەن اينالىساتىنداردىڭ سانى نەشە ون ميلليون ادام بولىپ، 100 ميلليونداعان تۇتىنۋشىلارعا سايادى. ەلەكتروندى ساۋدا زاڭىن جاساۋدىڭ ەلەكتروندى ساۋدانىڭ اقاۋسىز دامۋىن جەبەۋ، تۇتىنۋشىلاردىڭ زاڭدى ۇقىق–مۇددەسى مەن بازاردىڭ ادىلدىگىن قورعاۋ جونىنەن ماڭىزى زور. قوعامنىڭ ٴار سالاسىنداعىلار جاپپاي بىلاي دەپ قارادى: بۇل ەلەكتروندى ساۋدانىڭ اقاۋسىز دامۋىن قولدايتىن، جۇيەگە تۇسىرەتىن، جاڭالىق اشاتىن جانە ونى قامتاماسىز ەتەتىن جەبەۋشى زاڭ، قالىڭ تۇتىنۋشىلاردىڭ، تەكشەدەگى تيجاراتشىلار مەن جەلىدەگى تيجاراتشىلاردىڭ زاڭدى ۇقىق-مۇددەسىن قورعايتىن زاڭ، بازار ٴتارتىبى مەن ٴادىل باسەكەنى قامتاماسىز ەتەتىن زاڭ. اۋىل-قىستاق جەرىن كوتەرمەگە الۋ زاڭىنا وزگەرىس ەنگىزۋ اۋىل-قىستاق جەر ٴتۇزىمى رەفورماسىن تەرەڭدەتىپ، اۋىل-قىستاق جەرىن كوتەرمەگە الۋ قاتىناسىن زاڭ جاعىنان تۇراقتاندىرىپ جانە كەمەلدەندىرىپ، قالىڭ جەردى كوتەرمەگە الۋشىلار مەن تيجاراتشىلاردىڭ كوڭىلىن ورنىقتىرىپ، اۋىل شارۋاشىلىعى مەن اۋىل-قىستاقتاردىڭ دامۋىن جەبەۋدە ماڭىزدى ٴمان الادى. تۇراقتى كوميتەت تاعى ەگىستىك جەردى يەمدەنۋ باجىسى زاڭىن، اۆتوكولىك ساتىپ الۋ باجىسى زاڭىن جاساپ، سەرىكتەستىك زاڭى، حالىقتىق اۋە قاتىناس زاڭى، ەلەكتر ەنەرگياسى زاڭى، پورت زاڭى، كاسىپورىنداردىڭ تابىس باجىسى زاڭى قاتارلى زاڭدارعا وزگەرىستەر ەنگىزىپ، قاتىستى سالالارداعى رەفورما مەن دامۋدى جەبەدى.
پارتيانىڭ 19-قۇرىلتايى مەن 19-كەزەكتى ورتالىق كوميتەتىنىڭ ٴۇشىنشى جالپى ٴماجىلىسىنىڭ رۋحىن دايەكتىلەندىرىپ، 13-كەزەكتى مەملەكەتتىك حالىق قۇرىلتايىنىڭ 1-ٴماجىلىسى بەكىتكەن قۇرىلىم رەفورماسىنىڭ جوباسى بويىنشا، تۇراقتى كوميتەت زاڭدارعا وزگەرىس ەنگىزۋ، قاۋلى شىعارۋ ارقىلى مەملەكەت قۇرىلىمدارىنىڭ ۇيىمدىق زاڭ-تۇزىمدەرىن اقاۋسىزداندىردى. مەملەكەتتىك كەڭەستىڭ قۇرىلىم رەفورماسىنداعى زاڭ بەلگىلەمەلەرىنە ساياتىن اكىمشىلىك ورگانداردىڭ مىندەت-جاۋاپكەرشىلىگىن رەتتەۋ ماسەلەسى جونىندە قاۋلى شىعاردى، قۇرىلىم رەفورماسىنا ساياتىن شەكارا تازالىعى كارانتين زاڭى سياقتى 32 زاڭنىڭ 316 تارماعى مەن تارماقشالارىنا ٴبىرتۇتاس وزگەرىستەر ەنگىزدى، جۇڭگو تەڭىز ساقشى مەكەمەسىنىڭ تەڭىزدەگى ۇقىق قورعاۋعا قاتىستى زاڭ اتقارۋ ۇقىعىن جۇرگىزۋى جونىندە قاۋلى شىعاردى، ٴورت ٴوشىرۋ، ورتتەن ساقتانۋ، قۇتقارۋ قىزمەتى شەن ەرەجەسىن بەلگىلەپ، قۇرىلىم رەفورماسىنىڭ زاڭداردى رەتتەۋ جونىندە العا قويعان تالاپتارىنا دەركەزىندە سايكەسىپ، قۇرىلىم رەفورماسىنىڭ ٴساتتى جۇرگىزىلۋىن زاڭ جاعىنان قامتاماسىز ەتىپ، رەفورمانىڭ ٴتارتىپتى ۇلاسۋىنا، قىزمەتتىڭ ۇزدىكسىز ورنىقتى ىلگەرىلەۋىنە كەپىلدىك ەتتى. مەملەكەت قىزمەتكەرى زاڭىنا تۇزەتۋ ەنگىزىپ، مىندەتى مەن قىزمەت دارەجەسىن قاتار قولدانۋ ٴتۇزىمىن رەفورمالاۋ امالياتىن زاڭعا ەنگىزىپ، ۇكىمەت قىزمەتكەرلەرىن تۇرگە ايىرۋ ٴتۇزىلىسى رەفورماسىن جەدەل ىلگەرىلەتتىك. حالىق سوت مەكەمەسىنىڭ ۇيىمدىق زاڭى، حالىق پروكۋراتۋراسىنىڭ ۇيىمدىق زاڭى، قىلمىستىق ىستەر ارىز-شاعىم زاڭىنا وزگەرىس ەنگىزىپ، حالىق زاسەداتەلى زاڭىن، حالىقارالىق قىلمىستىق ىستەر ٴادىليالىق سەلبەستىك زاڭىن جاساپ، شاڭحاي فينانس سوت مەكەمەسىن قۇرۋ، پاتەنت سياقتى ٴبىلىم مەنشىك ۇقىعى دەلولارىنا قاتىستى ارىز-شاعىم ٴتارتىبى جونىندەگى ٴبىرقانشا ماسەلە تۋرالى قاۋلى شىعارىپ، ٴادىليا ٴتۇزىلىسى رەفورماسىنىڭ تابىستارىن بەكەمدەدىك جانە تەرەڭدەتتىك. قىستاق تۇرعىندار كوميتەتىنىڭ ۇيىمدىق زاڭىنا، قالاداعى تۇرعىندار كوميتەتىنىڭ ۇيىمدىق زاڭىنا وزگەرىس ەنگىزىپ، نەگىزگى ساتىنى جونگە سالۋ جۇيەسىن كەمەلدەندىردىك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
