بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>كوپ بەتتىك حابارلار

بەيجيڭدە قازاق ءتىلىن ۇيرەنۋشىلەردىڭ مەملەكەتتىك جارىسى وتكىزىلدى

2019.07.15 14:58     كەلۋ قاينارى : حالىق تورابى


  

  حالىق تورابىنىڭ 7 – ايدىڭ 15 – كۇنى بەيجيڭنەن بەرگەن حابارى، ءتىل — ادامزاتتىڭ ەڭ ماڭىزدى قارىم – قاتىناس قۇرالى، ٶزارا ءتۇسىنۋدىڭ، ۇيرەنۋدىڭ، سىرلاسۋدىڭ، سيلاسۋدىڭ كەم بولسا بولمايتىن قۇرالى. بۇگىنگى تاڭدا قازاق ءتىلىن ۇيرەنەتىن وزگە ۇلت ۋاكىلدەرىنىڭ سانى كۇن سايىن كوبەيدى، ورتالىق ۇلتتار ۋنيۆەرسيتەتى، شينجياڭ ۋنيۆەرسيتەتى، ىلە پەداگوگيكا ۋنيۆەرسيتەتى سياقتى بىلىكتى ءبىلىم وردالارىندا وزگە ۇلت ستۋدەنتتەرىنە ارناۋلى قازاق ءتىلىن ۇيرەتەتىن كلاستار اشىلعالى دا ءبىراز جىلدار بولدى، بۇگىن ءبىزدىڭ سىزدەرمەن بولىسەيىك دەپ وتىرعان جاڭالىعىمىز قازاق ءتىلىن ۇيرەنىپ جاتقان وزگە ۇلت ستۋدەنتتەرىنە ارناپ ۇيىمداستىرىلعان «2019 – جىلعى جوعارى وقۋ ورىندارىنىڭ قازاق ءتىلى تۋرالى مەملەكەتتىك جارىسى» جونىندە بولماق.

  2019 - جىلى 7 – ايدىڭ 13 – كۇنىنەن 14 – كۇنىنە دەيىن ورتالىق ۇلتتار ۋنيۆەرسيتەتى قازاق ءتىل - ادەبيەت فاكۋلتەتى ۇيىمداستىرعان «2019 – جىلعى جوعارى وقۋ ورىندارىنىڭ قازاق ءتىلى تۋرالى مەملەكەتتىك جارىس» ورتالىق ۇلتتار ۋنيۆەرسيتەتىندە وتكىزىلدى، جارىسقا بەيجيڭ شەتەل ءتىلى ۋنيۆەرسيتەتى، شينجياڭ ۋنيۆەرسيتەتى، ىلە پەداگوگيكا ۋنيۆەرسيتەتى جانە ورتالىق ۇلتتار ۋنيۆەرسيتەتى سياقتى ءتورت ۋنيۆەرسيتەتتەن كەلگەن 26 شاباندوز قاتىناستى.

  2019 - جىلى 7 – ايدىڭ 13 – كۇنى تۇستەن بۇرىن جارىستىڭ اشىلۋ سالتى وتكىزىلدى. جارىستىڭ اشىلۋ سالتىنا ورتالىق ۇلتتار ۋنيۆەرسيتەتى پارتكومىنىڭ تۇراقتى مۇشەسى، مەكتەپ باستىعىنىڭ ورىنباسارى شى ياجوۋ، ورتالىق ۇلتتار ۋنيۆەرسيتەتى وقىتۋ باسقارماسى باستىعىنىڭ ورىنباسارى ما يىڭجۇن، ورتالىق ۇلتتار ۋنيۆەرسيتەتى جۇڭگو ۇلتتار ءتىل ـ ادەبيەتى ينستيتۋتىنىڭ باستىعى، پارتكوم شۋجيىنىڭ ورىنباسارى جۇڭ جينۋىن، ورتالىق ۇلتتار ۋنيۆەرسيتەتى جۇڭگو از ۇلتتار ءتىل - ادەبيەتى ينستيتۋتى باستىعىنىڭ ورىنباسارى نۇرباقان كالەلقان ۇلى قاتارلى باسشىلار مەن ءارقايسى مەكتەپتەردەن كەلگەن جاۋاپتى وقىتۋشىلار جانە شاباندوزدار قاتىناستى.

  ورتالىق ۇلتتار ۋنيۆەرسيتەتى پارتكومىنىڭ تۇراقتى مۇشەسى، مەكتەپ باستىعىنىڭ ورىنباسارى شى ياجوۋ اشىلۋ سالتىنا ارناۋ ءسوز سويلەدى. اشىلۋ سالتىن ورتالىق ۇلتتار ۋنيۆەرسيتەتى جۇڭگو از ۇلت ءتىل - ادەبيەت ينستيتۋتى باستىعىنىڭ ورىنباسارى نۇرباقان كالەلقان ۇلى باسقاردى.

  ەكى كۇنگە جالعاسقان بۇل جارىس جوعارى جىلدىق گرۋپپاسى جانە تومەن جىلدىق گرۋپپاسى دەپ ەكى گرۋپپاعا ءبولىنىپ وتكىزىلدى. جارىس جازباشا جانە اۋىزشا ءتىل سىناعى سياقتى ەكى بولەكتەن قۇرالدى، جارىستىڭ ناقتى مازمۇندارىنا كەلسەك، ناق مايداندا شاعىن ماقالا جازۋ، قازاقشانى حانزۋشاعا اۋدارۋ، حانزۋشانى قازاقشاعا اۋدارۋ، جاڭىلتپاش ايتۋ، ماقال – ماتەلدەردى اۋدارۋ سياقتى مازمۇندار ارقىلى شاباندوزداردىڭ قابىلەتىن سىناپ، مىڭنان تۇلپار، جۇزدەن جۇيرىك تاڭدادى.

  7 – ايدىڭ 14 – كۇنى تۇستەن كەيىن اتالعان جارىستىڭ جابىلۋ سالتى ورتالىق ۇلتتار ۋنيۆەرسيتەتىنىڭ مادەنيەت سارايىنىڭ جيىن زالىندا وتكىزىلدى. الدىمەن ەكى كۇنگە جالعاسقان سىناقتاردا سۇرىنبەي ٶتىپ، باعى مەن بابى جانعان شاباندوزدارعا سيلىق تاراتىلدى. اتالعان جارىستىڭ باس جۇلدەسىن جوعارى جىلدىق گرۋپپاسى بويىنشا شينجياڭ ۋنيۆەرسيتەتىنەن كەلگەن ۋاڭ زىلي ساباقتاس، تومەن جىلدىق گرۋپپاسى بويىنشا ىلە پەداگوگيكا ۋنيۆەرسيتەتىنەن كەلگەن فىڭ ليلي ساباقتاس قانجىعالادى. مۇنان سىرت ەكىنشى دارەجەلى، ءۇشىنشى دارەجەلى ورىندى ەنشىلەگەن ستۋدەنتتەرگە، ۇزدىك ۇيىمداستىرۋشى ورىندارعا سيلىق تاراتىلدى. جابىلۋ سالتىنىڭ سوڭىندا ورتالىق ۇلتتار ۋنيۆەرسيتەتى جۇڭگو از ۇلتتار ءتىل – ادەبيەتى ينستيتۋتى باستىعىنىڭ ورىنباسارى نۇرباقان كالەلقان ۇلى ەكى كۇنگە جالعاسقان جارىستىڭ قورىتىندى ءسوزىن سويلەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار