[فۋتبولدان ايەلدەردىڭ الەم چەمپيوناتى] جۇڭگو كومانداسى باسىم تۇسكەنىمەن جەڭىسكە جەتە الماي، 0 : 2 ۇپايمەن يتاليادان جەڭىلىپ، 8 مىقتىنىڭ قاتارىن قوسىلا المادى

2019.06.26 14:53   كەلۋ قاينارى : حالىق تورابى

　　شينحۋا اگەنتتىگى، 6 – ايدىڭ 25 – كۇنى، فرانسيا مونتەلليەر (ءتىلشى: ۋەي حۋا، سۋ بين) فرانسيادا ءوتىپ جاتقان فۋتبولدان ايەلدەردىڭ الەم چەمپيوناتىنىڭ 8 / 1 شەشۋشى جارىسى كەزەڭىندەگى جۇرتتىڭ نازارىن اۋدارعان جۇڭگو كومانداسى مەن يتاليا كومانداسى اراسىنداعى جارىس فرانسيانىڭ تۇستىگىندەگى مونتەلليەر قالاسىندا وتكىزىلدى. جۇڭگو كومانداسى دوپتى مەڭگەرۋ مولشەرى، قاقپاعا دوپ ۇرۋ سانى جاعىندا باسىم تۇسكەنىمەن، باسىمدىلىعىن جەڭىسكە اينالدىرا الماي، 0 : 2 ۇپايمەن يتاليا كومانداسىنان جەڭىلىپ، 8 مىقتىنىڭ قاتارىنا قوسىلا المادى.

　　جۇڭگو ايەلدەر فۋتبول كومانداسى گرۋپپالىق جارىستا ءبىر جەڭىس، ءبىر تەڭ ءتۇسۋ، ءبىر جەڭىلىس ناتيجەسىمەن ءۇشىنشى ورىنعا تابان تىرەگەن، يتاليا كومانداسى ەكى جەڭىس، ءبىر جەڭىلىسپەن C گرۋپپادا ءبىرىنشى بولىپ كەلەسى كەزەڭگە شىققان. الدىڭعى رەتكى جارىسپەن سالىستىرعاندا، ەكى كوماندانىڭ نەگىزگى قۇرامىنداعى ويىنشىلارىنىڭ قاتارىندا كوپ وزگەرىس بولمادى. جۇڭگو كومانداسى بۇكىلدەي يسپانيا كومانداسىمەن وتكەن جارىستاعى 442 شەبىن قۇردى، يتاليا كومانداسى تەك ءبىر ورىندا عانا وزگەرىس جاساپ، بەرگاماسكيدىڭ ورنىنا گالليدى شىعاردى.

　　كەلۋ قاينارى: حالىق تورابى